الموضوع: شهادتى من وسط أهالى العباسيه اللى بيقولوا عليهم بلطجيه

المشاركة الأصلية كتبت بواسطة ashturbo

طيب خدوا عندكم السيناريو ده وقولولي مقتنعين بيه ولا لأ :


بلطجية مأجورين شباب وبنات كبار وصغار ( علشان يبان أنهم من المتظاهرين ) معاهم أسلحة وطوب ومولوتوف يطلعوا على المجلس العسكري ومفيش مانع لو راح معاهم حبة متظاهرين ( مش عارفين الحقيقة ) ويشتبكوا ويطلع أشاعة من بتوع الرويني ومن على شاكلته أن المتظاهرين بقيادة 6 أبريل بيضربوا في الجيش ويبدأ المواطنين العاديين يحدفوا على المتظاهرين طوب وتبدأ معارك مع البلطجية .... تبدأ الأخبار في الأنتشار ( ألحقوا الجيش بيضرب المتظاهرين وفي بلطجية في العباسية بيضربوا معاه ) ويبدأ أنسحاب البلطجية المأجورين وفي اليوم التالي مع أنتشار الشائعات يبدأ المتظاهرين يتوجهوا للمجلس العسكري وتحصل أشتباكات مرة أخرى وبعدها بيوم يقولك خبر أن الجيش بيحرس المتظاهرين المتجهين الى التحرير وويأمن لهم خروجاً آمناً من العباسية .


الأهداف من الخطة دي :

1- تشويه صورة 6 أبريل ومن يدعمهم أو سيدعمهم .

2- حشد تأييد كبير للمجلس العسكري .

3- أنقلاب الشعب على المتظاهرين وبالتالي على الثورة .


المشاركين في المؤامرة دي والمؤيدين لها بشكل أو بآخر :

1- النظام السابق .

2- المجلس العسكري .

3- التيارات الأسلامية التي تستعد للحشد وتطهير الميادين من المتظاهرين العلمانيين الكفار .



كلمة أخيرة :

لما نكون أحنا كمثقفين ومطلعين على التاريخ وعلى مصادر المعلومات المختلفة ومتابعين للأخبار بشكل متواصل يحصل تخبط وسطنا ونبقى مش عارفين أيه اللي بيحصل ولا أيه اللي هيحصل فمبالكم المواطن البسيط العادي اللي لا هو متعلم ولا ليه في السياسة يعمل أيه ؟

ربما كلامك كلة يكون صح . . لكن الغلط كلة علي المتظاهرين
وانا قلت الكلام دة يوم 8 يوم ما نزلت . . .

لقيت شباب دماغهم مش ذكية كفاية ومفيش اي فكر سياسي بخلاف ان في مجموعات فعلا اقسم بالله اهدافها بعيدة جدا عن الثورة وكل اهدافها الوصول للحكم او ايصال اسماء معينة للحكم


انت معندكش اي دليل قوي او دامغ ضد المجلس العسكري . . انة متواطئ او ضد الثورة . . . يبقي انت لما تيجي تهجم علية وتهاجمة بلشكل دة ببساطة انت هتفقد الناس وانت الي جبتة لنفسك

لما يجي عندك انتخابات كمان شهر وكا شعب توصل للحكم . . . وتيجي انت تعمل كل القلق دة يبقي مع احترامي للمتظاهرين اهدافهم بعيدة جدا عن اهداف الثورة !!

حتي لو في تباطؤ في حاجات مش عاجباك كلها شهر وهتحكم البلد اعمل الي عايزة !! ساعتها لكن الي بيحصل دة

-غباء سياسي

-ناس عندها كم كبير اوي من الاستنفار والعصبية ضد اي بيحكم ( وهفكركم لو جت الانتخابات باي مرشح من اي اتجاة هيعملوا نفس الشئ لسبب هو ادمن واتفهملة انة المعارضة كدة وبلشكل دة ) !!

-ناس لها مصالح الوصول للسطة وتملك مصر اولهم ما يسمي بممدوح حمزة ولا اظن ان هذا سوي واجهه مش اكتر



-----------------------


يا جماعة المانيا كان فيها مظاهرة سلمية ضد بناء محطة قطار بغابة اتصاب 300 !! البلد ما وقفتش والدنيا قامت لان ببساطة دول ناس بيرفضوا قرار شرعي حكومي ممثل للاغلبية الحاكمة

مظاهرات اسبانيا كانت سلمية للغاية . . والشرطة نزلت ضرب بلعصيان بغباء . . الدنيا موقفتش وطلع الاتحاد الاوربي عمل مشاكل . .



