أستفسار من خبراء الصوتيات ... برجاء الدخول

السلام عليكم ورحمة الله وبركاته

لو سمحتم أنا عندى 4 سماعات

2 سونى أكسبلود تايلاندى دول 450 واط
و 2 بايونير مش فاكر صناعتهم ايه وتقريبا 300 واط
وبصراحة كمان انا مش متذكر الـ rms ليهم

هما شغالين كويس ماشاء الله عليهم أوى بس أنا عاوز اجيب جى أم ومحتار ومش عارف أجيب
وجالى كاسيت سى دى من برة هو ماركته (هامر) بس بصراحة محترم جدا وبيشغل جميع انواع السى دى بامتددتها وفى مخارج شاشة وكارت ميمورى وفلاشة
فمحتار مابين

جى أم سيمفونى 640 واط 4 تشانيل ولا أجيب جى أم سيمفونى 500 واط 4 تشانيل
لان طبعاً أنا عاوز أظبط الصوت والأحظ أن فى فرق مش مجرد أن مركب جى أم وخلاص
لان أنا نزلت شارع الازهر عند سيتى ساوند لاقيت السيمفونى 640 واط 4 تشانيل سعره 580
وكمان سيمفونى 500 واط 4 تشانيل 560
فاقولت أن فرق السعر بسيط جداً بس الواط أعلى

عاوز أعرف رائيكم وخبرتكم عشان تفيدونى

ال 640 هايبقى احسن اكيد
بس السماعات البايونيير ال 300 دى
ال RMS بتاعها قليل ف الجى ام هايبقى تقيل عليها
و ممكن يطيرها

و نفس القصه مع ال 450 لو جبت ال 500 وات
هايبقى قليل معاها

انت ممكن تجيب ال 640
و توطى ال level بتاع ال 2 تشانل اللى عليهم ال 300 و خلاص

و ال RMS هتلاقيه مكتوب على المغناطيس بتاع السماعه من تحت

اولا انا بشكر حضرتك على ردك وعلى مجهودك وتعبك كمان
بس طيب اقل rms ممكن يتركب على الجى ام الـ 640 دا ايه
او لو فى جى ام وسط مثلا يتركب عليهم نوعه ايه مثلا 600 واط بس نوعه ايه طيب ويكون حاجة كويسة ونضيفة
ولو طلع طيب السماعات دى 350 واط تكون كويسة على الجى ام الـ 640 واط لان انا للاسف مش متذكر وهما احتمال كبير انهم 350 واط

متاااااااابع وفى أنتظار الرد

لا شكر على واجب يا باشا

اتاكد بس من السماعات
مكتوب عليها كل حاجه
عشان نعرف نختار تمام
و كده كده ال 600 زى ال 640
هو فرق ارقام للموديلات بس

اتاكد من السماعات بس

انا بقى مشكلتى مشكلة اصلى موسوس شوية انا مركب كاسيت بايونير 9350 جرافيك و2 سماعات كينوود دبل بيز اعتقد ال400 كبيرة شوية عن العادى وجى ام 350 واط كينوود وكنت عايز اركب كمان 2 سماعة بس محتار انا كنت هاجيب البايونير ال500 بس في ناس كتير قالولى مش هايبقى حلو اما كلهم بايونير او كلهم كينوود وانا مقتنع بالفكرة دى بس واحد صاحبى مركب بايونير 400 على كاسيت بس من غير جى ام الصوت حلو جدا وحاسس ان البايونير ممتازة وانقى بس فيه مشكلة ان الدبل بيز صوتها فى البيز كويس انا محتار ومش عارف اعمل ايه

الف شكرا لتااااااااانى مرة على ردك يا باشاااااا
وهتأكد أن شاء الله وهابعت تانى أقولك
عشان نقدر نختار أفضل وأحسن حاجة أقدر أظبط بيها الصوت

اقتباس:

---

المشاركة الأصلية كتبت بواسطة prisoner

انا بقى مشكلتى مشكلة اصلى موسوس شوية انا مركب كاسيت بايونير 9350 جرافيك و2 سماعات كينوود دبل بيز اعتقد ال400 كبيرة شوية عن العادى وجى ام 350 واط كينوود وكنت عايز اركب كمان 2 سماعة بس محتار انا كنت هاجيب البايونير ال500 بس في ناس كتير قالولى مش هايبقى حلو اما كلهم بايونير او كلهم كينوود وانا مقتنع بالفكرة دى بس واحد صاحبى مركب بايونير 400 على كاسيت بس من غير جى ام الصوت حلو جدا وحاسس ان البايونير ممتازة وانقى بس فيه مشكلة ان الدبل بيز صوتها فى البيز كويس انا محتار ومش عارف اعمل ايه

