36 ساعة في التحرير

**A7MED_PHARMA** · 22-07-2011 01:44 AM

السلام عليكم

..

شديت الرحال وروحت التحرير..العدة معايا كانت غيار واحد .. وشبشب .. والعربية
كانت الخطة إني هنام في العربية

المهم
.....
شوفت إيه في التحرير
العـــــــــــدد:
قليل جدا أقل من المفروض ,, البياعين كتير بغباء
البياعين كلهم تقريبا بيئة..وكل فرشة شاي تلاقي قاعدة عليها واحدة مش ولابد

.
ناس كتير كانت جاية تتمشى وتتفرج وتمشي
عدد الموجودين المعتصمين إلي جايين بجد.,.كانوا قليلين لا تنقصهم حماسة أو تصميم

.

خناقات كل شوية بين البياعين .. تلاقي فيها ألفاظ وأفعال غريبة بتحصل

.....
الوحـــــــــــدة:

الميدان مش متحد على رأي بالمرة
كل شوية الناس تلف حوالين الميدان بتهتف" الشعب يريد توحيد الميدان"
هتافات بدون فعل واضح
كان الكلام على توحيد منصة واحدة للتحدث..لكن الرأي ماكلمش
وكان الكلام على تشكيل لجان أمن فعالة.لكن أنا مشيت قبل ماعرف عملوا إيه
كان الكلام على إخراج البياعين من الميدان..وكلام تاني على تجميعهم في جمب واحد
المشكلة الحقيقة

كل فرقة كانت في جمب .. وبتتكلم وكأنها لوحدها إلي هتعمل
الوحدة مش موجودة بالمرة

خطوة جميلة كانت صاحبتها دكتورة صغيرة سنا .. كبيرة عقلا
إن الميدان ينتخب مجلس إدارة ..ولجنة إعلامية .. ولجنة أمنية .. ولجنة تموينات للأكل وخلافه

حصلت حالات إغماءات متكررة بسبب الحر
وحصلت حالة أو حالتين تسمم بسبب أكل فاسد
الوجود الأمني معدون تماما
سواء من الجيش أو الشرطة
.

أنا ماقدرتش أكمل بسبب إني كان بقالي 36 ساعة ماإستحمتش .. والنوم في العربية في الحر ده صعب
وكمان علشان شغلي
وبصراحة كنت متوقع أني أشوف الميدان أحسن من كده

**AboELsoud** · 22-07-2011 02:36 AM

حمدا على السلامه يا دوك
انا بقى لسه جاي من روكسي
و المشهد كالتالي
بتاع 20 واحد و واحده واقفين يسمعوا واحد واقف على منصه و بيتكلم او بيرد على الناس اللي بتهاجمهم و بتقول انهم بتوع مصطفى محمود
و عمال يتكلم على معتز الدمرداش و يجيب في سيرته كتير الصراحه مش عارف ليه :)
شويه ناس واقفه تتفرج و اللي منهم انا و صاحبي
كل العربيات اللي واقفه في الاشاره عماله تتفرج عليهم ( اصل الاشاره دي بتطول اوي )
شاب و شابه / راجل و ست و عيالهم / فيه من ده كتير هناك و قاعدين في الجنينه كأنهم في الازهر بارك :) مستغلين فرصه ان الجنينه مفتوحه و قاعدين مروقين قوي
........................ و بس كده

**khaled_sabry** · 22-07-2011 03:58 AM

المشاركة الأصلية كتبت بواسطة amado ibrahim

تحياتى يا ابوحميد

الحمد لله على سلامتك

طبعا مجهود كبير من حضرتك خاصة فى الحر ده

لكن عايز الصراحة

موضوع الاعتصام بالشكل الموجود حاليا عايز اعادة نظر و تقييم للموقف عشان يبقى فيه فاعلية اكثر

النوايا طيبة

و الاخلاص متوفر

لكن التخطيط مش سليم

تقبل تحياتى

الاعتصام دلوقتى بدون معنى اصلى
مافيش مطالب محدده و حاسمه
يعنى مثلا يقولك محاكمة الظباط و قتله الثوره
ماشى عاوزين محاكمة عادله .... مشكلة اعلام الثوره ان مبين للناس ان اعدام الظباط امر لا مفر منه الا لو كان المحاكمه فاسده

مثال على كده شوف الفيديو ده http://www.youtube.com/watch?v=7Eyrsqlm8ms&feature=player_embedded#at=9 0 قسم بيتحرق وناس محبوسة فوق وماشوفناش حد بيطلق نار.. صحيح فيهم واحد ماشى ببندقيه لكن ماضربشى نار....وحتي ولو اطلقوا نار..دة حقهم لأنهم بيتعرضوا للموت من اللي حرقوا القسم....بس طبعا الاخ اللى مانعرفهوش طلعلك فى قناه مودرن و قاعد يهلل زى الاهبل و مركز اوى على الناس اللى فوق السطوح و بيقول عليهم قناصه (رغم ان مافيش لقطه ليهم و هما بيصوبو سلاح) و متجاهل تمام النار اللى فى القسم تحتهم و محاولة هربهم على السطوح اللى جنبهم