ببساطة يا جماعة اي حكومة تحاتج لقوة وهيبة . . واي حكومة لابد ان يكون لها قررات تغضب كثيرين ولكن لا يجوز الخروج عليها . . ما الغبي بوش عمل في امريكا مصايب كتير ودمر حاجات كتير !! طلعوا ضربوة وقالوا يا نمشي يا هو يمشي . . !!!


للاسف احنا لا فاهمين حرية ولا فاهمين يعني اية حكم وحكومة ولا فاهمين يعني اية دولة ولا فاهمين يعني اية معارضة ولا فاهمين يعني اية حتي ديموقراطية الي البعض بينادي بيها . . .


الواحد حزين علي الي بيحصل . . وانا كنت متوقع شئ زي دة من يوم 8 . . والي بيمشي علي كورنيش اسكندرية بخط كبير عريض مكتوب كتير من اسبوع من قبل الاحداث دية . . الفاظ بذيئة للغاية سافلة لسب الظباط !!!

وكان مكتوب بلنص ( عايزين ظباط من الصين ظباطنا - شتيمة سافلة- )


مفيش كدة في الدنيا

المشاركة الأصلية كتبت بواسطة epnmasr

أتفق معك في النظام السابق 100%
و لكن قله في المجلس العسكري ولكن هذه القله من أصحاب الرأي والقرار
ومن فضلك لا تقحم التيارات الإسلاميه في هذه المهاترات من فضلك لو سمحت وشكراً

أنا لم أقحم التيارات الأسلامية هي التي أقحمت نفسها مرتين المرة الأولى عندما لم تشارك في الثورة وحتى لم تدعو لها من البداية بل على العكس أدعت أنها شاركت فيها وقامت بالقفز على الثورة .

المرة الثانية مايحدث حالياً من أنفصال وأنقلاب على المتظاهرين والدعوة الى تطهير الميادين منهم بأدعاء أنهم من العلمانيين والكفار والشوعيين والذين يريدون الأنقلاب على ولي الأمر وهو المجلس العسكري الذي لم يحاكم فرداً واحداً حتى الآن .

يا أخواننا حصلت قبل كدة محدش يستعجب أيام السادات لما أتفق مع الأسلاميين أنهم يطهروا الجامعات من الشيوعيين وقالك نضرب دول بدول وفي الآخر السادات حبسهم كلهم ومبارك من بعد منه عاملهم بمنتهى القسوة كأنهم أرهابيين ..... كان الأشرف للتيارات الأسلامين التحالف مع أخوانهم المصريين في ميدان التحرير لتطهير البلد من الفساد الحقيقي لا أن ينقلبوا على أخوانهم المصريين ويساعدوا على أحداث الفتنة في البلد ..... يا أخواننا هدفنا واحد وعدونا واحد وكلنا عارفينه نختلف ليه في الطريقة كدة عيب .

المشاركة الأصلية كتبت بواسطة ahmedbatoos

انت معندكش اي دليل قوي او دامغ ضد المجلس العسكري . . انة متواطئ او ضد الثورة . . . يبقي انت لما تيجي تهجم علية وتهاجمة بلشكل دة ببساطة انت هتفقد الناس وانت الي جبتة لنفسك

لما يعدي أكثر من 6 شهور على الثورة والمجلس العسكري لم يحاكم فرد واحد يبقى ده أسمه أيه ؟ لما ألف يتقتلوا واللي قتلوهم ياخدوا براءة يبقى أسمه أيه ؟ لما الوزراء والرئيس وحاشيته وكل اللي كانوا ناهبين البلد وواكلين حقى وحقك وحق ولادنا ياخدوا براءة في التهم المنسوبة أليهم يبقى أسمه أيه ؟ لما اللي قاموا بالثورة واللي ماتوا فيها هم وأهاليهم يتقال عليهم علمانيين وشيوعيين وكفار وبلطجية وخونة وليهم تمويل من الخارج يبقى أسمه أيه ؟

لما يجي عندك انتخابات كمان شهر وكا شعب توصل للحكم . . . وتيجي انت تعمل كل القلق دة يبقي مع احترامي للمتظاهرين اهدافهم بعيدة جدا عن اهداف الثورة !!

محدش عمل قلق علشان الدستور أولاً ولا أي حاجة من الكلام ده اللي في ميدان التحرير بيطالبوا بالقصاص العادل والحرية والعدالة الأجتماعية اللي شايف غير كدة غلطته مش غلطتهم .


حتي لو في تباطؤ في حاجات مش عاجباك كلها شهر وهتحكم البلد اعمل الي عايزة !! ساعتها لكن الي بيحصل دة

والله أنا أتمنى من كل قلبي الشهر دة يعدي على خير والأنتخابات كمان تعدي على خير والله يولي من يصلح جاء من جاء فهو أختيار الشعب وربنا يوفقه يقود البلد لما فيه الخير والرخاء والأمان .