---

ليه 4 سماعات حضرتك محتاج بيز كده مش صوت (طبعا هى حرية شخصية) لكن لو جبت صب بيونير 1400 ب 295 ج ال D2 وهتحطه فى تيوب بازوكا قول ب 200 ومعاه جى ام سيمفونى 640 وات ب580 جنيه هتقلب الدنيا وهتبيع الجى ام الكينوود ال350 ده خالص مالوش لازمة هيعمل 350 مثلا مستعمل (290+580+200-350=720 ج)
-----------------------------------------------
يا اما لو عايز سماعات وخلاص يبقى هات البيونير ال500 وهى اصلا 80 rms زى الكينوود ال400 وصوتها افتح شوية من الكينوود والبيز فيها معقول بس فى الحالة دى لازم جى ام تانى ليها لان لو وصلتهم على الكاسيت مش هيبقى ليهم لزمة بصراحة :8954[1]: وفلوس على الفاضى

لو سماعات تبعدو عن السيموفنى لو هتركبو اربع سماعات يبقى سونى او كينود
سونى 600 وات 4 تشانل وكينود 720 وات 4 تشااانل
السونى ب630 والكينود ب750 والفرق بين الاتنين مش اوى يعنى وانا مجرب السونى مع السماعات عالمى بجد والله

الله عليك يا بيسو يافنان هو دا بقا الكلام والفن
فعلا هو سماعات بس لان انا عربيتى 128 مش محتاج ان اجيب صب او بازوكا
والسماعات اللى عندى
2 سونى أكسبلود تايلاندى ( بيانتهم ) كالأتى:
peak power 400w
rated power 100w
impedance 4 o اللى مفتوحة من تحت حرف O

و 2 بايونير صينى تقريباً مش باين عليهم بلد المنشاء بس أنا كنت شاريهم من الأرخص بالتوفيقية من سنتين تقريباً.
بيانتهم كالأتى:
300w
max
40w nom
4 o اللى هييا مفتوحة من تحت حرف O

ياريت احسن وانضف نوع جى أم يركب عليهم يكون 4 تشانيل عشان طبعا عاوز أحس أن فى فرق ونقاء فى الصوت

اولا تبييع السماعات ال300 دى ثانيا تجييب بايونير 500 وات الجديدة وتجيب جى ام سونى 600 وات 4 تشانل وعييش وسبنى اعييش

انا بشكر ردك وتعبك معايا يا بيسو بس
اولا مش هينفع ان ابيع ولا ان اجيب الـ 500 واط انا عاوز اجيب حاجة تنفع على السماعات اللى معايا دى لو ينفع او فى حاجة متاحة ليهم
ثانيا انا لسه خارج من تجديد العربية بالكامل من يومين بالظبط ومش ناوى بصراحة غير على جى ام فياريت تحاول تساعدنى على حاجة تنفع معاهم
والف مليون شكر لردك وتعبك معايا يا حبيب قلبى

جييب كده مكينود 350 وات ووصل السماعات الباايو على الكاسيت والتانيين على لجى ام بس

ليه كده هو ال128 مش من حقها تتدلع d:
انا برضه كان معايا 128 وكنت مركب فيها 3 صبات مش واحد بس واحساس الصب غير السماعات خالص
يعنى ببساطة افصل الصب اللى اتعودت عليه وامشى بسماعات هتحس بملل d:
من الاخر لازم تدلع ال128 عشان هى تستاهل بجد
وفعلا شنطة ال128 بتدى بيز مميز اوى وده من كلام ناس كتير وعن تجربة d:

ليه كده يا بيسو تحرجنى دانا حبيبك d:
انا بقول للراجل يجيب ال640 عشان لو هيوصل سماعتين وصب وبسعر فى الحنين والسيمفونى قطع غياره متوفرة وتصليحه رخيص انا فى خلال 4 سنين معملتش صيانة الا مرتين وده لانه كان شغال معايا فحت وردم بصراحة بيستحمل واول مرة كانت غلطة منى فى التوصيلات واتكلف 75 جنيه عند صنايعى شماط كمان يعنى ممكن اقل شوية
تانى مرة غيرت طقم ايسيهات كامل ب 60 جنيه ورجع كما كان الحمد لله
ده كفاية الكينوود ابو 900 جنيه ال1000 وات اللى مرمى اهو مش مستفيد منه بأى حاجة حتى مش مقوم سماعتين 400 وات وملوش صيانة

ماهو لو جاي بحاجة نضيفة انسى انه يبووظ الا بقى لو انت اللى قااصد تبوظه بس ومش هيبووظ بسهوولة واسمك مركب حاجة وانت مطمن بس وياحبيبى عييب لما احرجك ده انت الاصل :d :d :d

اقتباس:

---

المشاركة الأصلية كتبت بواسطة محمد فريد

ليه 4 سماعات حضرتك محتاج بيز كده مش صوت (طبعا هى حرية شخصية) لكن لو جبت صب بيونير 1400 ب 295 ج ال d2 وهتحطه فى تيوب بازوكا قول ب 200 ومعاه جى ام سيمفونى 640 وات ب580 جنيه هتقلب الدنيا وهتبيع الجى ام الكينوود ال350 ده خالص مالوش لازمة هيعمل 350 مثلا مستعمل (290+580+200-350=720 ج)
-----------------------------------------------
يا اما لو عايز سماعات وخلاص يبقى هات البيونير ال500 وهى اصلا 80 rms زى الكينوود ال400 وصوتها افتح شوية من الكينوود والبيز فيها معقول بس فى الحالة دى لازم جى ام تانى ليها لان لو وصلتهم على الكاسيت مش هيبقى ليهم لزمة بصراحة :8954[1]: وفلوس على الفاضى