و بالتبعيه لما ظابط يطلع براءه يقولولك دم الشهيد و خلافه و متجاهلين ان مافيش دليل قوى يديله اعدام ... و ممكن بالفعل يكون فى حالة دفاع عن النفس
بالاضافه للناس اللى ليها مطالب غير ائتلافيه و بتحاول تزق مطالبها زى الجبهه الوطنيه للتغير اللى طلعت بتقول الدستور اولا برضه
و اعتصام المره دى مريب لأنه مصحوب بالعديد من محاولات التصعيد (اغلاق محمع التحرير- الدعوه الى العصيان المدنى -التهديد باغلاق قناة السويس- التهديد بغلق المترو )و كل الحجات دى ماكنتشى فى الاعتصام الاولانى ساعت مبارك بالاضافه الى عند غريب و عجرفه من المتظاهرين فى المره دى
و دلوقتى بقى اللى نازل القاهره كام يوم ببيبيت فى التحرير اوفر ليه
طبعا كل اللى ضد الاعتصام ده اعلام الثوره بيصوره انه من الفلول و بتوع احنا اسفيين يا ريس
و اصلا بتوع روكسى دول كانو لدعم المجلس العسكرى لكن اعلام الثوره حصرهم فى انهم بتوع "احنا اسفيين ياريس" و اللى اكد المعلومه الخاطئه دى ظهور عمرو مصطفى و المهيس سبابدر

**misoalex** · 22-07-2011 04:02 AM

فرق تسود

بسم الله الرحمن الرحيم
واعتصمو بحبل الله جميعا ولا تفرقو
صدق الله العظيم

دى الخلاصه

وحمدالله على السلامه يا دكتور واحشنى والله

**pro_samir** · 22-07-2011 04:16 AM

علشان كده مبتردش علي التليفون ؟ طيب متصلتش ليه لما مشيت

**تامر.محمد** · 22-07-2011 04:17 AM

الثورة حاليا باختصار بحاجة لقيادة , و الحل الوحيد هو انشاء مجلس قيادة شعبي يضم كل القوى السياسية و يتعهدوا على المضي لصالح البلاد فقط

ده مش المجلس الرئاسي اللي اخواننا بيطالبوا بيه , ده ممكن نسميه مجلس قيادة الثورة , و كله بيمشي وراه , لكنه بيتشكل من ائتلاف القوى السياسية , و يضم عدد من المعتصمين المستقلين كمان

**zago** · 22-07-2011 04:39 AM

هو انا لما احب اخاطب الشعب اكلم مين بالظبط ؟ ههههههههههههه

**م.احمد زكريا** · 22-07-2011 09:20 AM

المشاركة الأصلية كتبت بواسطة a7med_pharma

السلام عليكم

..

شديت الرحال وروحت التحرير..العدة معايا كانت غيار واحد .. وشبشب .. والعربية
كانت الخطة إني هنام في العربية

المهم
.....
شوفت إيه في التحرير
العـــــــــــدد:
قليل جدا أقل من المفروض ,, البياعين كتير بغباء
البياعين كلهم تقريبا بيئة..وكل فرشة شاي تلاقي قاعدة عليها واحدة مش ولابد

.
ناس كتير كانت جاية تتمشى وتتفرج وتمشي
عدد الموجودين المعتصمين إلي جايين بجد.,.كانوا قليلين لا تنقصهم حماسة أو تصميم

.

خناقات كل شوية بين البياعين .. تلاقي فيها ألفاظ وأفعال غريبة بتحصل

.....
الوحـــــــــــدة:

الميدان مش متحد على رأي بالمرة
كل شوية الناس تلف حوالين الميدان بتهتف" الشعب يريد توحيد الميدان"
هتافات بدون فعل واضح
كان الكلام على توحيد منصة واحدة للتحدث..لكن الرأي ماكلمش
وكان الكلام على تشكيل لجان أمن فعالة.لكن أنا مشيت قبل ماعرف عملوا إيه
كان الكلام على إخراج البياعين من الميدان..وكلام تاني على تجميعهم في جمب واحد
المشكلة الحقيقة

كل فرقة كانت في جمب .. وبتتكلم وكأنها لوحدها إلي هتعمل
الوحدة مش موجودة بالمرة

خطوة جميلة كانت صاحبتها دكتورة صغيرة سنا .. كبيرة عقلا
إن الميدان ينتخب مجلس إدارة ..ولجنة إعلامية .. ولجنة أمنية .. ولجنة تموينات للأكل وخلافه

حصلت حالات إغماءات متكررة بسبب الحر
وحصلت حالة أو حالتين تسمم بسبب أكل فاسد
الوجود الأمني معدون تماما
سواء من الجيش أو الشرطة
.

أنا ماقدرتش أكمل بسبب إني كان بقالي 36 ساعة ماإستحمتش .. والنوم في العربية في الحر ده صعب
وكمان علشان شغلي
وبصراحة كنت متوقع أني أشوف الميدان أحسن من كده

شكرا لأمانة النقل
ويأيد كلام حضرتك روايات كتييييير من اصحابي النزلوايشوفوا ايه البيحصل بالضبط في التحرير

الموضوع: 36 ساعة في التحرير

LinkBack

أدوات الموضوع

عرض

36 ساعة في التحرير - انشر الموضوع فى :

-

-

-

-

-

المواضيع المتشابهه

الاسكندرية - ميدان التحرير مجمع التحرير

ساعة الميجان 24 ساعة

من 0 إلى 100 فى ربع ساعة!!

للبيع ساعة b r e i t l i n g لمدة 24 ساعة فقط و بسعر خرافي

الكلمات الدلالية لهذا الموضوع

المفضلات

المفضلات

ضوابط المشاركة