عايز اعرف ايهما افضل نادي
وادي دجله والا دريم
والاسعار ايه في الاول كل نادي بكام
والاشتراك السنوي كام
والالعاب اسعارها ايه
واي فرع من الفروع سواء اكتوبر او الخامس او المقطم
عرض للطباعة
عايز اعرف ايهما افضل نادي
وادي دجله والا دريم
والاسعار ايه في الاول كل نادي بكام
والاشتراك السنوي كام
والالعاب اسعارها ايه
واي فرع من الفروع سواء اكتوبر او الخامس او المقطم
بص أنا معرفش دريم إيه نظامه
بس اللي أعرفه إنه كويس
وادي دجلة بقى أنا عضو فيه للأسف
كان نادي كويس لحد سنة فاتت قلب وبقى مركز شباب بجد
زحمة فظيعة وخدمة بقت زفت ومفيش مكان تقعد فيه أصلا
ومفيش مكان تركن فيه عربيتك
الكلام ده بالنسبة لفرع المعادي معرفش إيه ظروف التجمع أو أكتوبر
ده غير إن اسعار الأنشطة بقت هبل على الآخر
اقتباس:
المشاركة الأصلية كتبت بواسطة mailo
بتاع اكتوبر بيقولو صغير --- بتاع التجمع بيقولوا كويس
طب هل بيورث يا بااشا؟ اي نادي بصفه عامه
انا مشترك فى النادى الأهلى والعضوية بتورث وكمان بتنقلها لزوجتك واولادك عادىاقتباس:
المشاركة الأصلية كتبت بواسطة aminibrahim
انا معرفش بصراحة عن دريم
لكن وادي دجلة مية مية
خاصة فرع التجمع الأول مش اي مناظر و خلاص بتلاقيها و حتي هتلاقي اجانب هناك راشقين هههههه
و العضوية عائلية تقريبا 40 الف جنيه و ممكن تدفعهم ع كذا قسط
معرفش دلوقتي كام
اقتباس:
المشاركة الأصلية كتبت بواسطة axel
هل في ف الخمس يا باشا
ومعلش ياباشا اصل انا عايز اسكن في الخامس
ومش عارف التجمع يعني ايه الا ول وا----- الي الخامس
لأ هو في التجمع الأول عند اكاديمية الشرطة بوابة 5
التجمع الخامس ده بقي اللي بعد التجمع الأول بحوالي 5-10 دقايق
التجمع الأول ده اللي عند الرحاب يعني بين الرحاب و النادي و الاكاديمية و ديه صورة كده ع ادي توضح بس طبعا حاجة كده كروكي بس توضح
http://www.tarooti.net/upfiles/vm060975.jpg
ايوة بيورث العضوية زيه زي اي نادي لانه خاضع للوائح المجلس القومي للشباب و الرياضة بس اللي يعيبه عدم و جود مجلس ادارة منتخب بالاضافة للعضوية اللي مفتوحة علي البحري فزحمت النادياقتباس:
المشاركة الأصلية كتبت بواسطة aminibrahim
انا بقالي سنه في وادي دجله التجمع و بصراحه النادي رائع لحد دلوقتي اكيد طبعا الخميس و الجمعه زحمه بس مقبوله لحد دلوقتي
المعادي فعلا في شكوي منه كتير بس ميزة وادي دجله تعدد الفروع (( المعادي - التجمع - 6 اكتوبر و مساكن شيراتون علي وشك يفتح و الاشتراك بيدخلك كل الفروعيعني لو حبيت تنقل شقه جديدة في المستقبل النادي مش هيبقي عائق
و كمان في قريه في العين السخنه سمعت انها جميله جدا و علشان تروحها برضه لازم حد مشترك في النادي يحجزلك
الاشتراك ب 65000 الف و مكن يتقسط تبع بنك عودة و لو جاي من طرف عضو بتاخد تخفيض 5000 جنيه يعني الاشتراك 60000
و بالنسبه للتوريث لما العضو التابع يوصل 25 سنه بيدفع 10% من الاشتراك ساعتها و بياعمله عضويه منفصله يدخل اسرته الجديدة فيها
نظام التقسيط بيبقى ايه فى وادى دجله ؟
ليهم انظمة تقسيط مختلفة و متباينة حسب امكانيات المشترك تبدا من سنة لغاية 5 سنة و طبعا مرتبطة بالمقدم اللي هتدفعه و عدد سنين القسط و ده رقم المبيعات بتعهم هما هيفدوك اكتر 19917اقتباس:
المشاركة الأصلية كتبت بواسطة yarisawy
.................................................. ....................
