السلام عليكم ورحمة الله وبركاتة
من لا يشكر الناس لا يشكر الله
أولاً بشكر الله أولاً علي نعمة الأخوة في الأسلام و أنه عرفني بأشخاص زيكم و نكون أخوة في الله
و فينا ناس بتساعد غيرها من غير حتي ما تعرفة أو تقابلة
و بشكر أخويا في الله ahmed.tv علي الواجب ايلي عملة معايا و بسأل الله عز و جل أنه يردهوله في الدنيا و الأخرة ( عشان الجزاء من جنس العمل )
أستاذ أحمد شكراً
و الحقيقة أنا مكنتش عايز اعمل الموضوع ده و أخلي الشكر ده بيني و بين ربنا عشان أحمد ياخد صواب أكتر
ولكن قولت ان حقه انى اشكره قدامكم كلكم و هو طبعاً مش مستني شكر مني عشان الراجل ده بيعمل من غير ما يستني ان حد يقوله شكرا
انهرده كنت بعمل الصيانه
أستاذ أحمد قام بدري من النوم عشاني مخصوص و كلف نفسة و أتصل بالتوكيل يوصيهم عليا
و كلف نفسة تاني جمايل وخلاهم يعملولي خصم 10% علي الصيانه دي
و المهندس هناك قالي هنعملك خصم 10 % تاني علي الصيانه القادمة
وكلف نفسه ثالث و اتصل بيا بس لسوء حظي كنت كاتب رقمي ناقص رقم ( من غير قصد طبعاً )
و تعب نفسه و كلف نفسة عشان واحد ميعرفوش و مش هياخد منه لا ابيض ولا اسود
شكراً يا أحمد لتاني مرة
بس طبعا كلكم عايزين تعرفوا اية السر ان احمد ahmed.tv بيقدر يعمل الكلام ده
أقولكم
و انا راجع من التوكيل انهرده قولت اعدي علي اليابان اشوف ايه اخبار الكسسوار هناك ( أصلي مش بشتري غير من اليابان )
المهم و انا ماشي في شارع اليابان العمومي علي البحر لقيت المفاجأة
شوفوا كده مين في الصورة دي