كانو يومين مايعلم بيهم الا ربنا
بعد ما نجحت و جبت أ في تحديد المستوى و خدت محاضره الاشارات
روحت تاني يوم علي اساس اني داخل امتحن اشارات كمبيوتر و امشي
طبعا لقيت لسه فيه امتحان سواقه تاني و الدفع قبل ما ادخل ميدان الامتحان
عشان الي يسقط يبقى دفع تمن الرخصه و خلاص !!
المهم اتوكلت علي الله و دفعت تمن الرخصه 5 سنين ب 250 ريال روحت عشان اخد دوري ف الامتحان
دخلونا أوضه و قعد ينده الاسامي بورق الامتحان ( كل الي سجل قبلها بيوم و حضر المحاضره و اتسجل اسمه بينزل له ورقه بالاختبار ) المهم كان بيقعدنا بالدور علي صف كراسي فاضي و علي ما جه اسمي كان اتعمل صف و نص ( حوالي 30 شخص قبلي )
قعدت ساعه علي ما جه دوري و جه العسكري خد 4 منهم انا و قولت انا همتحن اخر واحد
اول واحد طلع و دخل اشاره غلط و بعدين دخل ميدان ال X و طلع ع الرصيف و العربيه بطلت منه ( صوره الميدان في اخر المشاركه )
تاني واحد كان مصري و ماكنش بيعرف يفرمل زي حالاتي اول ما ركبت الكورولا (بس انا ظبط نفسي قبل ما ادخل الامتحان ) بس نجح
تالت واحد قصير و تقريبا هندي المهم راح دخله ميدان 8 ( بردو في الصوره اخر الموضوع ) و طلع ع الرصيف و العسكري اتفزع و سقطه
جه دوري بقى
طبعا كانت العربيه طالعه ع الرصيف بالعجله الي قدام و الميدان يادوب علي قد العربيه
قبل ما اقعد بصيت الاول ع الميدان عشان اشوف هعديه ازاي و بعدين ركبت و ظبطت الكرسي و المرايات و لبست الحزام و ابتديت الانطلاق
عديت الميدان علي خير و قعد يلخبط فيا بس ولا هزني و يقولي عدي عدي عايزني اكسر الاشاره عشان يسقطني
بس خلصت اللفه و قالي كويس انت الوحيد انهارده الي عارف الاشارات و اداني الدرجه كامله
و اداني الورقه في ايدي غير الي قبلي كان بيرميلهم الورقه
عموما دخلت امتحنت الاشارات و خدت ال 15 سؤال ف الانجاز و نجحت ف الاشارات
بس استلم امتى يا عم الحج ؟ قالي يوم الاربع
روحت يوم الاربع و استلمت الرخصه
دا شكل الميدان
رقم 1 شكل ميدان X
رقم 2 شكل ميدان 8
المفضلات