انا استقريت على الموبايل Samsung Galaxy Fit S5670 وخلاص عاوز اشتريه

**MOUSTAFA_SAAD** · 22-07-2011 03:41 PM

السلام عليكم ورحمة الله وبركاته

بعد بحث وتمحيص وتفحيص قررت اشترى ال Samsung Galaxy Fit S5670 ان شاء الله وعاوز معاه جراب يكون نضيف وعدة عربيه كامله سواء شاحن او حامل سياره
رايكم اشتريه منين انا نازل القاهره يوم الاتنين ان شاء الله فى مدينة نصر
هل فيه محل كويس ومضمون اشترى منه من هناك ولا اشتريه من الاسكندريه من الشناوى ولا من دمنهور وخلاص وحيزيد حوالى 30 جنيه مثلا

انهى الاضمن فى الشراء المشكله فى القاهره لو فيه عيب حادب مشوار جامد علشان ارجعه تانى انتم رايكم ايه فى فرق سعر يستاهل

انا شايف تمنه على موقع الشناوى بتاع اسكندريه ب1320 جنيه
Samsung Galaxy Fit S5670 (3G) (WiFi) (Android)

وعلى موقع سيليكت 1375 جنيه
Samsung S5670 Galaxy Fit

وعندى فى دمنهور ب 1340 جنيه بس مش موجود لسه حايجيبه يوم السبت مش عارف حيكون سعره كام ساعتها

مش عارف الفرق بتاع الاسعار ده ليه
هل فيه اختلاف فى الضمان
بييجى معاه كارت ميمورى اد ايه والعلبه فيها ايه بالظبط
وياترى سعر الجراب وشاحن العربيه والحامل بكام
وشاحن العربيه فيه منه اصلى ولا كله مضروب وممكن يبوظ البطاريه
ياريت تعرفونى لان دية اول مره اشترى سامسونج

**gamela** · 22-07-2011 04:08 PM

عن تجربة شخصية بلاش الشناوى انا اشتريت من عندهم n97 وطلع مستعمل وغيرته بعد ماعملت مشكلة

**matrix_it** · 22-07-2011 04:15 PM

الف مبروك و انشاء الله تستمتع بالاندرويييييد !! انا كمان كنت مقرر انى اجيبه بس قررت اجيب htc
بص هقولك على معللومة و لا اعرف مدى مصدقيتها لانى سمعتها الا وهى ان الشناوى بيفتح علبة الموبايل بس من تحت يعنى ممكن يفتح العلبة من غير ما تحس و الباكدج بلفة التوكيل
يعنى ممكن يغير بطارية , هيدفون .........
يعنى انا لما كنت بجيب موبايل لوالدتى علبة الموبايل كانت مش مفتوحة و اللازق بتاع i2 l موجود و مش مقطوع ولا حاجة
بس من قبل ما يفتح العلبة ورقة الضمان كانت موجودة برة العلبة و دة اللى اكدلى انه بيفتح العلبة
و الغانم برده والدتى شافته بيعمل الحركة دى عشان يتأكد من لون الموبايل
فا اعتقد انك ممكن تجيبه من التوكيل اضمن

**MOUSTAFA_SAAD** · 22-07-2011 04:18 PM

طيب التوكيل عناوينه فين واسعاره بتبقى اغلى ولا ايه النظام
وتليفون التوكيل كام لو سمحت

وترشحوا مين تانى غير الشناوى اسعاره تكون كويسه لان كده فيه فرق كبير

**evram** · 22-07-2011 04:22 PM

ممكن سوال من جاهل معلش جاهل بس ما هو ال اندرويد

**MOUSTAFA_SAAD** · 22-07-2011 04:28 PM

المشاركة الأصلية كتبت بواسطة evram

ممكن سوال من جاهل معلش جاهل بس ما هو ال اندرويد

ياعم ولا جاهل ولا حاجه
مانا زيك برده جاهل ههههههههه
ده نظام تشغيل جديد للموبايلات بيقولوا فيه مميزات كتيره جدا وانا لسه برده جاهل فيه لو ربنا سهل وجبت الموبايل لسه حاتعلم فيه

**matrix_it** · 22-07-2011 04:29 PM

جارى البحث عن تليفون التوكيل و لو انا نزلت هسألك بنفسى لانى تقريبا لسة فاكر مكانه
اما بالنسبة للاندرويد دة نظام زى السيمبيان , ويندوز موبايل , بادا ....... كدة يعنى
بس على كلام الأعضاء انه احسن نظام فى الوقت الحالى و ينافس السيستم بتاع الأى فون
و فى شركات كتير منزلة النظام دة على موبايلتها

**matrix_it** · 22-07-2011 04:32 PM

هو لو حضرتك هتجيبه من اسكندرية يبقى العنوان\ 37د شارع اسماعيل يسرى سموحة

تليفون 19280
connect ضمان سامسونج

**MOUSTAFA_SAAD** · 22-07-2011 04:34 PM

شكرا استاذ ماتريكس ومستنى باقى الاراء

**matrix_it** · 22-07-2011 04:34 PM

المشاركة الأصلية كتبت بواسطة gamela

عن تجربة شخصية بلاش الشناوى انا اشتريت من عندهم n97 وطلع مستعمل وغيرته بعد ماعملت مشكلة

معلش انا عارف ان السؤال مش فى محله بس ممكن اعرف كان فى انى فرع بظبط؟؟؟؟؟؟؟

الموضوع: انا استقريت على الموبايل Samsung Galaxy Fit S5670 وخلاص عاوز اشتريه

LinkBack

أدوات الموضوع

عرض

انا استقريت على الموبايل Samsung Galaxy Fit S5670 وخلاص عاوز اشتريه - انشر الموضوع فى :

-

-

-

المواضيع المتشابهه

ايه رأيكم في الموبايل ده Samsung Galaxy mini

مطلوب الاكسسوارات دية لموبايل Samsung Galaxy Fit S5670

باركولى اشتريت Samsung Galaxy Fit S5670 وانضميت العالم الاندرويد ومحتاج مساعدتكم

مطلوب موبايل Samsung Galaxy Fit S5670

الكلمات الدلالية لهذا الموضوع

المفضلات

المفضلات

ضوابط المشاركة