الاعلانات التجارية ممنوعة حسب قوانين المنتدى الا بالاتفاق مع الادارة
لقد حصلت على انذار مصحوب بوقف لمدة اسبوع
برجاء مراجعة قواعد المنتدى
مشرف الاجتماعي
ب2
...
هيا العضويه في وادي دجله .. تدخلني كل فروع النادي ؟؟؟؟؟
تدخلك كل الفروع أكيداقتباس:
المشاركة الأصلية كتبت بواسطة lancelot
هي القرى السياحية ممكن الايجار فيها للاعضاء، ولا تمليك فقط؟
لا ممكن تحجز عادي انا لسة حاجز لناس زمايلي في الشغل في شهر 8 اليوم ب 350 هاف بورد دوبل و كانوا مبسوطين من المستوي بالنسبة للسعر طبعااقتباس:
المشاركة الأصلية كتبت بواسطة fepsceasar
ممكن علي فكرة اي حد يروح بس لازم عضو هو اللي يحجز برقم الكارنيه بتاعه
كلامك صح مليون فى المية , انا برضة مشترك فى النادى وبروح فرع المعادى.اقتباس:
المشاركة الأصلية كتبت بواسطة mailo
بصراحة الخدمات مستفزة فية لاقصى درجة ,
وبقى زحمة لدرجة لا تتخيلها
نصيحة اوعى تشترك , لو عاوز تشترك يبقى روح فرع التجمع , لانى اسمعة انة احسن بكتير من فرع المعادى
بصراحة اسعار الخدمات مستفزة فية لاقصى درجة , والاكل سئ موووت
وكمان قيمة الاشترك السنوية غالية , يعتبر من اغلى الاندية.
للأسف عايش القرف ده كل ماجي أروح النادي
غير إنه من أغلى النوادي فيه حاجات كتير قوي قوي فيها هرجلة وعدم نظام
زي مثلا اشتراكات في الالعاب وبالذات السباحة حاجة زي الزفت ومستوى زبالة الزبالة
الجيم بفلوس أنا مش عارف إزاي نادي عشان اخش الجيم لازم ادفع 250 جنيه الأول ده أصلا عشان اخش الصاله وال شهرب 500 جنيه
الكورة مش عارف ب 800 باين وال خيل اسعار هبلة
بجد يعني بقى زي الزفت والإدارة بتاعته كل شغلها إنها تعمل أماكن جديدة جوه النادي عشان تعمل كافيتريات جديدة
كلها سنة وتروح تقعد يقولك القاعدة بالمشاريب
بجد لازم إدارة المعادي تشوف حل للمهزلة اللي بتحصل دي والا النادي هيخسر ناس كتير وهيلم جامد جامد
أنا أول ماإشتركت فلنادي كنت بانصح أي حد بيه دلوقتي لأ
انت سالت عليه امتي يا mailo لاني اخر مرة سائل علي الجيم كان ب 300 جنيه في السنة فالارقام دي غريبة و بعدين الجيم اللي علي البيسين ببلاش و مستواه شغال و بعد سيبك بقي مش تقولي بتروح امتي نتقابل و نقعد مع بعض احسن انا استويت مرجحة للعيال من كتر الفراغاقتباس:
المشاركة الأصلية كتبت بواسطة mailo
حلمي باشا
آخر مرة سألت وأنا بجديد العضوية ودفعتهم ساعتها 250
القديم اللي عالبسين ده ممكن اخشه جنب بيتي ب 20 جنيه مثلا وبصراحة زفت قوي
أنا المرة الواحدة اللي دخلته فيها كان لسة بيعملوا الجديد عجلتين وماشية وكام كيلو حديد وخلاص
بص الجديد هتعرف إن ده جيم بجد كفاية الأجهزة اللي فيه
أنا مليش مواعيد واللهِ يا صديقي وممكن يعدي شهر و 2 من غير مروح مش زي الأول
بس أنا دلوقتي بروح عشان ال جيم بلعب فيه بإنتظام أو كنت كده في شهر رمضان
لسة هاظبط مواعيدي بعد رمضان وأقولك عليها إن شاء الله
لما أشوفك بقى أبقى أتكلم معاك في موضوع مرجحة العيال :)
