مساعده فى الاحتيار بين نوبيرا او ليجنزا

**amado318** · 24-07-2011 09:40 AM

النوبيرا المانيوال صاروخ فى الجرى الاتوماتيك كنت رايح بيها اسكندريه واخر الدواسه كان 170 هيه بس قطع غيار النوبيرا منتشرة اكتر وصيانه اسهل من اليجانزا بس صدقنى اليجانزا 2000 سى سى بس استهلاكها عادى جدا معرفش ازاى طبعا لو عربيه سليمه النوبيرا الاتوماتيك هيه الى حريقه بنزين انما المانيوال زيها زى اى عربيه 1600 cc

**MoMohsen** · 24-07-2011 12:18 PM

انا معايا نوبيرا اتوماتيك و هحاول اجبلك من الاخر.
النوبيرا الاتوماتيك استهلاك البنزين فيها عالى فعلا و تقريبا بتعمل معدل زى اى عربيه 2000 سى سى يعنى انا بتعمل معايا حوالى 150-160 كم/الصفيحه لكن على طريق طوالى معدلها ممتاز من 220-230 كم/الصفيحه
حوار الفتيس فيه كلام كتير بس من الاخر هو عايز صيانه دوريه يعنى تغيير زيت و فلتر كل 20.000كم وحتى لو لا قدر الله الفتيس ضرب و دة محصلش معايا الحمدلله الفتيس النوبيرا الاستيراد من 1200 - 1800 او حتى ممكن تركب فتيس الليجانزا
قطع الغيار و تمنها و توفرها فى صالح النوبيرا
فخامه و اداء فى صالح الليجانزا
اعادة البيع فى صالح النوبيرا
من الاخر لو عاوز ركوبه هات ليجانزا لكن لو قطع غيار و اعادة بيع هات النوبيرا

**elnakshabandy** · 24-07-2011 02:43 PM

المشاركة الأصلية كتبت بواسطة MoMohsen

انا معايا نوبيرا اتوماتيك و هحاول اجبلك من الاخر.
النوبيرا الاتوماتيك استهلاك البنزين فيها عالى فعلا و تقريبا بتعمل معدل زى اى عربيه 2000 سى سى يعنى انا بتعمل معايا حوالى 150-160 كم/الصفيحه لكن على طريق طوالى معدلها ممتاز من 220-230 كم/الصفيحه
حوار الفتيس فيه كلام كتير بس من الاخر هو عايز صيانه دوريه يعنى تغيير زيت و فلتر كل 20.000كم وحتى لو لا قدر الله الفتيس ضرب و دة محصلش معايا الحمدلله الفتيس النوبيرا الاستيراد من 1200 - 1800 او حتى ممكن تركب فتيس الليجانزا
قطع الغيار و تمنها و توفرها فى صالح النوبيرا
فخامه و اداء فى صالح الليجانزا
اعادة البيع فى صالح النوبيرا
من الاخر لو عاوز ركوبه هات ليجانزا لكن لو قطع غيار و اعادة بيع هات النوبيرا

++++++1

**aliyosef** · 24-07-2011 06:43 PM

المشاركة الأصلية كتبت بواسطة amado318

نسيت اقول النوبيرا الاتو فاشله فشل ذريع واخرها 160 الى 170 كيلو فى الساعه وحريقه بنزين وكيك داون ضايع عن تجربه

مع احترامى لتجربه حضرتك
انت ركبت عربيه تعبانه

**amado318** · 24-07-2011 07:44 PM

والله دى كانت تجربه ليا السحب كان بطىء وكنت بخاف اتخطى العربيات بسببه واخر سرعه شوفتها كانت 170 اسكندريه صحراوى

**blazer** · 24-07-2011 09:48 PM

شكرا يجماعه لكل الناس اللى ردت
ياريت باقى الناس ميبخلوش على برأيهم
وهل السعر دا كويس؟

**gassarian** · 25-07-2011 02:40 AM

النوبيرا الأوتوماتيك تقيلة بردو عن المانوال..... و الليجانزا بردو تقيلة
اللجانزا أفضل في الفتبس الأوتوماتيك
إستهلاك البنزين قريب و فخامة أفضل للجانزا و ثبات أفضل

رأيي الليجانزا لأن فتيس النوبيرا الأوتوماتيك ممكن يتعبك خصوصاً موديل العربية برضو بعيد

**mailo** · 25-07-2011 01:42 PM

اللي أعرفه عن النوبيرا 1 ال auto سحبها كويس و فيها زرار power في الفتيس بيعمل شغل جامد جدا

**mohnsar** · 25-07-2011 06:00 PM

والحمد لله انا معايا العربيتين الليجانزا من سنتين والنوبيرا من سنه وشوف بقي يا عمنا
الفتيس هوا هوا مفيش تغيير نهائي لاكنو بيعمر في الليجانزا اكتر لان الموتور قوي وبيلبي احتياجاتك بسهوله لاكن مع النوبيرا
عزم الموتور بيكون ضعيف عليه فبيطرك لانك تحرق علي الفتيس وهوا دا الي بيخلي الفتيس يبوظ بسرعه لاكن في كل الاحوال
تغييره سهل ومش مكلف 2000 جنيه بكل المصاريفوتركب فتيس استيراد وفيه ناس بتصلحه لو العيوب بسيطه

النوبيرا اخرها فعلآ 170 لاكن انتا عايز ايه اكتر من كده
الليجانزا اخرها 220 لاكن اوعي تفكر توصل لكده

قطع غيار النوبيرا متوفره عند اي حد شغال في الدايو اما الليجانزا متوفره بردو لاكن عند ناس قليلين منهم

عفشه الليجانزا احسن بمراحل

استهلاك البنزين يفرق بسيط في الزحمه في السفر ميفرقش

الموتور هوه هوه مع اختلاف السعه اللتريه

تكييف الليجانزا اقوي ومش بيفرق في عزم العربيه مع النوبيرا كويس لاكن بيفرق مع السحب و العزم

فرامل الليجانزا abs حلوه اوي لاكن زي اي abs لو باظ مكلف ومش اي حد يصلحو

بس فيه حجات تانيه ممكن تلاقيها بتصرف معاك مثلآ الكاوتش الليجانزا 15 يعنل الاربعه علي الاقل 2000 ج ونتا طالع النوبيرا 14 من 1200 ونتا طالع

وانا تحت امرك في اي استفسار عن العربيتين وربنا يوفقق