دلوقتي انا خلاص عرفت اروح عين الصيرة مواصلات
طيب اروحها ازاااي بالعربية وانا هابقي جاي من المنصورة
يعني هاعدي علي المؤسسة وداخلة الدائري
وازاي ارووح حدايق الزيتون الي هيا فيها سينما الزيتون
مواصلات وبالعربية
معلش هاتقل عليكما اصلي ماعرفش مناطق كتير في القاهرة
وياسلام بقي و نمرة حد كدة اكلموا لما اتووة يبقي عمل فيا جميل مش هانسهوولة
بص ياباشا اطلع علي الزراعي عادي وتوكل علي الله علي القاهره وماتطلعش اي كباري وادخل من شبرا علي الكورنيش خد بالك بعد الدائري تاخد يمين علي طول عشان تدخل علي الكورنيش من دخله صغيره كده ماتكملش مع العربيات في الطريق الواسع تطلع علي الكورنيش وتفضل ماشي هاتعدي علي وزاره الخارجيه وماسبيرو كمل لغايه ماتوصل عند القصر العيني تاخد يمين بعده علي طول وتكمل 500 متر تقريبا هاتلاقي طريق يمين وطريق طوالي هايطلعك علي كوبري كمل طوالي واطلع علي الكوبري خليك ماشي مع الطريق هاتعدي علي الطب الشرعي كمل طوالي لغايه ماتلاقي اشاره هاتقطع الطريق شمال ولا اقولك هاتلاقي عسكري اساله كده انت في عين الصيره علي فكره انا بوصفلك طريق المرور وممكن بقي حد من اهل القاهره يكون عارف طريق احسن
معلش ياباشا بعد ال 500 متر هاتلاقي طريق داخل شمال مش يمين اللي هو يوديك علي ميدان التحرير ومجلس الشعب سيبك منه اطلع الكوبري اللي هايبقي في وشك وهو كوبري صغير مش كبير وجمبه مستشفي
يعني الوصفة دة تاخدلها قد اية من اول الكورنيش علما اني هاكون بدري في القاهرة
وياريت تليفون حد اعرف اكلمة علشان لو توهت
والله ياباشا دا حسب الزحمه وبعد ماسبيرو مفيش زحمه اوي نسيت اقولك في بعد ماسبيرو كوبري اوعي تطلعه خليك يمين وكمل
نصيحة .. خد مواصلات وبلاش العربية
المكان اللى حضرتك رايحة كلة زحمة .. ومش زحمة عادية ابداَ
يعنى اعمل حسابك ف 4 ساعات ف مشوارك دة من المنصورة لحد عين الصيرة اقل واجب
هتبقى مرهق جدا من طول وقت السواقة
1++++اقتباس:
المشاركة الأصلية كتبت بواسطة nicegypt
بجد والله للدرجااااااااااااادي
يعني انا هاكون في اول الكورنيش الساعة 7.30 الصبح
هايكون زحمة بردة