الموضوع: تصليح خطوط الحرارة فى الزجاج الخلفى

السلام عيلكم،

يا جماعة أنا كنت عايز أسأل على تصليح الخطوط الحرارية فى الزجاج الخلفى للسيارة..

أنا معايا سيراتو جايبها زيرو ومكملتش 3 أسابيع.. إمبارح شغلت سلك الحرارة اللى فى الزجاج الخلفى (Rear Window Defogger)، لقيت في خط أو أتنين مش شغالين.. واحد فى المعرض اللى جبتها منه بذكاءه حطلى ستيكر المعرض عليه.. لما جيت أشترى دواسات للعربية فى نفس اليوم.. الصبى وهو بيطلع الستيكر، بذكاؤه الخارق طلعوا بكاتر.. طبعاً لاش معاه سلك من سلوك الحرارة.. يلا.. حسبى الله..

المهم.. هل فيه حد بتاع إزاز ممكن يصلح الموضوع ده.. وهل ممكن التوكيل يعمله ولا لأ؟؟ طبعاً هو مش حاجة مهمة قوى.. بس أكيد فاهمين طبعاً... إحساس انه حاجة تبوظ والعربية لسة جديدة كده سخيف آخر حاجة...

أنا لقيت على النت الموضوع ده بيتعمل بره بإستخدام Repair Kit إسمها
Rear Window Defogger Repair Kit

بس يا ترى الكلام ده موجود عندنا ولا لأ؟؟؟

وشكراً...