متابعة لأحداث العباسية

**Dojuar** · 23-07-2011 11:57 PM

المشاركة الأصلية كتبت بواسطة enas75

عايزه اسال سؤال وياريت اجابه شافيه
ليه المعتصمين والمتظاهرين السلميين خرجو اصلا من ميدان التحرير.......سلميه ولا ارهابيه حتي .....ايه اللي خلاهم يتركو قوه الميدان ويخرجو براه
مين صاحب الفكره الغبيه دي .........
وايه علاقه ده بالكلام اللي سمعته يوم الاربعاء من احد معارفي والمعتصم هناك....بان هناك نيه للاسقاط المجلس يوم عيده ...زي مااسقطت الشرطه يوم عيدها....وعندما حاولت اسنفهم منه يعني ناويين علي ايه.....مردش عليا......وقالي اطمني ومتخافيش
........
ايه علاقته لما قلتله خطواتكم الجايه ايه ....قالي حنصعد الموضوع لعصيان مدني ولما استفهمت اكتر ....قالي حنقفل المرافق....قلتله يعني ايه......( مترو الانفاق والموصلات مثلا ولا ايه ) سكت ولما ساعتها انا واللي معايا قلناله متعملوش حاجه ضد الناس العاديه علشان متخسرش تعاطفهم ...رد عليا وقالي طيب0........بس برده مفهمتش منه ناويين علي ايه
.................
ياتري الخروج من الميدان والاحتكاك ...او حتي الوقوع في مصايد معروفه ....دي محاولة من في الميدان للتصعيد......وان مكانش ده هدفهم ......خرجو ليه من الميدان

عارفه حضرتك حل الأحداث دي كلها في كلمتين: تأجيل الانتخابات

**wawoo** · 24-07-2011 12:00 AM

المشاركة الأصلية كتبت بواسطة enas75

ياتري الخروج من الميدان والاحتكاك ...او حتي الوقوع في مصايد معروفه ....دي محاولة من في الميدان للتصعيد......وان مكانش ده هدفهم ......خرجو ليه من الميدان

مصر كلها مكان لاى مظاهرة سلمية ..مادام هى مظاهرة سلمية اية المشكلة تخرج من الميدان ترجع الميدان تروح مجلس العسكرى تروح مجلس الوزرا ...دى مظاهرة سليمة اية المشكلة ..

ولا هو الثورة فى الميدان بس ...المظاهرة لما بتتحرك بتجذب الكثيرين من المؤيدين دة غير انها بتوعى ناس كتير بحقها فى التظاهر و حرية كل فرد فى التعبير عن راية بدون الاعتداء على اى حقوق او ممتلاك .....

لما الجيش يحمى البلطجية فى ضربهم للمتظاهرين العزل ..و يتم محاصرتهم تمهيدا لارهابهم ..يبقى دة اعتداء على حرية التعبير و حرية التظاهر السلمى ..

**tananybasha** · 24-07-2011 12:06 AM

ابشروا
البلد ولعت
و قريباً باذن الله
حصرى
على الشعب المصرى
اعلان الأحكام العرفية
ارتاحوا بقى

**elrasy** · 24-07-2011 12:10 AM

المشاركة الأصلية كتبت بواسطة dojuar

عارفه حضرتك حل الأحداث دي كلها في كلمتين: تأجيل الانتخابات

كلنا مع احترام الاستفتاء والانتخابات اولا ,,, بس لازم نسعى اننا نطهر البلد بجد,,
للاسف فى ناس بتفكر فى كرسى مجلس الشعب بس

وتولع اى حاجة تانية.

**heshamzaky** · 24-07-2011 12:15 AM

آلاف المتظاهرين بالعباسية يعودون إلى ميدان التحرير
السبت، 23 يوليو 2011 - 23:01

بدأ الآلاف من المتظاهرين المحتجين بالعباسية، فى العودة إلى ميدان التحرير مرة أخرى، بعدما نادى أغلب المحتجين بضرورة العودة مرة أخرى إلى ميدان التحرير.

وقد استجاب لهذه النداءات أعداد كبيرة بينهم عدد من المصابين الذين تلقوا الإسعافات الأولية، وبدءوا بالفعل مسيرة العودة مرددين هتافات "اللى عايز التغير.. يرجع ميدان التحرير"، ويتواجد المتظاهرون حاليا فى شارع رمسيس وفى طريقهم للعودة للتحرير.

**heshamzaky** · 24-07-2011 12:17 AM

"الدمرداش" يستقبل 25 مصابا فى أحداث العباسية بينهم 3 حالتهم خطيرة
السبت، 23 يوليو 2011 - 22:01

تلقى مستشفى الدمرداش عشرات المصابين فى أحداث الاشتباكات التى شهدها ميدان العباسية، وأوضح الدكتور أحمد سعفان نائب مدير المستشفى لـ "اليوم السابع"، أن المستشفى استقبل 25 مصابا بينهم ثلاثة فى حالة حرجة، وأكد أن عدد المصابين فى ازدياد كل لحظة.

**A.Saad** · 24-07-2011 12:17 AM

انا مش فاهم يعنى ايه محاكمة قتلة الشهداء
ما فيه قضايا منظورة قدام القضاء
ومعروف القضاء فى يوليو و اغسطس اجازة
ومعروف ان مفيش قاضى هياخد حكم بالتليفون
انسوا الفيلم ده
وموضوع مفيش مطال بتتحقق
ماشى خلاص
يبقى هو ده اللى فى البلد
وهو ده اللى الشعب عايزه
عايزين حاجة تانية
اشربوا اللى طلبتوه

**heshamzaky** · 24-07-2011 12:18 AM

معتصمو "روكسى" يتجهون إلى المجلس العسكرى للدفاع عنه
السبت، 23 يوليو 2011 - 19:00
أعلن معتصمو ميدان روكسى، حشدهم أعداد كبيرة والتوجه إلى المجلس العسكرى لحمايته وتأييده، دفاعا منهم عن أى محاولات قد يقوم بها البعض للهجوم على "العسكرى"، مؤكدين دفاعهم عنه بأرواحهم وضد من يحاول التطاول على المجلس الذى يعد بر الأمان لمصر وشعبها.

وأكد أحد المعتصمين بالميدان، أنه يتم حاليا حشد أكبر عدد من المعتصمين بروكسى للذهاب للمجلس العسكرى، والوقوف أمامه درعا لحمايته وتأييده، وحتى لا يحدث مثل "المهزلة" التى حدثت أمس، على حد تعبيره، وندد المعتصمون بـ"روكسى" بالمحاولات التى شهدتها منطقة العباسية مساء أمس بخروج مسيرة من التحرير ومحاولة الوصول لمقر المجلس العسكرى.