الموضوع: ليه طيب الرعونة دي ؟

المشاركة الأصلية كتبت بواسطة saadelden

يا عم الحج انا نسيت السواقه خلاص :d

ايه دا هو فيه اسهل من كدا
كل واحد ماشي ف حارته و قليل اما تلاقي واحد داخل كاسر و بيعمل قلق ع الطريق
غير كدا الشوارع كلها اشارات

انا نسيت الكلاكس مكانه فين :d
دا انا هبقى فضيحه اما انزل مصر :p

نفسي ابطل كلاكسات شوية
بس للأسف مينفعش تسوق في مصر بدون كلاكسات !

المشاركة الأصلية كتبت بواسطة kareemz

حضرتك ده فرق ثقافة فى السواقة .. فى مصر بدون مبالغة بحس ان اللى بيسوق بيتخانق و بيلعب أكروبات .. عمال يتنطط من حارة لحارة و يزنق على ده و يرخم على التانى .. و تحس ان الناس بتسوق بعنف كده .. و عندهم اعتقاد انك مثلا لما تسوق بالاسلوب ده هتوصل بدرى ساعه مثلا .. مع ان الطرق كلها واقفة و زحمة و الموضوع على بعضه مبيفرقش 5 دقائق على بعض.

بره بره الناس عندها ثقافة أنا كده كده هوصل .. أتعب أعصابى ليه و أتعب غيرى معايا ليه .. أمشى محترم احسن.

من الحاجات المهمه جدا برضه ان احنا عندنا هنا عدم مصداقية فى قواعد المرور .. يعنى الناس حاسه ان الاشارات و حد السرعة معمول عشان يخنق عليك مش معمول لسلامتك .. فاللى بيحصل ان عند أول فرصه الواحد يحس ان مفيش حد شايفه يكسر القواعد .. بخلاف بره الناس عندها مصداقية فى قواعد المرور انها معمولة لسلامتهم .. فحتى لو ماشى لوحده مبيعديش السرعة القانونية ولا يكسر اشارة.

للأسف الناس بتعتبر ان اللعب في الحارات دا من ضمن المهارة انك تتحرك بالعربية زي التعبان وسط الطريق !
ربنا يهدي الجميع يارب

المشاركة الأصلية كتبت بواسطة saadelden

حاجه كمان لسه ملاحظها انهارده
الطريق السريع داخل المدينه و الكباري كانت السرعه فيها 120 لحد السنه الي فاتت
اما جيت السنادي لقيت الناس ماشيه مابتعديش 100 ف طلع ان عشان الحوادث خفضو السرعه القصوي للطرق السريعه داخل المدن

انا ملاحظ ان الحوادث قلت عن الاول كتير
كنا لازم اول ما نطلع الطريق السريع نلاقي عربيه مقلوبه ولا عربيتين لابسين ف بعض و غيرها
لكن دلوقتي الموضوع فرق شويه

الكلام دا ع السعوديه طبعا

انا شايف ان سرعة 90/100 كويسة جدا والله
يعني انا كنت رايح الاسماعيلية والسرعة 100 وحقيقي كنت مبسوط جدا وانا ماشي 100 لا انا ماشي بسرعة اوي ولا انا ماشي ببطء اوي ولكني ماشي في الحدود المعقولة جدا والآمنة جدا ااااااااااااااااااااا

المشاركة الأصلية كتبت بواسطة rahmanboud

حمدا لله على سلامتك وسلامة الجميع

وربنا يسترها علينا جميعا

الله يسلمك يا صديقي
اللهم امين يا رب يسترها على الجميع يا رب