خبر عاجل: شكوى من الحكومة ضد منتدى نيسان نايل موتورز
طبعا كل اللي يعرفني منكم يعرف إن أنا أصعب حاجة عندي .. "الوقت" يعني مثلا بصحى بدري عشان أروح السلخانة اللي بتشتغل بدري وبعدين أرجع بعد الضهر يادوب آكل لقمة وانام ساعة وبعد العصر بروح العيادة الأولانية وبعد الغرب بروح العيادة التانية وبعد العشا برجع العيادة الأولانية وبعدين أروح البيت يادوب آكل وألحق أنام عشان أصلي الفجر وانام ساعتين عشان أصحى بدري عشان أروح فين ...... ؟؟؟ شاطرين ... السلخانة .... وهكذا طبعا بخطف أي دقيقة في النص عشان أدخل المنتدى اللي أدمنته وبما أني مواطن مصري متزوج .. وعندي حكومة في البيت زي أي واحد متزوج فيكم فالحكومة بتاعتي اتعقدت من حاجة اسمها نايل موتورز .. "يعني حتى الدقيقتين اللي بنشوف وشك فيهم هتقضيهم نايل موتورز .. هو انت مبتشبعش نايل موتورز" طبعا أنا مقدرش أزعل الحكومة بتاعتي ربنا يخلهالي .. وبيتهيألي انتوا كمان مع حكوماتكم "ربنا يجعل كلامنا عليهم خفيف" بس بردو مقدرش أبعد عن منتدانا الجميل .. اللي شكلكم بتحطوا فيه بودرة عشان ندمنه ومنقدرش نسيبه حاجة من اتنين يا إما تشوفلي حل وتبعتولي شوية وقت يا إما تحجزولي في قسم مكافحة الإدمان http://www.nileup.com//uploads/image...d4eebea2a1.jpg
