الوصف التفصيلي لهدف الحكومة الأخير في مرمى الشعب المصري

**ZALABANY** · 06-05-2008 09:17 AM

حسبنا الله ونعم الوكيل
فعلا الواحد خلاص هايطق
احان بنطرد من مصر ياجماعه دي الخلاصة البلد دي خلاص ما عادش يتعاش فيها
بسم الله الرحمن الرحيم
:" ربنا أخرجنا من هذه القرية الظالم أهلها" صدق الله العظيم ( سورة النساء :75 )

**m_aash** · 06-05-2008 09:25 AM

أمس فى برنامج القاهرة اليوم , الأخ عمرو أديب كان بيستقبل إتصالات المشاهدين للتعليق على زيادة الأسعار
أحد المتصلين قال له " أنا موافق إن الحكومة تاخد ال 30% العلاوة و يخصموا مننا 10 % كمان بس يسيبوا الأسعار زى ما هى"
أنا مت على روحى من الضحك وصدق المثل" شر البلية ما يضحك"

**kh_talaat** · 06-05-2008 09:29 AM

تم الحذف لمخالفة قواعد المنتدى

الإدارة - 3

**boty50** · 06-05-2008 10:07 AM

مش عارف لية افتكرت مسرحية تخاريف لمحمد صبحي
لما بيقول لهاني رمزي (وهو لابس فانيلة داخلية مهربدة و
لباس شرعي)

متنساش وانت خارج من القصر تسلم العهدة اللي انتا لابسها!!!

**tnasr1** · 06-05-2008 10:16 AM

يبقى انت اكييييييييد اكيد في مصر!!!!!!

**Engesso** · 06-05-2008 10:17 AM

والله لو إبليس بيحكم البلد دي، مش هيعرف يعمل في الشعب زي اللي الناس دي بتعمله...
حسبنا الله ونعم الوكيل...

**tutankhamoun** · 06-05-2008 10:22 AM

المشاركة الأصلية كتبت بواسطة shrofa

ولسه............ ولسه.............. ولسه .............

خلاص الحكومة مبقتش عارفه تعمل مشاريع ولا تجيب موارد ....ولا تصنع ولا تنتج ولا تزرع ولا أي حاجة

غير تاخد ..إتاوات ....وجباية من الشعب ...علشان كل الشعب يبقى فقير ...ومش لاقى ياكل...ربنا ينتقم

كلمتين بما يُرضي الله

رفع ثمن البنزين ليس جباية

ثمن البنزين الأصلي ........ مُعظمه تدفعه الحكومة و ليس نحن

يبقى الحكومة عندها حق مليون و مليار % لرفع ثمنه
و لكن المفروض الإبقاء على دعم السولار فقط
و تدفيع الناس الثمن الأصلي للبنزين
علشان السولار هو وقود السيارات النقل .......... و هي المسءولة عن نقل البضائع و خصوصا الأطعمة و الخضروات و الفاكهة

إنما البنزين ......... أحسن علشان العيال بتوع الغرز يتلموا شوية
و الطرق بقى تفضى حبة ..... بجد بقى موضوع مُقرف
و يبقى الأستهلاك الفعلي للإحتياج الفعلي
مش الخروجات و الدلع و قلة الأدب

إن الله لا يُحب المبذرين
و البترول غير متجدد .... يبقى الحفاظ عليه للأجيال القادمة أفضل كثيرا
أوة حتى الحفاظ عليه لأطول فترة ممكنة
ده كفاية إن أحنا أصبحنا مستوردين له من ليبيا و الإمارات

**vet mitcho** · 06-05-2008 10:35 AM

المشاركة الأصلية كتبت بواسطة tutankhamoun

كلمتين بما يُرضي الله

رفع ثمن البنزين ليس جباية

ثمن البنزين الأصلي ........ مُعظمه تدفعه الحكومة و ليس نحن

يبقى الحكومة عندها حق مليون و مليار % لرفع ثمنه
و لكن المفروض الإبقاء على دعم السولار فقط
و تدفيع الناس الثمن الأصلي للبنزين
علشان السولار هو وقود السيارات النقل .......... و هي المسءولة عن نقل البضائع و خصوصا الأطعمة و الخضروات و الفاكهة

إنما البنزين ......... أحسن علشان العيال بتوع الغرز يتلموا شوية
و الطرق بقى تفضى حبة ..... بجد بقى موضوع مُقرف
و يبقى الأستهلاك الفعلي للإحتياج الفعلي
مش الخروجات و الدلع و قلة الأدب

إن الله لا يُحب المبذرين
و البترول غير متجدد .... يبقى الحفاظ عليه للأجيال القادمة أفضل كثيرا
أوة حتى الحفاظ عليه لأطول فترة ممكنة
ده كفاية إن أحنا أصبحنا مستوردين له من ليبيا و الإمارات

يعني انت كده بتساوي بين دولة منتجة للبترول ودولة بتستورده
طيب مش المفروض اي موارد في الدولة تعم على الشعب
ولا هو عشان الناس الكبار بيحطو بنزين ببلاش يبقى احنا بقى نطحن
انا مش بعترض على حاجة بس في ناس كتير اولى منهم بالدعم ده

