ارجوكم بلاش المنظره بالعربيات فى الافراح
السلام عليكم ورحمة الله وبركاته
امبارح كنت فى شبكه واحد زميلى فى بنها المهم واحنا ماشيين فى الزفه كان فى ولد بتاع 18 او 20 سنه راكب لادا معانا فى الزفه المهم كان عمال يفترى ع العربيه ويجرى ويقف مره واحده فى مره منهم كان هيخبطنى من ورا نزلت قولتله امشى بالراحه بعدها ب 3 كيلو كان هيلبس فى عربيه بى ام تبع الزفه برضه نزل اخو العروسه واتضح ان معاه مسدس ومن هنا قامت الدنيا والفرح اتقلب ولاقيت كل اتنين عمالين يضربوا فى بعض وانا معرفش اى حد فيهم غير العريس ولاقيت اخو العروسه بيطلع المسدس من جيبه وعاوز يضرب واحد بالنار مش عارف مين مسكنا ايده ورفعناها لفوق انا واتنين معايا وجت الطلقه فى الهوا واحنا بنحوشه دخل حد غريب على اساس انه بيحوش وأخد المسدس من ايده ومعرفناش الا بعدها بحوالى 10 دقايق بعد ما اكتشف ان المسدس مش معاه وطبعا مش عارفين مين اللى اخد المسدس وطبعا الفرح باظ (الكلام ده واحنا رايحين على الفرح)
ارجوكوا ياجماعه ملهاش لازمه المنظره بالعربيات علشان متقلبش بمصيبه