الموضوع: جنون التكنولوجيا :: «المثبت » يغدر بسائق «الجيب» وينطلق بسرعة «205كم»

انا عرفت ليه مثبت السرعه عليه جمرك وممنوع دخوله فى مصر الا بواسطه من اجل حمايه الشعب من مثبت السرعه الغادر عاشت القوانين المصريه ضد مثبت السرعه الى مطلوب القبض عليه ان وجد

أكيد وانت جوا العربية حتترعب وخصوصا فوق 200 كم/س ، وممكن تفكيرك ميوصلكش لأنسب حل.(عشان في حلول كتيييير مش هتنفع)
1- هل أدوس فرامل ؟؟
مش هتسعفك -- عشان الكروز كنترول معلق أو دواسة البنزين معلقة للاخر - وده معناه ان دواسة الفرامل هتكون تقيلة جدا عشان مفيش فاكيوم وبالتالي السيرفو مش هيساعدك في الفرملة -وبالتالي تأثير الفرامل هيكون ضعيف جدا قصاد دواسة بنزين معلقة في موتور جباااااار.
ملحوظة: لو دواسة البنزين عالاخر -يعني بوابة الثروتل مفتوحة عالاخر - يعني الفاكيوم قليل جدا جدا - فهتلاقي دواسة الفرامل تقيييلة جدا.
ملحوظة تانية: لما تدوس فرامل في الحالة دي ، وتلاقي تاثيرها ضعيف جدا --- يفضل متدوسش فرامل تاني ؛ عشان االتيل كده هيسخن جدا فيحصله (تبليط) - وهيفقد جميع خواصه الإحتكاكية ويبأى ولا ليه لازمة.
وعشان كده في أمريكا عملوا مواصفة جديدة إسمها Brake override system ، يعني لو دواسة البنزين عالاخر ودواسة الفرامل عالاخر ؛ الفرامل تكسب - واعتقد نيسان سبقت هوندا وتويوتا في الموضوع ده.
طب إزاي : الكنترول يونيت هتدي سيجنال لطلمبة البنزين بقطع البنزين عن الموتور ، أو تدي سيجنال للفتيس انه يمور (كأن العصاية بأت على N). ويبأي الفرامل بس هي اللي بتأثر عالعربية في الحالة دي.

2- هل أطفي الكونتاكت؟؟
لو طفيت الكونتاكت هتحصل 3 حاجات:
الفرامل هتحجر وتأثيرها هيبقى ضعيف
الباور هيتلغي - لو صادفك شيء عالطريق ممكن يبأى صعب تفاديه.
أقل مناورة عالطريق ممكن تخلي الدركسيون يقفل(يسوجر) - ياسلام !! تبأى ماشي على 200 والدركسيون بيحود بيك غصب واخدك ورايح على فين ، الله أعلم.
وغالبا الكونتاكت مش هينطفي إلا على P أو N - مش كده ولا إيه ؟؟

3- متهيألي كان أنسب شيء يمور N
هيلاقي صوت الموتور علي عالاخر ووصل للمنطقة الحمرا - ويستخدم الفرامل لحد ما العربية تقف
إلا بأى لو الفتيس مبيقبلش ال N في الحالة دي - الله أعلم.

بس الموضوع مش بسيط خالص يا جماعة -- ولا هما بالسذاجة دي واحنا اللي نابهين أوي.