سؤال يجول فى خاطرى !

**Tarek Gen 2** · 24-07-2011 05:50 AM

اذا كان البرادعي عميل امريكي و6 ابريل مشبوهه وخالد سعيد مدمن ووائل غنيم ماسوني و الشعب المصرى عبارة عن (متظاهريين) و ناس بتحمى الجيش من المتظاهريين
فلماذا حمي الجيش هذه الثوره ده لو هنفترض جدلا انه حماها ؟؟.
و السؤال الأهم
هى فين المخابرات المصريه ؟ ولا كمان المخابرات المصريه متواطئه معاهم. ولا ايه
لو عندكوا ثقه فى المخابرات المصريه ومتأكدين انها من اقوى اجهزة المخابرات يبقا لازم تتأكدوا انه لو فيه اى شك فى اى جاسوس او عميل او اى شخص يشكل خطر على امن مصر والله ماكانوا رحموه ولا سابوه يتحرك فى البلد بحريه كده لحظه واحده

و لما المجلس العسكرى اقر بانه حمى الثورة لان البلد كانت ضايعة وان النظام السابق هو اللى وداها فى داهية
طب ليه مشفناش قانون الغدر و ليه مشفناش حد اتهف حكم على حق
و ليه مشفناش العائلة المالكة المخلوعة اخبارها ايه دلوقتى يعنى هل اتجددلها 15 يوم ولا 45 يوم ولا هما خرجوا بكفالة و مش قايللين ولا ايه النظام

واذا كان المجلس العسكرى ديموقراطى طب ماهو لو الحركة دى ليها تمويل و متدربة و و و
طب ما ايام حسنى كان عادى جدا لو جابهم عدمهم علنى ماهوا نظاموا قمعى يعنى عادى جدا انه كله يتطبخ و يهفهم حكم ابن حلال من عبد السلام جمعة و امن الدولة و المخابرات كانوا فين

واذا كان التمويل ده حصل بعد الثورة و المجلس لسة عارف دلوقتى يبقى نايم على ودانه و مينفعش يحكم شارع مش بلد

وازاى احدى حكام البلد يطلع يقول انا كداب (الروينى)

و بعدين ما الجيش طول عمره بيتدرب فى امريكا و بياخد منها معونة
المفروض انى اطلع بيان اقول فيه ان حركة الجيش المصرى خائنة و بتتمول من الخارج

انا حاسس ان المفروض الجيش يختم بياناته بجملة ( من اجلك انت ) بدل والله الموفق و المستعان متهيألى كدة اوقع !ّ!!

انا مش عارف ايد ده
انا شبه متاكد ان المجلس العسكرى غلط فى غلط
بس هل ده ليه حل ؟

**SkyBird** · 24-07-2011 06:13 AM

و ليه مشفناش العائلة المالكة المخلوعة اخبارها ايه دلوقتى يعنى هل اتجددلها 15 يوم ولا 45 يوم ولا هما خرجوا بكفالة و مش قايللين ولا ايه النظام

احب اقول لحضرتك ان المخلوع ليس محبوس اصلا علشان نتكلم في تجديد حبسة
وده كلام الداخلية اللي انكرت ان مبارك محبوس او حتى تحت الاقامة الجبرية كما ورد في وثيقة في جريدة التحرير
والاغرب انهم يقولوا ان ليه محاكمة يوم 3-8 وطبعا لن نرى هذه المحاكمة وكل ما سنعرفة انها مثلا تاجلت 4 شهور كمان وهكذا

**Tarek Gen 2** · 24-07-2011 02:36 PM

كلنا كنا بنشوفهم وهما بيهتفوا وعددهم صغير ومتحوطين بالامن المركزي
وكل شوية ظابط يدخل يضرب فيهم ويطلع واحنا كنا في عربيتتنا او في الميكروباص و هما كانوا بيتسحلوا ويتضربوا ويعتقلوا واحنا بنقول خلينيا في حالنا
كانوا بيخسروا شغلهم ويتبهدلوا واهاليهم بتتبهدل واحنا ولا هنا
بتهيئلي المفروض هما الي يقولوا علينا خونة مش احنا الي نقول عليهم خونة