---

تسلم وشكرا لردك المحترم اولا سيدى الفاضل انا مش بحب البازوكا والصبات اللى بتركب فى الشنطة انا محتاج البيز يطلع عادى من السماعات بس يكون محمل شوية او كثيف وانا مركب جى ام 2 تشانل وعارف انى لما احط 4 سماعات طبعا هاغير بس دي حاجة من الحاجات اللى مخليانى محتار ومش عارف اجيب نوع الجى ام ايه الكينوود انا مجربه سنتين مضربش فيه مفك والحمد لله السيمفونى ناس تقول اه وناس تقول لا هل نوع الجى ام يفرق فى الصوت يعنى لو بايونير هايكون احسن والا ايه اما موضوع السماعات هاستنى بقى كده بعد رمضان واخد فيها قرار وكل سنة والناس كلها بخير اللهم بلغنا رمضان تحياتى

اقتباس:

---

المشاركة الأصلية كتبت بواسطة محمد فريد

ليه كده هو ال128 مش من حقها تتدلع d:
انا برضه كان معايا 128 وكنت مركب فيها 3 صبات مش واحد بس واحساس الصب غير السماعات خالص
يعنى ببساطة افصل الصب اللى اتعودت عليه وامشى بسماعات هتحس بملل d:
من الاخر لازم تدلع ال128 عشان هى تستاهل بجد
وفعلا شنطة ال128 بتدى بيز مميز اوى وده من كلام ناس كتير وعن تجربة d:

---

طبعا من حقها انا امتلكت 2 عربية 128 من حبى فيها يعنى جبتها زمان وانا فى الكلية وبعتها وجبتها تانى وبصراحة عربية محترمة جدا جدا وربنا يباركلك فيها والله كنت مدلعها وفعلا من احسن الاصوات اللى بتطلع بيز كويس جدا علشان الشنطة مربعة تحياتى.

شكرا لردكم كلكم والله انا مش عارف اشكركم ازاى ولا ارد جمايلكم دى ازاى
بس انا عاوز اوصل لحل لان كدا ممكن اوصل السماعات البايونير على الكاسيت وهو محترم وخرجه كويس جدا
والسونى أكسبلود ممكن أجيب ليهم جى ام بس عاوز حاجة محترمة تقومهم كويس وكمان تعيش
ياما لو ممكن اجيب جى ام 4 تشانيل وحاجة معقولة وصب حاجة كدا صغننة يعنى لو فى حاجة كلها مش تعدى الـ 600 جينه يبقا عملتوا معايا أحلى واجب
ومستنى رائيكم وردكم فى الفكرتين اللى انا قولتهم دول عشان بجد انا تعبت وحاسس ان مش عارف اوصل لحل لان بجد محتاج أن اسمع صوت نضيف واحس ان فى فرق فى الصوت حتى ولو بعد تركيب جى أم بس

ومستنى ردكم واسف لو بتقل عليكم بس ماليش غيركم بساله والله

اقتباس:

---

المشاركة الأصلية كتبت بواسطة semsemrotana

شكرا لردكم كلكم والله انا مش عارف اشكركم ازاى ولا ارد جمايلكم دى ازاى
بس انا عاوز اوصل لحل لان كدا ممكن اوصل السماعات البايونير على الكاسيت وهو محترم وخرجه كويس جدا
والسونى أكسبلود ممكن أجيب ليهم جى ام بس عاوز حاجة محترمة تقومهم كويس وكمان تعيش

تصدق انا كنت داخل اقولك كده
و ده انسب حل

ياما لو ممكن اجيب جى ام 4 تشانيل وحاجة معقولة وصب حاجة كدا صغننة يعنى لو فى حاجة كلها مش تعدى الـ 600 جينه يبقا عملتوا معايا أحلى واجب

صعب بالمبلغ ده
ده السيمفونىى ال 4 تشانل ب 550 جنيه
و لسه وصلات و سلوك كهربا

ومستنى رائيكم وردكم فى الفكرتين اللى انا قولتهم دول عشان بجد انا تعبت وحاسس ان مش عارف اوصل لحل لان بجد محتاج أن اسمع صوت نضيف واحس ان فى فرق فى الصوت حتى ولو بعد تركيب جى أم بس

ومستنى ردكم واسف لو بتقل عليكم بس ماليش غيركم بساله والله

---

مفيش تقل ولا حاجه يا برنس الليالي يا رمانه الميزان :)

انت تسال و نحن نجيب

اتصل على زيرو 900 تسعه 900 :8954[1]:
معنا انت فى سريه تامه :grinder:

المهم بقى الجى ام السيمفونى كويس و مش بيبوظ كده يعنى
مفيش حاجه بتبوظ كده لوحدها الا لو سوء استخدام بقى و الكلام ده
او عيب صناعه و دى بتبقى حالات فرديه
و انا مجرب السيمفونى عندى مرتين
و كذا عربيه من عربيات صحابى
و شغال زى الفل ماشاء الله