الموضوع: النهارده قفشت حرامى-تحا الشرطة اقصد الشورت

النهارده قفشت حرامى بيحاول يسرق atm بتاع hsbc اللى فى زاكر حسين فى مدينة نصر.
الموضوع بدأ ان كان فى واحد واقف بيسحب فلوس وواحدة منتظراه يخلص وانا بعديهم
الراجل كان معاه شنطة وما سحبش وبعد عن المكنة متر لكن ساب الشنطة على الارض ورا الست وهى بتسحب وقرب منها شوية وفضل يراقبها
طبعا الست خايبة زى كل الستات اللى على نياتهموبدأت تسحب الفلوس والدكر مستنيها فى العربية مع الولاد
الكلام دا الساعة 8م ةالشارع مليان عربيات بس مفيش بنى ادم ماشى فى الشارع
المهم لقيته بدأ يقترب لما الفلوس طلعت من المكنة رحت مقرب انا كمان عليهم قلق ورجع تانى وعينه فى ايد الست
المهم الست مشيت وانا رجعت خطوتين ابص على مراتى وابنى اللى سايبهم فى العربية وقافل عليهم اللوك
راح الباشا واقف على المكنة تانى وعمال يدوس على الزراير ويشد قى مكان الفلوس رحت مقرب وقولتله دخل الكارت علشان الكارت مش داخل
قاللى مانا مدخل الكارت
رحت مقرب من المكنة لقيته حاشر كارت موبينيل وكارت شفاف كدا تحتيه محشورين رحت شاددهم من المكنة وبصيت فى وشه لقيت بنى ادم مسجل فى وشى لو الشرطة معدية فى الشارع هتقبض عليه من مجرد منظره
المهم اديتو الكروت وقولتلو دول مش بتوع بانك وماطولتش معاه وسيبته ومشيت وماسحبتش بس شكله كان فاضله ثانية ويطلع حاجة ويغزنى بس اخوكم قلبه ميت تماما
المهم اتصلت بالنجده اقصد النكبة وفضلت ماشى وراه من بعيد لغاية ما دخل فى شارع جانبى ضلمة واكيد استنانى علشان يغزنى وكان الراجل بتاع النجدة معايا على الخط كل دا لمدة 8 دقائق استمرت بعد دخوله الشارع الى 12 ثم 18 ثم 22 وبعد 25 دقيقة قاللى انت لسه وراه قلتله دا زمانه روح فقاللى انا هبعتلك حد من القسم وبعد اجمالى 40 دقيقة انا واقف فى الشارع واحد نقيب اتصل علشان انا اتصلت بالنجدة وحكيت الموضوع لرابع مرة وحتى ما حدش سأل على اوصافه
بس سألونى عن بياناتى سنى وسكنى وعملى
قولتله مش هتاخد اوصافه قاللى مش هتفيدنى بحاجة طالما ما سرقش لكن لو سرق كانت هتفيدنى
ومتشكرين يا احمد بيع وكتر خيرك....
اللزيز فى الموضوع انى قعدت مع بتاع النجده 5 دقائق علشان يسأل هما تبع قسم ايه فى الحى التامن وفى الاخر سألت شاب فى الشارع وطالما انت احبطت محاولة سرقة يبقى المجرم برئ,,,

ههههههههههههههههههههههههه ههههههههه

انا قررت انى اجيب اليكتريك شوك علشان أأمن أسرتى بعد الموقف دا
وللاسف كان معايا مسدس وبيعته قولت مالوش لزمه ياريته كان موجود

ربنا يسترها علينا وعلى ولادنا