عرض للطباعة
بسم الله الرحمن الرحيم
السلام عليكم ورحمة الله وبركاته
تحيه طيبه و كل رمضان و انتم بخير و يتقبل الله منا و منكم
كنت قبل المغرب راجع من مشوار فى الطريق الزراعى و صادف وجود هاموش او ما شابه على الزجاج الامامى
و قمت برش الماء من المساحات بس للاسف الوضع زاد للاسوأ ( يزيد الطين بله على رأى القذافى ) و افتكرت موضوع البيض اللى كان بيتحدف على العربيات اللى ماشيه ....
فيا ترى ايه انواع المنظفات اللى ممكن أحطها على ماء المساحات !!
هل ينفع البريل او منظفات الاطباق و ما هىالكمية التى تنظف و لا تترك أثر ؟؟
انا بحط شوية شامبو بيظبط الدنيا
اعتقد جلانس مثلا حيبقى صعب لانك حتضطر تحط القربة كلها منه مش حتخففه فحيبقى مكلف.
سوناكس حتلاقيه فى كارفور يا دكتور وهى ارارة صغيرة بتتضاف لماية المساحات بس جامدة جدا
واحلى حاجة فيها انها مش بتجير الزجاج
في رابيدو ملمع زجاج عرض في كارفور 2 زجاج ب 6 جنيه تقريباً جيبة و حط منه في القربة و كمل الباقي مية
يعني حط بتاع نص كباية و الباقي مية
اى منظف زجاج عادى زى جلانس او مستر مصلز , بيدى نتيجة حلوة و الازاز بيلمع تمام .
طيب هي الحاجت ديه كلها متقفلش فتحة رشاشات المساحات؟؟؟؟
بص انا بعمل اي بجيت ازازة 2 لتر بتاعة البيبسي وحط ربع غطا كده من جنرال المنظف ده وكمل الازازة مية ورجها وروح مفضي لو الخزان متملاش ازود مية وبقالي على كده سنتين ومحصلش حاجة
وممتاز الصراحة ومفيش اي مشاكل وناس كتير بتعمل كده :)
اقتباس:
المشاركة الأصلية كتبت بواسطة MOK3336
اقتباس:
المشاركة الأصلية كتبت بواسطة ringoo
تمام كده ابقى اجيب واجرب باذن الله :E_braces[1]:
شكرا لكم جميعا
انا بحط بيريل مع الميه وبصراحه نتيجته حلوة
الافضل متحطش الا مياه المساحات المخصوصة لعربيات .. وهى العلبة مش بيزيد تمنها عن 8 جنيه
ودى منين ؟ من كارفور وسبينس برضه ؟اقتباس:
المشاركة الأصلية كتبت بواسطة ahmed.tv
وكمان كام لتر وبتكفى قد ايه مع العلم انا باسافر كتير وباشغل مساحات كتير فى غسيل الازاز يعنى باملا القربة مرة فى الاسبوع ع الاقل مياه عادية 1.5 لتر