عرض للطباعة
اولا احب اسجل كل احترامي وتقديري لاجمل منتدي
بجد يا جماعه محتار بين عربيتين والاتنين حالتهم ممتازه جدا
النترا 2006 و ماتريكس 2006 والاتنين احلي من بعض محتاج حد يوضع الفرق بينهم وقوه التحمل لكل عربيه . الشكل مش هيفرق معايا كتير .
محتاج ردود بسرعه لان الوقت مهم جدا معايا
ولا اجيب دايو لانوس فول اوبشن 2008
الف شكر يا شباب
elantraaaaaaaaaa
ااوعى تجيب البنزبن غلى
حتتنفخ فى الفلوس خليك بفلوسك احسن
لو نصيحة لانوس زيرو طبعا انا لسة جايبها من 3 شهور جامدة جداا
بسم الله ما شاء الله
البنزين غلى هات توك توك......(النترا طبعا)
هي فعلا حاجه تحير بس انت علي حسب احتياجك ... أنا هاشرحلك ازاي ...
أولا الالنترا الشكل القديم و الماتريكس توأم في كل حاجه لدرجة ان الماتريكس في استراليا اسمها Elantra lavita !!!
الاتنين ليهم نفس الموتور و نفس قاعدة العجالات و نفس التعليق مع اختلاف المساعدين و السست في الماتريكس أنشف ( heavy duty ) عشان كده لو انت راكب الماتريكس لوحدك و مش محملها تلقيها نوعا ما ناشفه عن الالنترا شويه , كمان فيه اختلاف بسيط في الشاسيه ... الماتريكس عائليه من الطراز الأول و صالونها هو الأوسع في فئتها .. الماتريكس تنتمي لفئة الميني فان أو ال mpv يعني المركبه المتعددة الأغراض .. عكس الالنترا اللي هي طبعا سيدان ... يعني صالون الماتريكس أوسع من الالنترا طولا و عرضا رغم ان طول الماتريكس من بره 4 متر و 5 سنتي بس ... و ده الذكاء في التصميم فهي صغيره من الخارج و رحبه جدا من الداخل ... ده غير كابينة الماتريكس تحسها منوره أكتر من جوه عشان الشبابيك الجانبيه و الزجاج الأمامي كبير جدا و يسمح بدخول اضاءه أكثر ... Matrix has a spacious airy cabin
الماتريكس وزنها تقيل مقارنة بالالنترا فوزنها يتجاوز الطن و 300 كيلو مقارنة بالالنترا حوالي طن و 80 كيلو و ده بسبب الدعامات الفولازيه اللي في الأبواب الأربعه و في التابلوه الأمامي و اللي أتخن من الالنترا بالتأكيد .. بس تقل الوزن ده اتسبب في ارتفاع صوت الموتور نوعا ما برده عن الالنترا رغم ان الموتور واحد , و اتسبب برده في زياده بسيطه في استهلاك البنزين لو مركز أوي هاتاخد بالك منها , و أكيد اتسبب في قلة السحب شويه .. يعني الماتريكس بتطلع من 0 ل 100 كيلو في الساعه في حوالي 12.7 ثانيه مقارنة بالالنترا في 11.6 ثانيه ...
الماتريكس عربيه لازم تتساق بحكمه و عقل و ماتاخدش الملفات جامد لانها ممكن تتقلب طبعا لانها مش سيدان .
لو عندك أطفال يبقي هايحبوا الماتريكس لأن أكيد انت خدت بالك من صواني الأكل و حوامل الأكواب اللي في كل حته ....
صندوق أمتعة الماتريكس بيساع حوالي 345 لتر مقارنة بالالنترا حوالي 500 لتر لكن و طبقنا الكنبه و الكرسي الخلفي هاتلاقي مساحة تخزين سعة 1228 لتر !!!
المارتيكس سقفها مرتفع عن الالنترا بحوالي 20 سنتي مما يسمح بالدخول و الخروج من العربيه أمر سهل جدا .. يعني تقريبا هاتدخل واقف !!!!
ده غير ان كرسي السواق مرتفع و الكبوت تقريبا مش موجود في مجال رؤيتك و الزجاج الأمامي كبير و العدادات تم وضعها في المنتصف و ده بيديك أفضل زاوية رؤيه تزيد عن 40 درجه من مستوي نظرك الي الأسفل !!!
الكنبه الخلفيه أعلي من الكراسي الأماميه عشان يدي رؤيه أفضل للركاب اللي ورا للطريق ...
التصميم الذكي ده للماتريكس ( صغيره من بره و واسعه جدا من جوه و الكابينه الأكثر اضاءه ) يرجع ليه الفضل لبيت التصميم الايطالي peninfarina و اللي صمم معظم عربيات الفيراري و بعض عربيات فورد .. و اللي هاتلاقي توقيعه علي الرفارف الخلفيه للماتريكس ...
الماتريكس في الأساس كانت موجهه للسوق الأوروبي لمنافسة الرينو السينيك و الأوبل زافيرا عشان كده كان مصممها أوروبي اللي هو peninfarina
الماتريكس قطع غيارها الأصلية في التوكيل أقل من الالنترا بشكل ملحوظ ... يعني مثلا في فرق حوالي 100 جنيه في التيل الأمامي بين العربيتين .
و في النهايه وي ما قلتلك هما الاتنين توأم و مشتركين في حاجات كتير بس علي حسب احتياجك ... يعني لو انت عايز عربيه شبابي تلعب بيها يبقي تنسي كل اللي قلتهولك ده عن الماتريكس و خليك في الالنترا ...
تحياتي لك .
مقارنة رائعة ياحمد
الانترا اتوقع تكسب عن الماتريكس
النترا عبربية ممتازة
بجد مجهود رائع في المقارنه بين السيارتين والف شكر للردود يا شباب
بجد انا مشدود للالنترا لشكلها الخارجي تحفه ومشدود بردو للماتريكس لان عندي اولاد
بس بميل اكتر للماتريكس
يبقى اتكل على الله واشترى الماتريكس
اللانوس فول اوبشن افضل للاسباب التالية
موتور المانى خدمة شاقة واحد كامة صيانته غير مكلفة
موتورها 1500 سى سى يعنى فلتت من نظام الترخيص الجديد 1600 سى سى
موتورها شغال بنزين 90 اما الانواع الاخرى تحتاج ما هو اعلى من ذلك
تصميمها اكثر انسيابية من الانواع التى ذكرتها
قطع غيار رخيصة جدا بالمقارنة بالانواع الاخرى
سيارة مازلت مطلوبة فى السوق و سمعتها جيدة و يوم ما تحب تبيعها هتتباع هوا و انت كسبان كمان
الماتريكس عائلية وجامدة جدا
والالنترا 2006 شبابية وايضا ممتازة
بص اختار على زوقك وخلاص
الماتريكس جامدة
بس ايه الفرق بينها وبين اللافيتا؟
وايه اول موديل في الشكل الجديد للماتريكس؟