قواعد الموتور وارتباطها بخشونه المحرك
بسم الله الرحمن الرحيم
انا جاي انهارده بموضوع تعبت ف انى اصل لحل ليه لمده سنه ونص كاملين واخيرا توصلت للحل
انا معايا لانوس 96 كورى اشترتها من اول يد من سنه ونص كان صوت العربيه خشن من الموتور وكل حاجه بتتهز وتعمل صوت عالى من تردد الموتور العالى , سنه ونص قمت بتغير كل شء كصيانه عامه واخيرا اكتشفت ان قاعده الموتور العلويه على يمين المحرك كانت متهاكله وقالبه المكنه وكان ليها اضرار كتيره زى
صوت الموتور العالى والخشن
تأكل جوان غطا التكهات كل فتره بسبب ارتفاع علو الزيت بسبب ميلان الموتور من جهه قعده الموتور التالفه
سحب السيارة الضعيف
حليت المشكله انى اشتريت قعده الموتور العلويه الاصلى ب 95جنيه الكورى ب45 ويفضل الاصلى
ولما طلعت الى كانت فيها كانت خلصانه ع الاخر وبقالها اكتر من 15 سنه
انا حسيت انى اشتريت العربيه من اول وجديد طبعا مفيش تسريب زيت من وش المكنه صوت ناعم جدا جدا فوق ما تتخيلو العربيه بقت مرتاحه جدا
نصيحه , الصنابعى فاهم او حافظ هوا زهنه مشغول دايما حاول انت تسئل ف عربيتك عن كل حاجه وتشوفها بعينك وتنزل تحت العربيه وتبص جواها مش عيب بس عشان تبقى فاهم هتوفر مجهود وهتحافظ ع العربيه من كتر التجارب الى ملهاش لزمه وتاخد خبره ف انك تكتشف العيب مره اخرى بكل سهوله