خلينا معاك يا ريس...هي لو الطبب دي مفتوحة...ريحة البنزين هتيجي منين...لازلت شاكك فالكاوتشة دي...لان الكلام كله بيحصل عند التفويل ووقوف العربية فالشمس
عرض للطباعة
بص يا ريس
السبب هيكون حاجة من دول
الخراطيم مش مربوطة كويس و او بتسرب (اكشف ع الخراطيم من اول التانك لحد الحوض بالفلتر بكله)
الهويات الداخلية في العربية محتاجة تتقفل
تسريب للبنزين في الدورة بتاعت الوقود
الشكمان منفس
الكهربة عايزة تتظبط ( و ده احتمال الي حدا ما بعيد )
مش هتخرج ان شاء الله عن دول
متشكر جدا على مشاركة حضرتك الموضوع ومتابعة مشكلتى
أنا هارد على كل النقط الى حضرتك كتبتها ويارايت بردو تقولى رأيك
الخراطيم مش مربوطة أحتمال فى دماغى ونفسى الاقى ميكانيكى بيفهم يبص عليهم
الهوايات دى بقى الى هاتجننى كل أما أقفلها تفتح لوحدها
تسريب البنزين ماظنش لان الحمد لله الأستهلاك طبيعى جدا
الشكمان منفس رحت لأبو اليزيد وكشفلى على الشكمان وقالى تمام
الكهرباء غيرتها بالكامل وباردو فى ريحة بنزين
أنا أن شاء الله هادور على الكاوتشة ال فى الزووووور دى ويارب الاقيها وهاغيرها
وبالنسبة للخراطيم أحتمال كبير بردو أغيرها وعل وعسى يكون فيهم الشفا
المشكلى أن ريحة النيزن نى مش محروق وهو دا الى مخلينى شاكك فى موضوع الكاوتشة دى
يا ريس كلنا هنا عشان نساعد بعض
بالنسبة بقي لمشكلتك يبقي كده العيب في حاجة من الاتنين
الاول الخراطيم من اول التانك لحد الحوض تكشف عليهم اي حاجة طالعة من التانك بما فيهم كاوتشة الزور لأن برده ممكن تكون متاكلة و بتسرب ( زي مثلا لما الماستر العمومي بتاع الفرامل لما بيسرب زيت ع السيرفو بيبقي لأن الحشو او الكاوتشة اللي جوة الماستر العمومي اتقطعت او اتأكلت و محتاجة تتغير)
و التاني الهويات بتاعت الشنطة هم دول الاحتمالين
و غالبا المشكلة خلفية لأنك لما جيت تشم الحوض ملقتش ريحة من الحوض
بس اوعي تكون مدوخنا و في الاخر تطلع حاطط جيركن بنزين معاك في العربية او بتنضف حاجة في العربية من جوة بالبنزين او غطا البنزين مش موجود :8954[1]:
ساعتها هسيب ضميري عليك و هو هيقوم بالواجب هههههه
معلش عايز أتأكد بس من حاجة
انت بتقول نى
هل تقصد انه بنزين ما تحرقش اصلا زي اللي بتشمه في البنزينة؟
أعتقد في الحالة دي ممكن تبقى العربية بتشرق وفي مشكلة في عوامة الكربراتير
أما لو تقصد بنزين غير كامل الاحتراق
دي كانت حصلت معايا قريب وفي الاخر طلع ان الاسبراتير كان مأخر شوية وكنت عايز اظبط مسامير الهواء والبنزين والدنيا الحمد لله اتظبطت معايا والريحة راحت