الموضوع: ساعدونى السماعات الخلفية فى شيفورلية لانوس ياويلاة

ياناس يا عسل حد يقولى عايز اشيل سماعات الاصلية بتاعت العربية واغيرها بسماعات جديدة انا بتكلم على السماعات الخلفية مش عارف ازاى طريقة فك الرف الخلفى الى راكب علية السماعات?????

الموضوع سهل ان شاء الله

بص يا سيدى :-

1- هتلاقي 3 كلبسات عالرف من فوق جنب السماعات دول هتزقهم من الشنطه من جوه عشان ما يتكسروش و يستحسن تحط عليهم فوطه العربية عشان ما يطيروش و تدوخ.

2- هتفك فيشه لمبه الإستوب ودى هتلاقيها بين السماعتين جوه الشنطه بردو.

3- هتخلع الكنبه ودى تشدها لفوق من قدام .

4- نيجى بقى للتقيل هتلاقي 3 مسامير بتوع الضهر تقريبا 13 مم هتهويهم شويه و ترفع الدهر لفوق وتشده عليك لبره .

5- هتلاقي الرف قدامك في 3 كلبسات ورا ضهر الكنبه هتفكهم بس حاسب تكسرهم .

6- وبعدين تشد الرف عليك و انت بترفعه لفوق هيطلع معاك هتلاقي تحتيه السماعاتين مربوطين بأربع مسامير صليبه .

غيرهم بقى و عيش و ماتنساش تبقى تطمنى ..