المشاركة الأصلية كتبت بواسطة Ashraf_Ibrahim
للأسف فعلا بتوع النقل حاجة من اتنين لا ثالث لهما
يا ناس محترمة جدا في السواقة وتخاف عليك وعلى حياتك
يا ناس متعرفش غير دواسة البنزين فقط لا غير وحسبي الله ونعم الوكيل
اما بتاع الفيرنا دا
فقدامي حصلت حادثة على نزلة الدائري
انا نازل من على الداشري لقيت الناس ملمومة قلت بس يبقا بلطجية قمت قافل الازاز ومجهز نفسي اني هشيل الناس دي كلها بالعربية واللي يموت يموت مهو انا مش ناقص
المهم لقيت دخان طالع من عربية قلت تبقا حادثة
لقيت عربية اسبيرانزا 516 طالع النزلة عكسي داخل في هيونداي الي هو الفان
طبعا الاتنين متبهدلين والتاني نازل يعيط والاقساط والعطلة وبتاع
نزلت قمت غاسله وقلتله عطلة ايه واقساط ايه ونيلة ايه
قلتله انت أكيد متأمن عليك لأنك قسط
كان عايز يجيب البوليس
قلتله مش في مصلحتك تجيب البوليس
عشان التأمين مش هيرضى يصلحلك حاجة
وهيتعملك محضر وفيه احتمال كبير رخصتك تتسحب
دا اضافة لأنك هتصلح العربية التانية كلها
من هنا لهنا الراجل بتاع الهيونداي خد منه ألف جنيه وخلاص رغم ان ألف جنيه دا مش تمن الاكصدام والفوانيس اللي متكسرة
بس هنعمل ايه !
!