الموضوع: ماليزيا بعين المقيم

على فكرة إنت اقنعتني إن دي بلد كويسة لهجرة والعيشة
لكن إيه شروط دخولها
ونظام مرتباتها/تكاليف المعيشة
و هل هي زحمة زي القاهرة ومصر عموما
و ليه الناس مبتروحش هناك الا نادرا لو كل الكلام ده مظبوط

بارك الله فيك

المشاركة الأصلية كتبت بواسطة abdalah_hashem

شكرا كبير وكلام ميتوصفش على هذا الموضوع الرائع الذى سيفوق الخيال باذن الله

طلب صغير لو الادارة تجمع كل المقالات اللى ابو رقية كتبها ورا بعضها فى اول مشاركات فى الموضوع لاكمال روعة الموضوع

وبشكرك تانى جدا جدا


بس عندى سؤال دلوقتى التجنيد مش اجبارى ؟؟؟ هل فى ناس بتتقدم للتجنيد كتييييير وللا كلة بيخلع !!!
بس عندى سؤال تانى انت بتقول اشبة بصعايدة مصر ما عدا ضعف البنية ؟؟ يعنى ازاى معلش .. :))

برضة اسم الموضوع اختيارة جة موفق جدا جدا جامد قوى بصراحة

العفو على ايه انا ياما استفدت من المنتدى وجه الدور اللي ارد الجميل فيه
وبعدين انا نفسي الناس تيجي هنا احسن من امريكا وكندا بكتير , بدل ما انا قاعد لوحدي انا والاتنين صحابي اللي طلعوا معايا من مصر

اما موضوع التجنيد و فأنت بتسأل علشان احنا في مصر بنخدم ببلاش انما الخدمة هناك مجزية ماديا واجتماعيا , وأي واحد مكملش تعليمه فملوش فرصه عمل في السوق الماليزي فالحل بتاعه التطوع , ده غير ان في ناس بتدخله عقيدة وجهاد في سبيل الله

اما موضوع ملامحهم , انا عملت بحث سريع لقيت دول , بصلهم كويس كده لو لبسوا زي اهلنا في الصعيد حتعرف تطلعهم انهم مش مصريين ؟؟

المشاركة الأصلية كتبت بواسطة shnory

تسلم ايدك يا خالد بيك
الحاجه واقفه تتفرج معايا وبتدعيلك
وواضح ان الموضوع عاجبها وبتقولي ما تيجي نروح
ايه الكلام يا كبير

يا خبر !!!! الحاجة بنفسها ؟؟

دا انا انزل اسكندرية بنفسي اخدها من ايديها و اجبها هنا , وخليك زي الـ ..... في الرصافة لوحدك

مثال للقوانين في ماليزيا
كل من يتاجر او يتعاطى او يحمل او جالس المخدرات يعاقب بالإعدام , حتى لو جرام واحد او سجارة حشيش
ويقول كل طيار وهو يستعد للهبوط في ماليزيا بذكر هذا التنبيه على الركاب قبل النزول للمطار
لذلك لا وجود للمخدرات على أرض ماليزيا اطلاقا
وقضية المخدرات الوحيدة في السنين القليلة الماضية كانت ضد اربعة ايرانيين قاموا بتحضير المخدرات في البيت ,وتم اعدام الأربعة

بصفة عامة لا تسمع عن جرائم أكبر من النشل و سرقة السيارات , لكن جرائم مثل القتل و الغتصاب و السرقة بالإكراه لا يكاد لها وجود
إلا
من بعض الأجانب بالذات الأفارقة وبعض الايرانيين وبعض الأسيويين ,ولكنها ليست حالة عامة وانا لا اقصد التعميم إطلاقا فصفحات الحوادث هنا تنشر اخبار حوادث دول مجاورة لعدم وجود مادة محلية

جدير بالذكر ان الشجار والعراك في ماليزيا جريمة يعاقب عليها القانون بغض النظر عن من المتسبب في العراك , لذلك يستحيل ان تجد اثنين يتشاجران , ولكن في المقابل هناك شرطة تعطي كل ذي حق حقه ,وإن كان يشوبها بعض الفساد إلا انها تقوم بدورها جيدا بدون تعذيب و لا معتقلات

ياسلاام
ده أنا جاي من بكرة