أرجو إن حضرتك متكنش تقصد أي سخرية
تقبل تحياتي
بصراحه مش فاهم يعنى أيه القوه الناعمه
بالنسبه للأمن القومى كلام صح وبيحصل فعلا ( يعنى مش أستنى الخطر لما ييجى عندى , أتابعه من بداياته ) وكونه يطلب تعظيمها يبقى كويس
لكن موضوع الجيش القوى لمواجهة الارهاب والجريمه المنظمه والحروب الأهليه غريبه جدا وأشك بصراحه أنه قالها لأن أمريكا نفسها مش ده دور جيشها,
أعتقد ردى السابق وضح فكرتى فى موضوع أحنا وأنتم
كلامى ده يوضح لحضرتك دى سخريه ولا لأ
أكيد لأ طبعا سيدى الفاضل
أنا ممكن أختلف معاك ( مثلا ) على طول الخط فى أى موضوع حتى لو هنحط كام معلقه سكر فى الشاى
لكن مش ممكن أسخر منك أو من أى حد أبدا لأنه مختلف معايا فى الرأى
مع خالص تحياتى
القوة الناعمة هي استغلال التأثير الفكري والثقافي والإعلامي والعلمي والدبلوماسي لدولة ما لتحقيق مصالح ليها في دول أخرى من دون اللجوء للقوة العسكرية، كمثال، تحسين العلاقات مع دول حوض النيل عن طريق فتح الأبواب لأبنائها للحصول على منح دراسية في الجامعات المصرية مثلاً أو إرسال خبراء ومدربين مصريين في المجالات التي تحتاج هذه الدول لتطويرها....وما إلى ذلك، حتى الأفلام والمسلسلات المصرية التي تدخل إلى كل بيت عربي تعتبر من أدوات القوة الناعمة.
أعتقد اللي يقصده بموضوع مواجهة الإرهاب والجريمة المنظمة إن الحروب بشكل عام لم تعد بالضرورة بين جيشين تقليديين بدبابات وطائرات ومدافع فقط، فهناك أطراف أخرى يمكنها إلحاق ضرر شديد بأي دولة من دون الدخول في مواجهة عسكرية تقليدية...لكن حرب أهلية؟ بصراحة دي مش مسمعتهاش قبل كده ومش فاهمها.