ضرورى جدا محتاج حجات لعفشه الماروتى محتاج اعرف سعرها

تنت فكيت عفشه العربيه الماروتى كلها وغيرت حجات كتير
تيل خلفى ومقصات وجلب وكرسى عصايه الفتيس
وكان عندى القواعد كمان عايزه تتغير بس مغيرتهاش عشان تركيبها صعب جدا والجو حر ومكنش فى وقت
وكمان القطمه بتاعت الدركسيون او عامود الأسكاترا ده بقى اللى مش لاقيه ولقيته عند واحد بس كان بيقولى 200 جنيه العامود كامل من غير طبعا دراع النور والكنتاك والطاره
فعايز اعرف اجيبه منين وسعره كام تقريبا
وحاجه كمان العلبه بتاعت الشكمان اللى ورا خالص برضه صوتها عالى ومغيرها مرتين والجديده برضه صوتها عالى
عايز اجيب حاجه نضيفه حد يكون جابها عن تجربه يقولى نوعها ايه وياريت لو حد يعرف الصلى بتتباع فين يقولى ضرورى جدا لأن العلبه اللى جايبها مخليا العربيه مش ناعمه وصوتها عامل زى ال28 فياريت تفيدونى ضرورى فى الحاجتين دول
1- علبه الشكمان الخلفيه
2- القاطمه بتاعت الدركسيون عن تجربه اى حد جابها منين او لو حد جرب موضوع تغيير الصلايب فى المخرطه والكلام ده يقولى برضه

جرب الناس دول، للأمانة انا متعاملتش معاهم قبل كدة بس هم بيردو على كل الأسئلة وبيقولوا ان عندهم حاجات كويسة ، فممكن تاخد فكرة

Welcome to Facebook - Log In, Sign Up or Learn More

شكرا على سرعه الرد

بسم الله الرحمن الرحيم
السلام عليكم و رحمة الله و بركاته ثم أما بعد
سأحدثك برأى الشخصى و لك حريه الإختيار بعد ذلك. إن الفرق بين قطعه الغيار الأصليه و الغير أصليه كبير خاصة عندما يكون دورها أكبر و لذلك فأنا أنصح بتغيير علبه الشكمان و قطمه الدركسيون عند فرع الهايكستب لشركه مودرن موتورز و تسأل بالإسم عن المهندس أسامه أمين فأنا جربته بشكل شخصى فى تغيير مجموعه الكاتينه للماروتى و هو مهندس محترف جدآ
إما إذا كنت تثقك فى الميكانيكى الذى تتعامل معه وتنحصر مشكلتك فى قطع الغيار فيمكنك الذهاب إلى مبيعات مودرن موتورز بشارع المساحه بالدقى و شراء ما يلزم
أو يمكنك الذهاب إلى أى من المحلات الآتيه و لكن أنا لا أعلم إن كان عندهم الأصلى أم لا
1 - محل إسمه ميدو لقطع غيار السوزوكى عند موقف أوتوبيس أحمد حلمى أمام بنزينه التعاون
2 - محل إسمه الشركه اليابانيه لقطع غيار السوزوكى بالتوفيقيه
3 - محل إسمه سوزوكى سنتر فوق أسماك أبو غالى أيضآ بالتوفيقيه

وفقك الله لأرشد أمرك

و السلام عليكم و رحمة الله و بركاته