موضوع الاكسسورات والكماليات .. اعتقد ان اكتر واحد فيكم مدرك الموضوع ده .. لانى اتعاملت مع كل مراكز الخدمة .. وعارف اسرار كتير من جوة المهندسين
السبع عنده .. واسعاره يمكن اغلى كمان من موردن .. زميل لينا ركب عندهم سنسور ركن تمنه 440 جنيه .. وكمان ده فى فرع المنصورة مش الفرع الرئيسى اللى فى المعادى
عنده بعض الاكسسورات فى السبع فى المعادى .. بس هما مش مهتمين بالاهتمام والتوسيع فيها .. عشان موضوع الاكسسورات ده احيانا بيقلب بصداع معاهم كبير .. لو حاجة من اللى اتركبت عملت مشكلة فى العربية وكانت متعلقة بالضفيرة
وهما مركزين اهتمامهم بالصيانات الميكانيكية ..
ولو حد عايز يجيب حاجة ويركبها عندهم وشريها من بره .. بيضربوا اسعار فلكية فى التركيبة .. مرة واحد عايز يركب فوجات فى التيدا جاييبها من بره وطلبوا 250 جنيه وبعد تدخلى وصل الملبغ الى 150 جنيه ..وقالولوا الحاجات دى انت المسئول عليها عشان لو عملت حاجة فى العربية .. وكان عايز يركب كاسيت جايبه للعربية .. تخيلوا طلبوا كام .. طلبوا 500 جنيه تركيبه .. على سبيل التعجيز .. وقالوله روح بره ركبه عند توكيل كلاريون اللى فمصر الجديدة افضل وارخص
فهما بيكبروا دماغهم من الموضوع ده
وبخصوص موردن .. بصراحة هما افضل فى موضوع الاكسسورات .. وبيعلموا عروض كويسة دايما .. وبيضمنوا القطعة اللى بتتركب .. وكمان بيضمنوا العربية لو حصلها حاجة بسبب الاكسسورات اللى ركبت .. وكمان مش بيقبلوا نهائ تركيب اكسسورات العميل جايبها معاه .. الا فى بعض الحالات النادرة
وموضوع وحدات الرفع عندهم وبيضمنوا العربية فى تركبها .. ممفيش مشكلة فى تركبها .. لكن لو متركبة بره التوكيل او اى مركز خدمة اكيد العربية حتخرج من الضمان
ومع ذلك .. عشان محدش يقولى انا ركبت وحدة رفع ومخرجتش من الضمان .. والعربية مازالت فى الضمان .. احب اقوله لانهم ناس مرنة .. ولو غلسلوا يبقا حقهم طبعا انك تخرج بره ضمان الكهرباء .. وعشان كدا بنقول ان توكيل نيسان محترم جدا بكل المقايس
بس لو ثبت ان الحاجة اللى ركبتها ضربت وعملت قفلة مع الكهرباء .. مش حيكون فى مرونة وكدا شكرا .. وبقيت بره فى الاوت
ومع ان السنسور مش بيطلع من الضمان لانه بيتوصل بالكهرباء بتاعت الفانوس الخلفى .. الا وانه بردوا احتمال ضعيف انه ياثر على حاجة ويعمل قفلة بسبب سوء سلوكه او سوء تركيب من العامل اللى بيركب
وعشان كدا لما حركب سنسور حركب سنسور فى التوكيل لاسباب كتير .. منها انهم بيرشوه نفس لون الاكصدام .. ومش كل العدسات اللى بتتباع بره ينفع تترش .. لان لو اترشت بتبوظ .. والنوع اللى جايبنه فى التوكيل بيترش عدساته ونوع كويس بيتحمل .. وكمان سعره معقول فى حدود 250 جنيه تقريبا .. والاهم انه مع ضمان على السنسور وعلى العربية .. حد يقولى بالزمة فى حد بيضمن سنسور بيبعه بره .. وبيرضى يرجعهولك لو باظ بعد فترة
فعشان كدا اريح انه يتعمل ويتركب جوة التوكيل
اسف على الاطالة .. يمكن يكون فى افادة لحد
تحياتى
المفضلات