طيب اي اخبار عن دريم
نصيحة ابعد عن نادى وادى دجلة خالص
وسيبك من بتوع المبيعات , واللله العظيم شوية كدابين وكل شوية يتصل بيك ويتحايل عليك عشان ياخد العمولة بتاعتة
وبعد ما تشترك تلاقى اسلوب مختلف تماما , وتلاقى طريقة التعامل مختلفة وقلة ادب
والناس اللى هنا اللى مشتركة عارفة الكلام ده كويس وممكن يحكولك
كل العاملين من الادارة والمطاعم اللى فى النادى اسلوب غير ظريف بالمرة
سيبك من الكلام اللى ها يتقالك من بتوع المبيعات
اللهم ما بلغت اللهم فاشهد
تنصحة بنادى اية ياشباب غير دجلة ؟
مش عارف يا جماعه انا حاسس انكم بتتكلموا علي نادي تاني غير اللي انا مشترك فيه انا بروح فرع التجمع فبصراحه مش هفتي في فرع المعادي لكن التجمع الدنيا غير كدة خالص الناس كلها مؤدبه جداااااا عاملين و رواد النادي من اول بتاع الامن لحد اللي شغالين في المطاعم و عمال النظافه و منطقه العاب الاطفال كل ما لعبه بتتكسر او بتبوظ المرة اللي بعدها بلاقي واحدة جديدة و النادي نفسة و حمامات السباحه في منتهي النظافه و قريت انهم بيعملوا توسعات في المعادي و اللي اعرفه ان الجيم استخدامه ببلاش الا لو هتتدرب تحت ايد مدرب انا طبعا مش بكدب حد يمكن يكون الموضوع اتغير
يعني انا كنت معزوم علي عيد ميلاد في اهلي مدينة نصر خرجت بحمد ربنا علي وادي دجله و اسعار المأكولات و المشروبات قريبه جداااااااااا يكاد يكون مفيش فرق
بس برضه احقاقا للحق علي الصفحه بتاعت النادي علي الفيس بوك الناس فعلا بتشتكي كتير من فرع المعادي
اقتباس:
المشاركة الأصلية كتبت بواسطة bayoumisoft
بصراحة اتوا كدة برجلتوني انا كنت هاخلص اشتراك في وادي دجلى انهاردة بس كدة انا قلقتاقتباس:
المشاركة الأصلية كتبت بواسطة m.mosaad
فرع التجمع كويس والناس كويسة بس بالمناسبة اتزحم جدا عن سنة فاتت
كله بيتكلم على فرع المعادياقتباس:
المشاركة الأصلية كتبت بواسطة m.mosaad
فرع المعادي روحه وإنت تشوف وتضيف كمان على اللي مكتوب
والله العظيم في آخر رمضان كان زحمة أكتر من الموسكي
لو في التجمع يبقى بيترو سبورت من غيير أي تفكيراقتباس:
تنصحة بنادى اية ياشباب غير دجلة ؟
في في التجمع نادي الزهور و نادي القاهره الجديدة كمان
اقتباس:
المشاركة الأصلية كتبت بواسطة mailo
يا حبيبي يا مايلو ماتدخل كدة في الموضوع ده وتديني خبرتك الله يكرمك
http://www.nilemotors.net/Nile/243461-vs.html
هو بداخل ضاحية النخيل:tumb::B4_048:اقتباس:
المشاركة الأصلية كتبت بواسطة Axel
نادي دريم لاند كويس و لكنه حجمه مش كبير
فيه ثلاثة حمامات سباحة
واحد أوليمبي كبير .... و ده بيكون زحمة في الصيف و أيام اﻷجازات ( و لكنها زحمة مقبولة جدا )
واحد تاني أصغر في المساحة و ده علىه الضغط علشان الأطفال كلهم بيروحوا فيه علشان مش عميق
الثالث للنساء و معرفش شكله أيه .
فيه ملاعب تنس و كرة قدم و دي بفلوس و معرفش بكام بصراحة .
فيه مطعم معقول مش حاجة خرافية بس مش وحش .
النادي بيبني توسعات لمنطقة خيل .
