عايز اشتري فانتازيا وحاسس ان في لعبة لرفع الاسعار

السلام عليكم,
انا بفكر بقالي فترة في الفانتازيا اول فئة اوتوماتيك انا عارف ان سعرها الرسمي كان زاد من فترة الى ١٧٢ بس كانت في المعارض ممكن توصل ١٦٦ او ١٦٨
سمعت ان موديلات ٢٠١٢ ممكن تنزل على شهر ٩ وكان في معرض في اهرام الجمعة قايل قريبا
اتصلت بالتوكيل انهارده قالي ٢٠١١ خلصت و لو لقيت في اي معرض واحدة ولا حاجة يبقى كويس وان ٢٠١٢ حتنزل على شهر ١٠
اتصلت بالمعرض اللي كان عامل اعلان قالي ان ٢٠١٢ داخله عنده على الاسبوع اللي جاي !!
اتصلت بسمير ريان قالي ٢٠١١ موجود وممكن يوفر اللون اللي انا عايزه بس ١٧٣ ومفيش خصم لانها "شاحة" على حد تعبيره وكمان مفيش اخبار عن ٢٠١٢ لانها مش بتنزل دلوقت
معلش طولت عليكو بس مش عارف اصدق مين وهل يا ترى حد يعرف معرض موثوق فيه وبسعر كويس؟

ماتتصلش انزل ولف لفه علي كل المعارض وشوف 2012 علي النت اكيد نزلت بره وشوف في فرق ولا لا

كان فى اعلان انهارده فى ملحق السيارات ان العربيه الاوتوماتيك بعد الخصم ب 161,000 موديل 2011
ممكن تكلمهم وتسألهم ... ناشيونال موتورز عماد عبد النبي ت 24040471/2/3
وابقى قولنا بقى دي اشتغاله ولا ايه !

ممكن يقولك السعر دا لازم تاخدهاقسط لكن كاش لا

اقتباس:

---

المشاركة الأصلية كتبت بواسطة shadyawad

كان فى اعلان انهارده فى ملحق السيارات ان العربيه الاوتوماتيك بعد الخصم ب 161,000 موديل 2011
ممكن تكلمهم وتسألهم ... ناشيونال موتورز عماد عبد النبي ت 24040471/2/3
وابقى قولنا بقى دي اشتغاله ولا ايه !

---

لا من غير اتصال دي اكيد خليجي يا اما اشتغالة

خلى بالك لازم تكون ضامن المعرض الى هتجيب منه ممكن ينزل فى السعر جامد بس على حساب حاجات تانية

مشية كيلوات كتير أو محكوكة ومتظبطة

وبالتوفيق

ممكن تاخد الجيتا البيزلاين موجوده لحد دلوقتي في التوكيل و عامل عليها تخفيض 10 الاف جنيه و بقي تمنها 160 الف جنيه.. و بضمان.. لو مستعجل شوية..

طب وهوه ايه مشكلة الخليجي الله يخليكوا عشان العربيه دي مش موجوده في التوكيل واللي عنده فعلا خليجي بس بيقولي هتبقى بـــ 162 الف وهدخلك ضمان الوكيل ...!! والعربيه نفسها الفرق بينها وبين الوكيل ان مفيهاش مرايات ضم ولا تعتيم ولا بلتوث تلفون وزياده عن الوكيل في سنسور بارك

اقتباس:

---

المشاركة الأصلية كتبت بواسطة medo_200x

طب وهوه ايه مشكلة الخليجي الله يخليكوا عشان العربيه دي مش موجوده في التوكيل واللي عنده فعلا خليجي بس بيقولي هتبقى بـــ 162 الف وهدخلك ضمان الوكيل ...!! والعربيه نفسها الفرق بينها وبين الوكيل ان مفيهاش مرايات ضم ولا تعتيم ولا بلتوث تلفون وزياده عن الوكيل في سنسور بارك

---

هو مش حيديلك ضمان من الوكيل لكن في شركات بتعمل ضمان ضد عيوب الصناعة نظير مبلغ حوالي ٢٥٠٠ جنيه على ما اعتقد بس مش بيكون المبلغ نسبة من التمن ولا لأ بس اعتقد ان ضمان التوكيل افضل

national motors موثوق وعربيتى من عندهم وبيتهيألى ان الشكل مش هيتغير فى 2012