مقارنه بين عربيتين كورولا 1.3 2006 وفيات لينيا 1.4تربو 2009
أنا قررت أعمل مقارنة بين العربيتين الي معايا كورولا 1.3 خليجي والفيات لينيا تربو ومردتش أحط الفورد 94 عشان قديمه وفئة بعيده خالص
الكورولا عامله 62 الف كم
اللينيا عاملة 41 الف كم
الشكل الخارجي
هي طبعا أذواق لكن أنا بفضل اللينيا وإن كان فرق الشكل بينهم مش كبير
http://www.moteur.ma/media/photos/ca...ta-corolla.jpg
http://cars.makcdn.com/imgs/Zoom/142758/Feature.jpg
http://www.1000zoom.com/cars-models/...nea_2007_2.jpg
http://www.alnaddy.com/cars/images/c...llpaper_0f.jpg
التصميم الداخلي
العربيتين تصميمهم كلاسيكي جدا من جوه
بس الكورولا خامات التابلوه أحسن شويه
لكن العدادات في اللينيا أحسن بكتييييييييير
الكراسي اللينيا أنشف سنه لكن مريحة أكتر وفيه ناس بتقول الكورلا مريحة أكتر (بس يمكن عشان أنا ظهري تعبان وبحب أقعد قعدة معدوله)
http://www.caranddriver.com/var/ezwe...cd_gallery.jpg
دي مختلفة شويه عن بتاعتي بس مش قادر أنزل أصور العربيه
http://img827.imageshack.us/img827/5862/dsc0045q.jpg
نيجي للكماليات الي جوه العربيه
الكورولا إيرباج واحده وكاسيت شرايط والتكييف بكر!!
اللينيا بلوتوث 6 إيرباج usb cd ملتي فانكشن تكيف تاتش!!! :8954[1]:
طبعا مفيش مقارنة بس مننساش فرق ال3 سنين
طبعا تكيف الكورلا أحسن بكتيير خصوصا إنها خليجي
كفايه كده جوه ونطلع بقى للمواتير والثبات والذي منه
الموتور
طبعا مش محتاجة كلام بس نتكلم برده
مواصفات الكورولا
السعة 1398 cc
2 كامة
96 حصان عند 6000 لفة
العزم 130 عند 4400 لفة
اللينيا
السعة 1368 cc
2 كامة
118 حصان عند 5000 لفه
206 نيوتن.م عند 2500 لفة
العربيتين مانيوال
طبعا فرق العزم والقوة يخلي الأفضليه لللينيا
من 0-100
الكورلا 13 ثانيه
اللينيت 9 ثواني
طبعا الفرق ده في السوقة تحس الفرق بين السما والأرض
أعلى سرعة جبتها بالعربيتين
الكورولا 180
اللينيا 215
نيجي لأهم نقطة إستهلاك البنزين
طبعا المقارنة هنا مش هتنفع لإن الكورولا بسوقها في السعوديه وكمان مش أي بلد لأ أنا في بلد شبه مفيهاش ناس فالكورولا أحسن بفرق ملحوظ لكن لو اللينيا كانت في نفس الظروف هتعمل نفس الإستهلاك بالظبط تقريبا
يعني الإستهلاك
الكورولا في سواقه محترمة جدا جدا طول الوقت 90 وتسارع براحة 6 لتر\100كم
اللينيا في طرق مصر وقرص وكل شويه فرامل وقرف 8.5 لتر\100كم وفي طريق الإسكندريه الصحراوي 5.7لتر\100كم
الثبات
الأول نقول الفروق بين العربيتين الإتنين كشاسيه وطول وعرض واحد والفروق مبتعديش 5 مم يعني تقريبا واحد
الكورلا 185 والجنطومفيهاش abs15
اللينيا 195 وجنط16 وabs ebd
طبعا الثبات اللينيا تتفوق بمراحل إحساس ال 160 باللينيا في طرق مصر نفس إحساس ال120 بالكورولا في طرق السعوديه!!!!
نشوفيه العفشه الكورولا الخليجي أنشف من الكورولا الي بتنزل مصر بحبه حلوين لكن ما زالت أنعم من اللينيا لكن مش بكتيير
يا رب يكون الموضوع عجبكم ولو فيه إستفسار أنا موجود
