سيارات ال 1300 Cc

يا جماعة يا ريت حد يقولنا قائمة بسيارات ال 1300 Cc عشان الواحد محتاج يراجع حساباته ويرجع يقارن ويشوف ..

فى اسعار بين 50 ألف و 100 ألف ...

الاوروبى:
فيات بونتو

اليابانى:
دايهاتسو سيريون
تويوتا ياريس
ميتسوبيشى لانسر
هوندا سيتى

الصينى:
اسبيرانزا A113
اسبيرانزا A213
benni
اكس بلوجان

ده اللى اعرفه !!!

انا شايف ان احسن اختيارات في الفترة اللي جايا للي هيشتري جديد

هاتش باك : سيريون - بونتو

عائلي سيدان : ياريس

انا دلوقت بقول الحمد لله اني جبت سيريون و مجبتش جين تو او جيتز عشان البنزين !

مظبوط
هاتشباك لشاب يبقا سيريون
شبابى وعائلة يبقا ياريس

فى العربيات ال 1300 الكويسة عندك السيريون و الياريس و الجراند بونتو ( هية 1400 سى سى بس موفرة جدا فى البنزين ) و الجراند بونتو دية عربية ممتازة جدا

ايطالى 100%
وسعها الداخلى كويس
موفرة فى البنزين
ماركة محترمة جدا
عاملة شغل جامد فى اوروبا
2 ايرباج و Abs و Ebd
5 نجوم فى اختبار الأمان
دة غير شكلها الداخلى و الخارجة الجميل جدا جدا جدا

من الأخر عربية تحححححححححححححححفة

انتو شايفين سيريون أو جراند بونتو؟ لأنى شاب وعارف إنى هفرتك العربية ، انا كنت ناوى عالجين تو الموديل الجديد ومازلت بإذن الله بس براجع نفسى مرة تانى ، خاصة إنه احتمال تكون موفرة فى البنزين مش عارف ، اصل انا مشوارى للجامعة كل يوم 80 كيلو رايح جاى فالموضوع مش ناقص بلاعة بنزين افول ب 100 جنيه كل كام يوم !!

اكتر عربية موفرة للبنزين فيهم هيا الياريس
اما الجراند بونتو فهيا اعتقد احسن بس 77 حصان بس:(

شوف موضوع الأخ توت فى استهلاك البنزين و شوف حيناسبك ولا لأ

يا جماعه ...... مع كامل الاحترام ........ بعد موضوع ارتفاع البنزين لازم نفكر بمنطقيه اكتر ونسيبنا من الطاقه الحصانية . وعزم الدوران .

الاولويات دلوقتى لتوفير استخدام البنزين .

اعتقد شريحة ال1600 وال 1500 بيستهلكو بنزين مش قليل .

اعتقد ان اختيار اى حد لعربية " حاليا "و " مستقبلاً " لازم يكون بناء على توفير استهلاك البنزين .

وجهة نظرى المتواضعه

كيا بيكانتو فى فئة السيارات اقل من 60 الف جنية .

فيات بونتو كلاسيك , دايهاتسو سيريون فى فئة السيارات اقل من 80 الف جنية .

فيات جراند بونتو , هوندا سيتى فى فئة السيارات اقل من 90 الف جنية .

لازم نغير من مفهومنا فى قرار شراء سياره جديده .

معظم العربيات الجديده المواتير صغيره و جر امامي و الموتور مابياكلش بنزين و كمان تحت ال 1500 سيسي ...