مصيبــة لاصحاب السيــارات الــ 1600 سى سى و2000 سى سى

**Goodle** · 06-05-2008 03:46 PM

المشاركة الأصلية كتبت بواسطة Dr Ahmed

أمال نعمل إيه يا أخى الفاضل؟؟؟

السكوت والصمت أصبحا شديدا المرارة

إحنا أشخاص عاديين ملناش تحركات منظمة مع أى جهة ، نعمل إيه؟
نسيب غضبنا يتكلم زى عمال المحلة؟
ننزل الشارع نعمل مظاهرات؟
ننضم لأى حركة معارضة؟؟

نعمل إيه غير الإضراب؟؟؟؟ ما هو السكوت المهين اللى اتعودنا عليه خلاص بقى هو والموت سواسية!!

يا صديقي الذي لم اتشرف بمقابلته قط.. أنا سؤالي مش بنبرة استهجان.. دا سؤال بنبرة استفهام

يعني اضراب عن شراء البنزين (بالنسبة لي عن شراء السيارة)
أم إضراب عن الذهاب للعمل
أنا كان قصدي اسمع اقتراحات..
بانتظار الرد

**م. تيمور** · 06-05-2008 03:52 PM

المشاركة الأصلية كتبت بواسطة Goodle

يا صديقي الذي لم اتشرف بمقابلته قط.. أنا سؤالي مش بنبرة استهجان.. دا سؤال بنبرة استفهام

يعني اضراب عن شراء البنزين (بالنسبة لي عن شراء السيارة)
أم إضراب عن الذهاب للعمل
أنا كان قصدي اسمع اقتراحات..
بانتظار الرد

انتظروا الموعد الجديد للإضراااب مني هنا ان شاااء الله
وحيكون فيه برنااامج واضح للتحرك والمشاركة .. وشباب مصر عالفيس بوك مش حيقصروا مع البلد ..
حسبنا الله ونعم الوكيل في كل فاسد وحراااامي ..

**dr_3eshoo** · 06-05-2008 06:50 PM

يعني مش عارف اقول ايه
هيا مصيبه و بعد كده هنتعود عليها معلش اصل احنا بنحب المسالمه مسمعتوش النكته بتاعت كوبير 6 اكتوبر هيا نكته قليله الادب بس هي دي الحقيقه الي احنا عايشينها
ناخد على دماغنا و نقول عادي ناخد تاني و نقول و ماله و تالت و رابع و خامس و عاديه
امتى هنفوق الله اعلم
المشكله مشكله الدخل هل الدخل هيواجه المصاريف الجديده ولا لا
و ايه الاجرائات الجديده الي لازم نعملها يعني الي انا شايفه الناس بتتكلم عن المشكله ايه حل المشكله
مش عااااااااااااااااارف

**sokasoon** · 06-05-2008 07:59 PM

الذكاء الحكومى

ضحكو على الشعب الساذج

ادولو 30 % طبعا الشعب هيـــــص

وبعديها بيومين ادالو على قفاه وزود الاسعار

استثمار غالى غالى ;)

اديلو 30 % وخد منو 60 %

فيه استثمار احلى من كده

مش مكفيهم اللى واخدينو بينظفو البلد :p

**bassam nagy** · 06-05-2008 09:51 PM

لو موضوع الضريبة دة مدروس قبل مايطروحة كان هايبقى فى فرق بين عربية
موتورها 1600 سى سى تمنها 65000 الف
وعربية تانية 1600 سى سى تمنها 410000

**م. تيمور** · 06-05-2008 09:58 PM

المشاركة الأصلية كتبت بواسطة bassam nagy

لو موضوع الضريبة دة مدروس قبل مايطروحة كان هايبقى فى فرق بين عربية
موتورها 1600 سى سى تمنها 65000 الف
وعربية تانية 1600 سى سى تمنها 410000

سلق بيض حضرتك والله وناس مش فاهمه حاجه
24 ساعه بيزنس وتهليب ولما يجي وقت السياسه قرارت كلها غير مدروسه وعشوائية
زي المحافظات الجديده دي مثلا .. لا اعتمادات مخصصة ولا حتى مقر للمحافظه ولا اخذ رأي الناااس
وعندك فضيحة المحكمة الدستورية العليا .. اللي احكامها من ساعة القرار باطله قانونيا لأن لائحتها تنص على أن مقرها يقع في العاصمة .. وهي الآن تابعه لمحافظة حلوان ..
يا أخي حتى يسموها محافظة المعااادي مثلا .. انما لازوق ولا خيال ولا موهبه حاجه تقرف
******************
شوف المصريين في افلام زمااان .. افلام الزمن الجميل كان شكلهم أزااي !!! ودلوقتي امشي في الشارع وشوف وشوش الناااس ..
حسبنا الله ونعم الوكيل .. الله يحمي مصر كنانة الله من كل فاسد وحرااامي بيسرق قوت الغلابه ..
----------------
الإدارة4

**BomBom** · 06-05-2008 09:58 PM

طيب انا عايز اعرف بالنسبة لترخيص 1500 سي سي هايفرق الموديل في الحساب و لا لاء.

