السلام عليكم
اصدقائي الاعزاء كنت قرأت قبل كدة ان في ميكانيكي كويس متخصص في الفورد في الزقازيق
ياريت حد يساعدني ويدلني علي أسمه وعنوانه أكون شاكر لكم جميعا.
عرض للطباعة
السلام عليكم
اصدقائي الاعزاء كنت قرأت قبل كدة ان في ميكانيكي كويس متخصص في الفورد في الزقازيق
ياريت حد يساعدني ويدلني علي أسمه وعنوانه أكون شاكر لكم جميعا.
ياجماعة ليه مش عايزين تساعدوني وترودوا عليا
يا باشا المشكله انك عاوز حد يكون من الزقازيق
لكن والله تحنا هنا ما بنأخرش علي حد
والله أنا كان نفسى أسعدك بس معرفش حد فى الزقازيق
دي اكبر مشكلة للفورد والعربيات الي مش منتشرة لما تكون في مشوار ويحصلك مشكلة بتحس كانك واحد مصري فجاة لقا نفسو في اليابان وهوا ميعرفش ولا كلمة ياباني.
اعتقد في حد هنا معاة اسكورت من الزقازيق.
علشان كده يا جماعه انا بحاول افهم كل حاجه عن عربيتي وتقريبا باعمل حاجات فيها كتيير
بس المهم اننا نقراء الاول قبل ما نمد ايدينا
انت كدة محتاج كهربائي مش ميكانيكي
او ادق انت محتاج كهربائي و بتاع تكييف في نفس الوقت
الموضوع انك عندك التكييف فبريكة و المروحة بتشتغل بسرعتين
انت محتاج تتاكد ان المروحة شغالة السرعة العادية بدون تكييف من غير مشاكل
ازاي تدور العربية و تسيبها تسخن المفروض ( لو العربية عند مش متعدلة ) المروحة تلقط عند الـ a و تفصل بعد حاجة بسيطة
طيب لما نتاكد انها شغالة يبقي نيجي نشيك على المرحلة الثانية من المروحة و هيا السرعة العالية و انت واقف بعد ما المروحة تفصل
و طبعا تشوف شكل السرعة الاولى تشغل التكييف و تشوفها بتشتغل بنفس السرعة ولا لا ولا مش بتشتغل اصلا مع التكييف
لو المروحة شغالة السرعتين كويس يبقي نحول الشك على الريدياتير و السربنتينة المفروض يتنظفوا كويس
ارجو تشوف الموضوع ده و تقولنا عملت ايه
شكرا يا aYaBooY علي اهتمامك
اولا العربية مش متعدلة وده تكيف بلادها
وثانيا مش فاهم الجملة دي (المروحة تلقط عند الـ a و تفصل بعد حاجة بسيطة)
ثالثا عاوز اسئلك سؤال وهو ان بلية المروحة لما باظت انا روحت اشتريت مروحة ايستراد وبعد ما ركبتها حاسس انها بتشتغل كتير يمكن كل 3 أو 4 دقايق والنهاردة وانا راجع من الزقازيق شغلت التكيييف تفريبا 5 دقائق لقيت مؤشر الحرارة وصل لحرف A مع ان الطريق مفتوح فاخفت وقفلت التكييف والسؤال هو ممكن تكون المروحة دي مش نفس الموديل مع ان الكهربائي قال انها هي ولا ممكن يكون عيب في الكهربائي وياريت لو تعرف حد في المعادي سغال في العربية دي تقولي واسف علي الاطالة
لما تدور العربية و هيا واقفة من غير تكييف و تسيبها تسخن مع نفسها
المفروض المروحة تشتغل لما امبير الحرارة يوصل لحرف الـ a
و بعد كدة تفصل تاني بعد ما تبداء لف بحوالى نص دقيقة او اقل
مطلوب تشيك على الكلام ده
و مع التكييف المفروض تشتغل اول لما تشغل التكييف بس تلف اسرع و متتوقفش
اتاكد ان المروحة بتعمل كدة
ممكن يكون الكهربائي معرفش يوصل السلوك بتاعتها صح و ده بيخليها متشتغلش في الاوقات المظبوطة
و ممكن يكون عندك مشكلة في طرمبة المياه
و ممكن يكون مشكلة من جوان وش السلندر
و ممكن تكون مشكلة من حاجة مانعة الهواء من المرور بسلاسة في الريدياتير
و ممكن تكون المشكلة ان المروحة بتلف عكسي المفروض تكون بتاخد الهواء من بره تضخة على الموتور
اتاكد الاول انها بتشتغل سرعتين و بعد كدة نتكلم