عاوز اشترى كاوتش جديد للماروتى حد عارف اية احسن حتة اجيب منها وهايكون فى حدود كام وياريت لو جوديير زى اللى راكب فيها :E_braces[1]:
عرض للطباعة
عاوز اشترى كاوتش جديد للماروتى حد عارف اية احسن حتة اجيب منها وهايكون فى حدود كام وياريت لو جوديير زى اللى راكب فيها :E_braces[1]:
انا جبت الجوديير ب 260 للواحدة ، مع انى من شهرين اشتريت فردة كومهو استبن كانت ب 210، فعموما ده الحد الأدنى والأقصى لسعر فردة الماورتى،
كنت اشتريتها من العالمية للكاوتش بس دا تقريبا كان الصيف اللي فات بـ 185
هم في شارع شمبليون
تـوكيل good year المعادى ده الرقم الارضى كلمهم اعرف بكام الايام ده عندهم 29820529 - 29820536
اخر مرة سألت علي الجوود يير 250 تزيد او تقل 10-20 ع حسب كل مكان
و فيه فولدا انا ركبته عندي و ده بقي في نفس الحدود بعد الثورة
ناس خدتهم الجلالة في الاسعار اوي بعد الثورة
و ده موضوع اتمني يفيدك خاصة تاريخ الانتاج
http://www.nilemotors.net/Nile/232923-a.html
اما بالنسبة تجيب منين فديه بقي براحتك لأن مصر مليانة و يفضل لو توكيل معتمد
اهم حاجة انه يكون الكاوتش تمام و ماركة معروفة و تاريخ انتاجه حديث مش مهم ان المحل يكون ذو شهرة واسعة او كبيير
ع سبيل المثال احد المحلات المشهورة ( بدون ذكر اسماء ) بالرغم شهرته لقيت عنده كاوتش انتاج 2008 يعني ناقصله سنة و لا سنتين و نقول Expired
بالاضافة لغلو سعره
و حاول تفاصل لأن كل بتوع الكاوتش دايما بيضربوا رقم و تقعد تفاصل
و تكون عارف سعر العجلة الحقيقي عشان تفاصل بدافع قوي :8954[1]:
و بالتوفيق ان شاء الله
الجي تي الاندونيسي تمن الفرده 180بس ده من فتره
اهم حاجه فعلا زي ما قال اخونا اكسيل تاريخ الانتاج وطريقة الحفظ
اوعى تجيب حاجه انتاجها اقدم من 2011
وكان اخونا ايهاب جابهم من توكيلهم وملوهم نيتروجين وعليهم ضمان لمده تروح ترصص وتزود نيتروجين ببلاش
تحياتي
تحياتي
أنا جبتهم من أولا صبرة فى شارع أحمد سعيد بالعباسية الفردة كانت بــ 230 جنيه بالتركيب والترصيص ماركة جود يير صنه الهند نفس اللى راكب فيها بالظبط ، وكانو إنتاج شهر 10/ 2010
من 3 شهور تقريباً
شكرا ليكو يا جماعة انا خلاص اشتريت هانكوك مالقيتش جوديير الفرده كانت ب 250 بس بصراحة مابصتش على تاريخ الانتاج :120146b
الف مبروك
و معلش المرة الجاية تبقي تاخد بالك
المهم انك تبص ع التاريخ دلوقتي عشان تعرف العجلة ديه انتاج كام و قدامها اد ايه كصلاحية
لأن العجل عامة صلاحيته 5-6 سنين حتي لو مركبتوش لأن بعد الصلاحية ما تنتهي بيبقي معرض لاقدر الله انه يفرقع في اي وقت
انا فعلا بصيت لاقيتة انتاج 2011 الحمد لله المره دى جت سليمة :E_braces[1]: