خبطة في السيراتو

**denden** · 24-07-2011 01:54 PM

السلام عليكم ...
انا من فضلكم عندي استفسار ... امبارح كنت راكنة العربية و رجعت لقيت حد خبطهالي من الجزء اللي بين الفانوس الخلفي و الباب الخلفي يعني تقريبا تحت التنك و شكلها وحش اوي و داخلة لجوة فالنهاردة في حد ودهالي عند سمكري عشان يردها لان ناس قالولي بسيطة مش مستاهلة توكيل مع العلم اني مأمنة عليها.. المهم بقي العربية رجعالي اوحش من الاول بقت عملة كده زي الارض المكسره مش مستوية و كمان وقعلي جزء من لون العربية !!!! و اللي خليته يوديها قاللي مستحيل تتعمل احسن من كده .... فانا سؤالي لحضراتكم دلوقتي هل الكلام ده صح و لا ده عيب سمكري و لو رحت التوكيل برضه هيقلولي متتعملش احسن من كدة و لا هيرجعوها زي الاول ؟؟ انا اسفة جدا طولت عليكم معلش اصلي من النوع اللي ميطقش خربوشه في العربية فمبالكم بقي بالخطة دي ... و شكرا

**khafify** · 24-07-2011 05:14 PM

طبعا التوكيل يرجعها زى الاول والسمكرى اللى اتعملت عندة سيئ جدا واعمليها عن طريق التأمين.

**A.Saad** · 24-07-2011 06:02 PM

هو عمل كدة علشان ميرشش
بس هو منجد مش سمكرى لانه بيكون عارف ايه اللى ممكن يتعمل من غير رش واسمه رد على البارد وايه اللى هيحتاج تسخين باللهب وهيحتاج رش
وديها الاول لسمكرة بيفهم خدى رايه ويعدين شوفى التوكيل
وغالبا التوكيل بيغير الجزء المخبوط ويركب بداله واحد جديد ويرشه

**denden** · 26-07-2011 05:13 PM

متشكرة اوي لردودكم .... انا وديتها التوكيل قالولي هتسيبيها 3 اسابيع !!!! فمرضيتش طبعا و وديتها ورشة نايل موتورز و الحمد لله اتظبتت و متشكره اوي مرة تانية لردود حضراتكم :))