الموضوع: مين هنا شغال فى المحاسبات

اولا تحياتى لكل اعضاء المنتدى الجامد
انا دلوقتى لسة خارج من سنة رابعة تجارة عين شمس بس ادعولى السنة دى تعدى على خير




انا بصراحة خايف جدا من الشغل واللى الواحد بيسمعة من كل الناس المشكلة بتاعتى ان التقدير بتاعى مقبول وكمان مش معايا اى شهادات او كورسات تانية وانا شغال فى المعمار من صغرى مع والدى والحمد لله بكسب كويس بس المشكلة ان شغل المعمار فى مجتمعنا بقى حاجة عيب والمظهر العام قدام الناس مش ظريف (انا طبعا مش معترف باكلام دا بس لازم الواحد يتفاعل مع الواقع )



انا بصراحة خايف ان دا يبقى مستقبلى ومش عارف اعمل اية


وكمان موضوع الكورسات دا دلوقتى مشكلة لان الجيش بتاعى كمان كام شهر ومش هاعرف اكمل اى كورس دلوقتى


وكمان انا عايز اعرف اية هى متطلبات السوق


معلش طولت عليكوا بس بجد انا قلقان جدا من بكرة الواحد فعلا خايف انة يكمل حياتة على النظام دا