يا تري ممكن أعمل مسند للزراع في كرسي السائق ( في يمين الكرسي عشان أسند عليه زراعي الأيمن )؟
و يا تري ممكن أعمله فين ؟ و يكلف كام ؟ و بيتعمل إزاي ؟
سيارتي نيسان صني 2010
عرض للطباعة
يا تري ممكن أعمل مسند للزراع في كرسي السائق ( في يمين الكرسي عشان أسند عليه زراعي الأيمن )؟
و يا تري ممكن أعمله فين ؟ و يكلف كام ؟ و بيتعمل إزاي ؟
سيارتي نيسان صني 2010
حرام تعمله
شغل حداده وسروجى مع بعض حيقطع فى الفرش وحيلحم وحيبهدل الكرسى وتكلفه ومش حيطلع مظبوط
هات المسند السفنج اللى بيتباع جاهز
او زى ماعملت روحت لمنجد انتريهات واشتريت منه سفنجه بس كثافتها عاليه مش بتهبط بسهوله وكساها قماش ومريحه جدا فى السنده
المسند السفنج الجاهز دا شكله ايه يا مصطفى وتكلفته قد ايه تقريبا ؟!
بيتباع جاهز عند بتوع الاكسسوار شكله مستطيل كده بس عيبه السفنج بتاعه طرى جدا وايدك تغرس فيه وتمنه 20 جنيه
بس انا كنت عند واحد منجد معرفه وخليته عملهولى من سفنجه كثافتها عاليه بينجدوا بيها الانتريهات وكساها قماش واتكلفت برده 20 جنيه علشان معرفه كمان لان السفنج كان نوعه نضيف وقطعلى حطه مخصوص على المقاس اللى بين الكرسيين بتنزل شحط بينهم وبتبقى ماسكه نفسها انا برتاح جدا لما بحطها بين الكرسيين
طب صورهالنا ياا ريت
انا بيتباع المسند للفيرنا ب200 جنيه
السلام عليكم و رحمة الله و بركاته
أنا كانت عندى فكرة حلوة و كان نفسى أعملها, هى هتكلف أكتر من المسند الاسفنجى بس أنا متهيألى أن شكلها هيكون أحسن.
هى أنك تجيب مسند عادى من اللى بيتباعوا عند بتوع اكسسوار العربيات, اللى هو بيتفتح لفوق ده و اللى بيبقى فيه حامل أكواب و كده, المسند ده بيتثبت فى الكونسول اللى فى النص و قبل ما تثبته تكسيه جلد بنفس لون الكونسول أو نفس لون الكراسى و تركبه و تثبنه عادى فى الكونسولة اللى فى النص, بس عيبه, أنه ممكن الأدراج اللى فيه ماتفتحش لأنك هتكول كاسى المسند بالكامل من بره, هى الحكاية بتحتاج سروجى نضيف و شغله على المكنة كويس, عشان يكسيهولك من غير ما يبان فيه لا كسر و لا حتت مش مظبوطه و الكلام ده, يعنى يبان كما لو أنه نازل مع العربية, لأنه بيكون يا لون الكونسول يا لون الكراسى و لو أنى أفضل أنه يكون نفس لون الكونسول.
مهو المسند ده بيكون بلاستيك ولو حطيته عليه جلد هتغير شكله لكن هيفضل غير مريح ف السند (ناشف ) ...
دا غير أن الصناعية ف مصر الكلام اللي حضرتك بتقوله ده هيبقي خيال علمي بالنسبالهم والفينش مش هيكون مرضي ...
المسند اللي بيتباع جاهز دا عبارة عن سفنج كده ومتغطي بجلد بس شكله معقول شوية وبتشيله وتحطة زي مانت عاوز ...
أخر مرة سألت عليه كان ب 45 جندي للأمامي ...
بص هو زي اللي بيتحط ف الكنبة اللي ورا بالضبط بس من غير أماكن ال can ... وفي بالفتحات بردو زي مانت عاوز بس دي غالبا بتبقي لورا ...
السلام عليكم و رحمة الله و بركاته
أنا مرة كنت سألت عالموضوع ده حد من أصحابى و قاللى أنه فعلا هيكون تقفيله مش مظبوط, بس أنا شايف من المنتدى هنا أن فيه مصانع لفرش العربيات زى جينز كار و غيرهم, بيقفلوا الفرش بطريقة نظيفة جدا و قلت أنهم ممكن يكسوه بطريقة محترفة تبان أنه نازل مع العربية.
أنا مركب المسند بتاع الماتريكس (اعرض و اطول من بتاع الفيرنا)
كان ب 140 جنيه بالتركيب
بيثبت في شاسيه الكرسي بمسمارين و بيفتحلهم في الفرش و السفنج,
بس مريح جدا و عملي.