بص انا من الاخر موافق ان البنزين يتباع بسعره الفعلي بس بشرط ان مرتباتنا تبقى زي اوروبا ويبقى في تناسب بين سعر البترول و الضرايب اللي بندفعها و موارد الدولة التانية تباااااان في الدولة

وبعدين عمر ما ارتفاع سعر البنزين ما يلم الناس المستهترين اللي حضرتك بتكلم عليهم بالسعر العالي للبنزين
لانهم من الكلمة مستهترين وبعدين مش دي طريقة لمهم
اللي هايتلم الناس اللي دخولها بسيطة و فعلا الموضوع هيتعبهم ودول ما اكثرهم هنا

طريقة الافضل عشان تلم الناس دول ان يكون فيه دوريات شرطة بانتظام ساعتها بس ممكن يقل الموضوع بشرط تطبيق عقوبات جدية

مش عارف يا توت بس انت متحامل على الشعب المصري كتير اوي وناسي ان الشعب ده مطحووووووووون وربنا يعينه

**MMamdouh** · 06-05-2008 10:55 AM

المشاركة الأصلية كتبت بواسطة tutankhamoun

كلمتين بما يُرضي الله

رفع ثمن البنزين ليس جباية

ثمن البنزين الأصلي ........ مُعظمه تدفعه الحكومة و ليس نحن

يبقى الحكومة عندها حق مليون و مليار % لرفع ثمنه
و لكن المفروض الإبقاء على دعم السولار فقط
و تدفيع الناس الثمن الأصلي للبنزين
علشان السولار هو وقود السيارات النقل .......... و هي المسءولة عن نقل البضائع و خصوصا الأطعمة و الخضروات و الفاكهة

إنما البنزين ......... أحسن علشان العيال بتوع الغرز يتلموا شوية
و الطرق بقى تفضى حبة ..... بجد بقى موضوع مُقرف
و يبقى الأستهلاك الفعلي للإحتياج الفعلي
مش الخروجات و الدلع و قلة الأدب

إن الله لا يُحب المبذرين
و البترول غير متجدد .... يبقى الحفاظ عليه للأجيال القادمة أفضل كثيرا
أوة حتى الحفاظ عليه لأطول فترة ممكنة
ده كفاية إن أحنا أصبحنا مستوردين له من ليبيا و الإمارات

سيدى الفاضل... هو مبيحطش بنزين غير الناس الهليبة؟

يعنى العلامة المميزة للغلبان انه معندوش عربية او عربيتة بتاخد بنزين 80؟؟ طيب هو الغلبان دة مش حيركب مكروباز (مش مايكروباص لانه غلبان) و يدفع اجرة اغلى لان السولار غلى؟ ولا يركب مواصلات عامة و يتخلى عن البقية الباقية من ادميتة ولا ايه؟

طيب ايه الحكمة انى ازود سعر البنزين بنفس النسبة لاوكتين 90 و 92 و 95؟؟ ليه اصلا ادعم بنزين 95؟؟؟ هو اللى عندة عربية بتاخد 95 محتاج دعم اصلا؟؟؟

سيبك من كل دة... تفتكر زيادة سعر البنزين مش حتنعكس على اسعار السلع و الخدمات كلها؟؟ معنى كدة ان الغلبان مبيشترش حاجة... بياكل تراب و ظلط... بس معاه عربية بتاخد 80 او مبيركبش مكروباز

اللى يضحك بجد ان ال80 مغليش و السولار غلى... يعنى اللى عندة عربية نقل ولا مكروباص احسن من صاحب التاكسى؟؟؟ طيب واالى عندة 5 او 6 تكاسى و بيشغلهم فى السوق دة غلبان؟ و اللى عندة عربية نص نقل بقى الجامبو الجبار؟؟؟

و حوار التراخيص كمان.... جه اليوم اللى تتساوى فيه الروس (جمع راس مش الناس بتوع روسيا) و بيقى بتاع الشاهين راكب عربية فارهة زيه زى اللى راكب BMW ... هى دى العدالة الاجتماعية يا جماعة

دا غير ان اللى راكب موتوسكل هوندا CBR 1100 بقى زيه زى اللى راكب فزبا و مكنة صينى

سيبك من كل دة

السيد الفاضل احمد عز.... المصدر الاساسى للطاقة اللى بتشغل المصانع بتاعتة كهربا ولا غاز و لا ايه؟؟؟ السؤال هنا... هل هو بياخد مصادر الطاقة دى بسعر مدعم؟؟؟؟؟؟؟؟؟؟؟؟؟؟؟؟؟ على اساس اننا بنشجع الصناعات الصغيرة فى مصر و كدة ولا ايه؟

سيدى الفاضل... اهلا و مرحبا بك على ارض المحروسة

MMamdouh

-

الموضوع: الوصف التفصيلي لهدف الحكومة الأخير في مرمى الشعب المصري

LinkBack

أدوات الموضوع

عرض

-

-

-

-

-

-

المواضيع المتشابهه

اعلان جديد علي التلفزيون المصري لتوعية الشعب المصري الشقيق

هام جداً: الوصف التفصيلي لحقيقة ما جرى في السودان: شهادة صحفية شجاعة

مجلس الشورى يتهم الحكومة باهدار حقوق الشعب المصري

الكلمات الدلالية لهذا الموضوع

المفضلات

المفضلات

ضوابط المشاركة