**Adham_Sabry** · 06-05-2008 11:01 PM

المشاركة الأصلية كتبت بواسطة bassam nagy

لو موضوع الضريبة دة مدروس قبل مايطروحة كان هايبقى فى فرق بين عربية
موتورها 1600 سى سى تمنها 65000 الف
وعربية تانية 1600 سى سى تمنها 410000

لأ يا باشا ده مدروس ومقصود ...
امال انت فكرك هايجوا ناحيه الطبقه الغنيه .. انت عاوز احمد عز يزعل منك ولا ايه؟؟
شوفوا الأرقام دي علشان الرؤيه توضح

ديون مصر 870 مليار جنيه و الاقتراض مستمر* (يعني حوالي 160 مليار دولار)!!
فوائد وأقساط الدين 64 مليار جنيه سنويا*
الفقراء يدفعون 60 مليار جنيه ضرائب *
والأغنياء يدفعون 10 مليارات جنيه فقط
ميزانية الداخلية 11.4 مليار جنيه*
وميزانية الصحة 10.6 مليار جنيه
دعم رغيف العيش للفقراء 7 مليار جنيه*
ودعم البترول للأغنياء 40 مليار جنيه
دعم صادرات رجال الأعمال 2 مليار جنيه*
ودعم معاش الضمان لمليون أسرة 1.1 مليار جنيه
دعم السياحة 5 مليار جنيه*
ودعم المزارعين 330 مليون جنيه
رواتب الموظفين 15 مليار جنيه*
وحوافز ومكافآت الكبار 25 مليار جنيه
الضرائب على الموظفين 9 مليار جنيه *
وضرائب التجارو والصناعة 5 مليار جنيه
لدينا 300مريض سرطان يوميا*
لدينا 100 ألف مريض سرطان سنويا*
لدينا 9 مليون عاطل*
لدينا 9 مليون شاب وفتاه عانس

**م. تيمور** · 06-05-2008 11:09 PM

من ايميلي .. :
أعلنت وكالات الأنباء أخبار عن استغلال جمال مبارك نجل الرئيس مبارك وعدد أخر من أعضاء الحكومة ما تردد وشاع عن فشل اضراب 4 مايو الماضي ليفجروا قنبلة للشارع المصري بقرار رفع الاسعار عن طريق رأس حربتهم أحمد عز زعيم أغلبيتهم بمجلس الشعب والذي يخوض صراعا مريرا هو الآخر مع رجال أعمال أمثال هشام طلعت مصطفي وفي سياق هذا الصراع نجح عز في ضرب هشام عبر ضم الرحاب الي محافظة حلوان وفصلها عن القاهرة .

وشرع أحمد عز علي الفور في تنفيذ الخطة وقام بإعداد وليمة فاخرة من الكباب والحمام والسيمون فاميه والجمبري بأحدي فنادق الخمسة نجوم - فورسيزون - بقلب القاهرة قبل اعلان القرار بساعات وتم خلاله رشوة هؤلاء النواب بمبالغ فاقت مابين 50 ألف ومائة ألف جنيه لكل نائب كما تسرب من الاجتماع ولم ينفه عز وذلك لتصريف امور دوائرهم وشرح خطة رفع الأسعار لهم ، وعندما علم احمد نظيف بالخطة جن جنونه وبادر الي الاتصال بمؤسسة الرئاسة فرد عليه زكريا عزمي قائلا ان كل ما يحدث يتم بعلم الرئيس وموافقته وهو يبلغك ان تذهب للبرلمان لتشارك في نقاشاته من أجل تمرير حزمة الزيادات في الاسعار وبالفعل ذهب نظيف وعقد بعدها مؤتمر صحافي دافع خلاله عن نهج حكومة رجال الاعمال وجنون مؤسسة الرئاسة .

ووفق ما تناقله عناصر داخل الحزب الوطني فإن احمد عز عندما امر عضوة مجلس الشعب شاهيناز النجار قبيل ان يتزوجها ان تترك مجلس الشعب والعمل العام تحفظت فقال لها بالنص هل تؤيدين ان تكونين عضوة في مجلس الشعب أم سيدة مصر الأولي في اشارة الي طموحاته ان يتبوأ موقع رئاسة الجمهورية علي افتراض انه سيتخلص بسهولة من جمال مبارك ويرشو قادة يعتقد انهم فاسدون في المؤسسة العسكرية .

هذا وأقرت مصادر موجات غضب عارم تعم الشارع المصري بسبب قرار رفع الأسعار وندمهم أنهم انخدعوا بعلاوة مبارك ولم يشاركوا باضراب 4 مايو