ندا لكل مالك سيارة بعد زيادة اسعار البنزين (افعال لا اقوال)

**atlas_u** · 06-05-2008 03:15 AM

نداءهام

يا جماعة لو سمحتكم بلاش نفرط في الحد الادني من حقنا:

الرجاء ثم الرجاء الامتناع من اليوم عن:

- اعطاء عامل البنزينة 50 قرش و لا جنية و لا حتي عشره صاغ لانو مش حقو.
- الامتناع عن اعطاء حرامية الارصفة و الشوارع (الشغلانة الذهبية للعصر) اي فلوس لان دول بلطجية .

تعالو نبدأ بنفسنا من المنتدي دا و نقول لاصحابنا و قرايبنا و زي ما عودنا الناس دي ع الغلط ها نعودهم ع الصح و دا نداء.

شوفو ها توفرو كام ف الشهر من عدم دفع خمسين قرش ف البنزينة و لا 2 جنية ف كل ركنة عربية ف خرابة.

ماهو حرام نتسرق من فوق و من تحت.

و انا بدأت النهاردة ف بنزينة شيل- نادي السكة الحديد - مدينة نصر
و مع بلطجية الركن بجانب سيتي ستارز

و حسبي الله و نعم الوكيل

الرجاء الدعم من اخواني وخصوصا اصحاب الصني ف منتداهم(افعال لا اقوال)

اخوكم..... أســـامــة

**mazen86** · 06-05-2008 03:25 AM

انا مبيدلهمش اساسا

لان بحس اني بسرق بس بالذوق

وانا مطلبتش منه الخدمة دي

**limo** · 06-05-2008 05:12 AM

بص عامل البنزينه ممكن تديله عادى على اعتبار ان الربع جنيه او النصف جنيه ممكن مفرقش معاك بس بيفرق معاهم جدا لانه احيانا بيكون فى بعض البزينات مصدر الدخل الوحيد ليهم
-اما حراميه الارصفه بتوع سيتى ستارز دول انا معاك ان المفروض دول الواحد يمتنع عن اعطائهم اى حاجه (انا اساسا ممتنع عن اعطاء اى فلوس بدون وصل لاى سايس )
وعلى فكره الى بيعملوه ده اسمه اتاوه

**theking2690** · 06-05-2008 06:05 AM

يا جماعه الحراميه بتوع سيتى ستارز و الحتت ديه الواحد بيخاف ما يدلهمش حاجه يطلع يلاقيهم عاملينلوا حاجه فى العربيه اقل حاجه يجرحوها بأى حاجه و دى هتبقى حاجه تضايق

**smartman310** · 06-05-2008 12:57 PM

انا معاك تماما وياريت الناس تخف من المشاوير بالعربيه للحد من الغلاء ده او نخلى يوم فى المنتدى محدش يملى بنزين فيه خالص

**aif** · 06-05-2008 03:09 PM

يا جماعة عامل المحطة ذنبه ايه ؟؟؟؟؟
ده بيشتغل غالبا بدون مرتب .... وفي كثير من الاحوال بيدفع ارضية لصاحب المحطة كمان ... ومعظمهم شباب متعلم ...ودي الوظيفة اللي قدر انه يحصل عليها بعد معاناة .....
يعني حضراتكم كدة بتحرموه من الدخل الاساسي بتاعة .... ده نظام بلدنا ... الاكرامية في بعض الوظائف هي القاعدة والدخل الاساسي ... زي البنزينة ... توصيل الطلبات ..صبي الميكانيكي ... الخ
انا مش معاكم في هذا الرأي
وبعدين ايه علاقة ده بزيادة اسعار البنزين ؟؟؟؟
هو العامل ده سبب الزيادة ... يعني سيادتك ح تدفع الزيادة في البنزين حوالي 10 او 15 جنية في كل مرة تفول سيارتك فيها ... وال50 قرش بتاعت الغلبان ده اللي ما زادتش اساسا هي اللي ح نحاربها ....
اللي عاوز يحارب بجد ما يستعملش السيارة ويستغني عن البنزين من اساسه !!!!!!

**hero** · 06-05-2008 03:44 PM

والله انا شايف ان الطلبين صعب تنفيذهم..

1-عامل البنزينة فعلا دة اكل عيشة الوحيد....مافيش صاحب بنزينة بيدفع للعمال ..الناس دي عايشة علي البقشيش...
2-حكاية بلطجية الركن....دول فعلا لو ما دفعتش مرة ولا اتنين وعرفوا العربية ساعتها توقع اي شيء يحصل فيها ...وابقي روح بقي اشتكيهم...

**WalidAdel** · 06-05-2008 04:38 PM

هوه عامل البنزينه مش حينفع مديلوش لان زي ما قال العضو ده مرتيه الاساسي
نيجي لبتوع سيتي ستارز الناس الجامده دول انا شخصياً عمري متدهم 2 جنيه هوه جنيه و بعد ما اركن و لو ساعدني في اني اركن كمان بعني واقفلي علشان مخبطش و بتاع اه بدهوملوا و انا مرضي لكن لو ركنه واسعه بنفضلوا بقولوا و انا خارج و اسيبه و امشي عادي كانه مش موجود
اخرها كان من كام يوم قالي 2 جنيه باركينج قولتلوا هما جنيه و زي الفل كده سكت و خد الجنيه لكن 2 جنيه دي كتيره صراحه

-

الموضوع: ندا لكل مالك سيارة بعد زيادة اسعار البنزين (افعال لا اقوال)

LinkBack

أدوات الموضوع

عرض

-

-

-

المواضيع المتشابهه

زيادة اسعار البنزين و علاقتها بمديونية وزارة قطاع البترول

لا زيادة في اسعار البنزين!!!!!!!!!!!!!

هل لو تمت الذيادة المقررة على زيادة اسعار البنزين

الحلول المقترحة لمواجة زيادة اسعار البنزين.

دراسات زيادة اسعار البنزين

الكلمات الدلالية لهذا الموضوع

المفضلات

المفضلات

ضوابط المشاركة