فيه أماكن للاطفال (مراجيح ... الخ )
فيه صالة للمشتركين للجلوس و فيه بلياردو مش عارف بفلوس و لا ببلاش
الجيم بفلوس
الأشتراك السنوي 750 أساسي و لكل طفل زائد باين بيكون 200 أو 250 جنيه .
الأشتراك المبدأئي غالبا 60 ألف أو 55 ألف مش عارف كام
هو انا رحته مرة في العيد اللي قبل اللي فات و معجبنيش و كمان لما كنت بشترك حسيت انه ملخبط من جوة شوية مش منظم بس الاسبوع اللي فات و انا في التجمع كانوا منزلين اعلان انهم بيعملوا توسعات في المعادي و تقسيم للاجتماعي في ناحيه و الرياضي في ناحيهاقتباس:
المشاركة الأصلية كتبت بواسطة mailo
و برضة حسيت انهم لما الناس اشتكت من اكتوبر اخدوا دة في اعتبارهم و بيعملوا فرع تاني
بس هو لحد دلوقتي التجمع بالنسبة للزهور و القطاميه مثلا افضل بكتير حتي في العيد كانت زحمه مقبوله يعني كنت متوقع في العيد البسين مكنش هيبقي في مكان حد يقف حتي لقيته رايق و كويس ممكن كمان سنه و لاحاجة نبقي زي المعادي ربنا يستر
عرض نادى وادى دجلة
********.
التقسيط من خلال احد البنوك
يوجد عروض لضباط الجيش والشرطة والقضاه والعاملين فى بنك مصر
وقطاع البترول وفودافون واوراسكوم وموبينيل
ادخل كل الفروع+الجيم+السونا+الاسبا+ الجكوزى مجانا.
فروع نادى وادى دجلة الرياضى:
فرع المعادى فرع 6 أكتوبر 2.
فرع التجمع الأول فرع مساكن شيراتون.
فرع 6 أكتوبر.
الأكاديميات الرياضية بنادي وادى دجلة.
• مدرسة الأرسنال لكرة القدم • أكاديمية البرلسى للأسكواش.
• أكاديمية سويم أمريكا للسباحة • أكاديمية جى سى فيريرو للتنس.
الأوراق المطلوبة للنادى (العضويات الجديدة):
1/ بطاقة الرقم القومى للزوجين.
2/ صورتين شخصيتين لكل فرد من أفراد الأسرة.
3/ صورة من شهادة الميلاد لكل أبن من الأبناء بالأسرة.
4/ صورة من شهادة التخرج أو كارنيه النقابة لكل من الزوج والزوجة.
5/ عقد زواج الزوجين (فى حالة عدم وجود أسم الزوج على بطاقة الرقم القومى للزوجة).
آملين ان يحوز عرضنا قبول سيادتكم ,,,,,,,
لمزيد من الاستفسارات برجاء الاتصال بالارقام التالية:-.
rania01140279832
عرض نادى وادى دجلة
********.
التقسيط من خلال احد البنوك
يوجد عروض لضباط الجيش والشرطة والقضاه والعاملين فى بنك مصر
وقطاع البترول وفودافون واوراسكوم وموبينيل
ادخل كل الفروع+الجيم+السونا+الاسبا+ الجكوزى مجانا.
فروع نادى وادى دجلة الرياضى:
فرع المعادى فرع 6 أكتوبر 2.
فرع التجمع الأول فرع مساكن شيراتون.
فرع 6 أكتوبر.
الأكاديميات الرياضية بنادي وادى دجلة.
• مدرسة الأرسنال لكرة القدم • أكاديمية البرلسى للأسكواش.
• أكاديمية سويم أمريكا للسباحة • أكاديمية جى سى فيريرو للتنس.
الأوراق المطلوبة للنادى (العضويات الجديدة):
1/ بطاقة الرقم القومى للزوجين.
2/ صورتين شخصيتين لكل فرد من أفراد الأسرة.
3/ صورة من شهادة الميلاد لكل أبن من الأبناء بالأسرة.
4/ صورة من شهادة التخرج أو كارنيه النقابة لكل من الزوج والزوجة.
5/ عقد زواج الزوجين (فى حالة عدم وجود أسم الزوج على بطاقة الرقم القومى للزوجة).
آملين ان يحوز عرضنا قبول سيادتكم ,,,,,,,
لمزيد من الاستفسارات برجاء الاتصال بالارقام التالية:-.
rania01140279832