مشكله فى الفتيس اكسارا 2 ياترا ليها حل عند اى حد ؟!.. وسؤالين فوق البيعه

عندى الفتيس اوتماتك مبيجبش الغيار الرابع
وسعات يجيبه وبعدين العربيه تنطر ويجيب التالت تانى

وفيه نتشه فى الغيار الاول والتانى

وللعلم روحت لامجد ستروين فى الحرفين .. غيرت زيت الفتيس بزيت الامانى ونظفلى حساس النقلات وبرده المشكله رجعت بعد نص ساعه مشى من عنده !!!

ياريت ياحماعه الى يعرف حد تانى شغال فيهم كويس او يعرف ياترا ده هيكون ايه يقولى

وعندى سؤالين معلش يعنى زياده على الموضوع

هوه انا عندى عربيه اكسارا 2 موديل 2004 اوتماتك مفهاش فى الاكصدام زينون .. كل الى شافها استغرب انها من غير زنون .. وانا بقولهم اكيد فئات .. مش الموضوع ده موضوع فئه للعربيه ولا العربيه بتكنون 2003 او 2002 ومتسجله او مشريه سنه 2004 مثلا ؟!!!

اخر سؤال هوه فعلا فتيس عربيتى هوه هوه بتاع البيجو 307 و c4 .. ولو كده يبقى ربنا يعينا اكييييييد غالى جدا !!!

بالنسبة للفتيس مع الاسف مدام ظهر فيه مشكلة يبقى كده تصليحه مش هيبقى سهل و ممكن تضطر تغيره و ده بنسبة كبيرة تمنه استيراد من 5000 الى 6000 موجود في كل حته .
بالنسبة للسؤال الثاني معروف ان فتيس ال3 عربيات الفرنساوي سواء كانت بيجو او ستروين رينو نفس الفتيس من موديل 2001 لغاية دلوقتي في بس تعديلات بسيطة بس هي اللي تفرق بينهم