شوية مشاكل فى الصني قبل صيانة 5000

**wardet** · 22-07-2011 05:45 PM

عندى شوية مشاكل فى الصنى والعربية عاملة 6300 كم وعاوز اروح اعمل صيانة ال 5000
اولاًَ فيه خبطة بسيطة مع المطبات ناحية الشمال قدام سمعت ان دى بتبق قطمة الدركسيون وهما بيلحموها هل دا صح؟؟
ثانياًَ التكييف كويس جداًَ وتلاجة بس عندى ملاحظة لما اكون فى مشوار طويل التكييف بعد ساعتين مثلاًَُ كفائته بتقل لدرجة انه مش بيبقى بيسقع خالص ايه السبب؟؟
ثالثاًَ هل تغيير الزيت قبل الصيانة فيه مشكلة ؟؟ لان ظروف شغلى مش بتتناسب مع اوقات مراكز الصيانة وخايف معرفش اروح اعمل الصيانة الاسبوع دا والزيت خلاص قرب يجيب ال 5000 وبقى مسود
رابعاًَ انا عملت صيانة الالف فى الاتحاد الوطنى فى طنطا لكن الصيانة دى هعملها فى القاهرة وانا جنبي مودرن الدقى هل هو كويس ولا اروح السبع وانا معايا كوبونات الخصم بتاعته
خامساًَ تكلفة صيانة ال 5000 كام بالزيت ومن غير

**goudamahdy** · 22-07-2011 05:56 PM

السلام عليكم ورحمة الله وبركاته

الصيانة متهيألي ما فيهاش مشاكل انها تتعمل قبل ميعادها المهم الزيت لأن ده روح الموتور .... وكمان ممكن تتاكد من باقي الاعضاء هنا ف المنتدى ...
بالنسبة لموضوع الخبطة دي كانت عندي برضو : وفكو علبة الدريكسيون وربطو الصامولة بتاعتها كويس ... الخبطة راحت والدريكسيون تقل شوية بس عادي ما فيش اي مشكلة .

بس انصحك تروح السبع واتصل بيهم احجز قبل ما تروح علشان ما تضيعش وقتك .... رقم الحجز هو 0100050700
انا عملت صيانة ال 5000 من غير زيت ب 70 جنيه وكان فيه خصم ع المصنعية حوالي 17 جنيه ( الاجمالي كان 87- 17 = 70 جنيه )
وغسلولي العربية موتور بالفوم وجسم العر بية ببلاش

باقي المشاكل بقى مش عارف والله ...

تحياتي

**wardet** · 22-07-2011 06:02 PM

المشكلة ان شغلى من 8 ل 5
طول الاسبوع ما عدا الجمعة ومش هينفع اخد اجازة وطبعاًَ هما قافلين الجمعة

**wardet** · 22-07-2011 06:03 PM

فيه مشكلة كمان ( الفرامل )
ضعيفة شوية وصوت طقطقة ورا لما اكون واقف واشيل رجلى سنة صغيرة

**Abdm** · 22-07-2011 07:25 PM

المشاركة الأصلية كتبت بواسطة wardet

فيه مشكلة كمان ( الفرامل )
ضعيفة شوية وصوت طقطقة ورا لما اكون واقف واشيل رجلى سنة صغيرة

حضرتك بالنسبة للزيت ما تقلقش ممكن يقعد زى ما أنت عايز برحتك وفى أى فرصة روح أعمل الصيانة السواد بتاع الزيت مش هو المشكلة ....المشكلة بتكون فى اللزوجة وهو بيقعد وبيستحمل ..

بالنسبة للفرامل هى الفرامل الخلفية عايزة يتعملها رجلاش وتتظبط فى التوكيل حاجة بسيطة بأذن الله .
وربنا يسترها معاك ومعانا جميعا يا رب

**Youssef.Awad** · 23-07-2011 01:29 AM

المشاركة الأصلية كتبت بواسطة wardet

فيه مشكلة كمان ( الفرامل )
ضعيفة شوية وصوت طقطقة ورا لما اكون واقف واشيل رجلى سنة صغيرة

كده كده فى الصيانات الدورية بيزبط رجلاش الفرامل ويشدها
والطقطقة اللى ورا دى من التيل الخلفى وبيظهر اكتر لما حد يكون راكب ورا وينزل او العكس
ما تقلقش بيتصنفر