استفسار فى الجنوط

**semsem7222** · 21-07-2011 10:47 PM

عاوز اجيب اربع جنوط سبور مقاس 16 للار بى اجيب منين واية الانواع المحترمة المحترمة بجد واحسن مكان اجيب منة وياريت تقولولى على ماركات بس الماركات الاصلية واحسن صناعة ويفضل لو فى اسعار وشكرا

**Screenplays** · 22-07-2011 12:27 AM

بالنسبه للجنوط فافضل الصناعات هي الايطالي ثم يليه الاندونيسي و ابعد عن الصيني تماما لان ممكن مع اي مطب يتكسر بالنسبه للكاوتش ممكن تجيب طقم عريض بريدجستون او حتي ماكسس

**memo823000** · 22-07-2011 02:02 AM

بالنسبة للجنوط انا مفهمش فيها بس انا لو مكانك هنزل على الحرفيين واشوف الجنوط الاصليه نزلت ولا لا عشان لو نزلو هتلاقى سعرهم لا يتعدى 1500 للاربع جنوط وطبعا دى تبقى احلى حاجه
لو مش بامكانك تنزل الحرفيين يبقى اسئل اهل الخبره على المحلات المحترمه اللى تجيب منها جنط 16 محترم يعيش معاك وشكله يكون حلو

اما الكوتش فطبعا خليك فى برديدجستون اليابانى الاصلى عشان الفرده طريه ومشبتهبد وهتحافظ على عفشة العربيه وكمان هتبقى راكب مستريح جدا بالزات فى الطرق المكسره والفواصل واللزى منه
المقاس الاصلى للار بى اعلى فئه بتنزل
16/50/195 ودا انا شوفته بنفسى بس بيتهيئلى مشموجود او هتتعب عشان تجيبه بس ده المقاس المناسب لها لو مفيش يبقى هات
16/55/185 ودا برده مناسب واهم حاجه ابعد عن البروفايل 45 عشان العفشه متنشفش والجنط يتنى وانت هتبقى مخنوق جدا
برده اسئل اهل الخبره على المقاسات المناسبه وابقى عرفنا قبل متتسرع
بس زى مقولتلك افضل مقاس هو مقاسها الاصلى 16/50/195 او المقاس التانى بتاع الهوندا سيتى لو ملقتش يبقى خليك فى 15/55/195 وريح دماغك وريح العربيه
والله المستعان