كلامك مضبوط تمام .............................................
عرض للطباعة
كلامك مضبوط تمام .............................................
يا أستاذ واوو كلنا عارفين ان المجلس العسكري أصلا كانت تحت عباءة مبارك، والناس كلها عارفه ده كويس.
لكن الناس دي وقفت جنبنا في الثورة، ومعلش انا كنت موجود يوم 28 بالليل وأقدر اقولك انه على منتصف الليل يومها كانت القوات الخاصة كسرت من في الميدان بالكامل.
الناس دي مهما كانت تصرفاتها الا إن موقفها حفظ دماء كتير جدا جدا،
والحركات السياسية اتعاملت معاهم من منطلق انهم لقوا ان مصلحة البلد في تحول سياسي ولو بطيئ.
لكن للأسف فيه بعض الحماسيين زيادة عن اللزوم حطوا العقدة في المنشار وابتدى البعض يستغل نواياهم الحسنة ويوجههم، شوية لفكرة الدستور أولا وشوية لمواد فوق دستورية وشوية لتأجيل الإنتخابات وعمل مجلس انتقالي..
حتى الحكومة عصام شرف ناس طالبت بإقالته،
يعني يا أخي دي بلد ودولة وفيه ضغوط خارجية وبلاوي مستخبية فمش ممكن ابدا حكم شمشون الجبار ده،
وبعدين يا أخي ليس من الحكمة ابدا هذا الصدام العنيف، والإعتصام المتواصل والتهديد بحاجات عجيبة زي قطع المترو او اقتحام البورصة،
ما كل ده بسبب الإعتصام المستمر في التحرير او الإسكندرية.
والشعب أصلا غير مستعد لكل ده.
يا أخي الثورة بتاعتنا دي مختلفة تماما والحمد لله انها جت كده، فبلاش نضحك على نفسنا وننسى ان غالبية الشعب اصلا فاسد..
بجد ياريت نفكر شوية بهداوة لأن كده مش في مصلحة أي حد ابدا..
تمام يا استاذ فريد
بس الغريب بقي موضوع مسيرة سلمية
مهو الثورة كانت سلمية و قلبت بضرب بلاش ديه
المسيرة كانت سلمية لوزارة الدخلية و قلبت بضرب بلاش ديه
المسيرة كانت سلمية لمباني امن الدولة و قلبت باقتحام
عايز ده كده يحصل للمجلس العسكري يبقي اسمه تهريج
و مطالب ايه اللي متحققتش
يعني تنحية و حصلت - مجالس و اتحلت - حكومات و اتغيرت اكتر من مرة - محافظين و اتغيروا مجالس محلية و اتحلت- محاكمات و شغالة وغيره
كل ده و المجلس معملش حاجة ؟؟؟!!!!
تصدق فعلا معملش حاجة اتفضلوا انزلوا اخربوها زيادة
فعلا اغلب الشعب غير مؤهل للديموقراطية و لا حتي اخلاق و ده اللي بان خلال الايام اللي فاتت لما ابتدي ياخد نفسه الناس بقت عاملة ازاي
الى حصل النهاردة لو مر بدون تحقيق وعقاب هتكون النتيجة كارثية
الحركات الاسلامية فية توطىء مريب بينهم وبين المجلس العسكرى نسيوا او تناسوا ان لولا الثورة والحركات التحريرية زى 6 ابريل وكفاية وغيرها هى الى اشعلت الثورة وخرجتهم من السجون ومبقوش محظورة
دلوقتى هيتغددوا ب 6 ابريل وبكرة هيتعشوا بيكم
وهترجع ريمة لعادتها القديمة