**mfarag** · 24-07-2011 02:42 PM

المشاركة الأصلية كتبت بواسطة tarek gen 2

كلنا كنا بنشوفهم وهما بيهتفوا وعددهم صغير ومتحوطين بالامن المركزي
وكل شوية ظابط يدخل يضرب فيهم ويطلع واحنا كنا في عربيتتنا او في الميكروباص و هما كانوا بيتسحلوا ويتضربوا ويعتقلوا واحنا بنقول خلينيا في حالنا
كانوا بيخسروا شغلهم ويتبهدلوا واهاليهم بتتبهدل واحنا ولا هنا
بتهيئلي المفروض هما الي يقولوا علينا خونة مش احنا الي نقول عليهم خونة

وممكن الاخوان يقلوت نفس الكلام احنا كنا بنتحاكم عسكريا و بتصادر شركاتنا

و كمان ممكن السلفيين يقولوا احنا كنا اللى بنعتقل

بس لسة شوي

ميعاد تقسيم التورتة ( اقصد مصر )

و ساعتها نشوف مين اللى اضرب اكتر و اتنبهدا اكتر ايام مبارك

و يبقى مزاد

و كل واحد ياخد نصيبة من التورتة

**Tarek Gen 2** · 24-07-2011 03:23 PM

المشاركة الأصلية كتبت بواسطة mfarag

وممكن الاخوان يقلوت نفس الكلام احنا كنا بنتحاكم عسكريا و بتصادر شركاتنا

و كمان ممكن السلفيين يقولوا احنا كنا اللى بنعتقل

بس لسة شوي

ميعاد تقسيم التورتة ( اقصد مصر )

و ساعتها نشوف مين اللى اضرب اكتر و اتنبهدا اكتر ايام مبارك

و يبقى مزاد

و كل واحد ياخد نصيبة من التورتة

طب الاخوان و هما جماعة و من سنين السنين و ليهم مطامع فى المناصب و السياسة يعنى دى شغلتهم و لو قاللو كدة عندهم حق فعلا اتبهدلوا و شغلهم وقف و اهاليهم اتبهدلت و و و

و السلفيين كانوا بيعتقلوا باسم الدين و الارهاب

انما 6 ابريل دول شباب لا هو باسم دين ولا سياسة ولا اى حاجة و لا حتى بيدور على مناصب
دول ناس زينا عايزيين يعيشوا عدل و بس
الغريب ان لما نظام حسنى قال كدة محدش صدق و اما المجلس قال كدة كله صقفله
طب هو ليه مقبضش عليهم او على قيادتهم او على اللى سافروا طالما عارفهم

و حتى لو سافروا
ايه المطلب اللى طالبوا بيه او الطريقة اللى استخدموها تضر كيان الدولة لو هما ولاد ستين فى سبعين نفسى اعرف ايه اللى عملوه يضر البلد

**mfarag** · 24-07-2011 03:32 PM

المشاركة الأصلية كتبت بواسطة tarek gen 2

طب الاخوان و هما جماعة و من سنين السنين و ليهم مطامع فى المناصب و السياسة يعنى دى شغلتهم و لو قاللو كدة عندهم حق فعلا اتبهدلوا و شغلهم وقف و اهاليهم اتبهدلت و و و

و السلفيين كانوا بيعتقلوا باسم الدين و الارهاب

انما 6 ابريل دول شباب لا هو باسم دين ولا سياسة ولا اى حاجة و لا حتى بيدور على مناصب
دول ناس زينا عايزيين يعيشوا عدل و بس
الغريب ان لما نظام حسنى قال كدة محدش صدق و اما المجلس قال كدة كله صقفله
طب هو ليه مقبضش عليهم او على قيادتهم او على اللى سافروا طالما عارفهم

و حتى لو سافروا
ايه المطلب اللى طالبوا بيه او الطريقة اللى استخدموها تضر كيان الدولة لو هما ولاد ستين فى سبعين نفسى اعرف ايه اللى عملوه يضر البلد

اللى حضرتك بتقولة للاسف تكرار لما كا يقولة المدافعين عن مبارك

قبل الثورة

كل ما حد يوجة انتقاد نسمع نغمة صاحب الضربة الجوية و تاريخة العسكرى الطويل

اثناء الثورة

كان الرد على انتقادات شفيق - انة منفذ الضربة الجوية

بعد الثورة

اى انتقاد لحركة 6 ابريل اصبح الرد انهم كانوا بيضربوا ايام مبارك او انهم عملوا الثورة

------------------------------------------------------------------------------------------------------

خلاص بدل زمان مكان فية بية وباشا

يبقى دلةقتى فية ثورجى و ثورجى قوى

------------------------------------------------------------------------------------------------------

مش من حق ان حد يولع فى البلد او يفرض عليها راية

حتى لو هما اللى عملوا الثورة اوحدهم