الموضوع: فرش الصنى فى جينز كار

السلام عليكم

انا عملت فرشة للنيسان صنى فى جينز كار (مدينة نصر) وكانت الخدمة ممتازة والمهندس عبد الفتاح كان متعاون جداً فى المساعدة فى اختبار الالوان، التفاصيل:
الاول روحت يوم الجمعة للاتفاق على التركيب وتم اختيار الالوان ونوع الخياطة ولون الخيط وكذلك الاتفاق على تركيب الارضية بدل منفك ونركب الكراسى تانى لو حبيت اعملها فى يوم تانى وبالتالى التاخير ومصنعية الفك والتركيب والاسعار مع تخيض لنايل موتورز وفى النهاية تم الاتفاق على التركيب يوم الاربعاء،
يوم الاربعاء: تم تسليم السيارة يوم الاربعاء صباحاً على ان تنتهى فى الساعة الثالثة عصراً، روحت الساعة ثلاثة كانت لسة الكراسى مركبتش وكانت الارضية بتتقفل وتم الانتهاء من السيارة حوالى الساعة خمسة مع هدية غطاء طارة ومعطر وفوطة سيارة.
تقييمى
1- الخامات: ممتازة (ضد الحريق - على الرغم انها جلد صناعى)
2- الخدمة: ممتازة (تفهم لمتطلباتى والمساعدة فى اختيار الافضل)
3- الدقة فى المواعيد: عادية (تاخير حوالى ساعتين عن المعاد المتفق علية)
4- خدمة بعد البيع: جيدة جداً (رجعت تانى لان الفرشة كانت مش مريحانى شوية وحاولوا يظبطوها، وراح ارجعلهم تانى بعد مارجع من السفر احط سفنج اكتر)
5- الاسعار: ممتازة (مع خصم لنايل موتورز، بالاضافة لهداية)
6- الرضاء عن الخدمة: جيدة جداً ( اثناء الفك والتركيب حدثت بعض الخدوش البسيطة فى التلبوة مكان الكراسى، غير مؤثرة ولكن غير مستحبة)

اترككم مع الصور
ارضية السيارة بيج







تركيب الارضية تحت الكنسول مع التقفيل باللزق - مينفعش فيها خياطة


بعد التركيب

الارضية الاصلية من تحت والجديدة من فوق




الارضية بعد الانتهاء منها


فرش الشنطة اسود مع لون الفرش الاصلى ( باين تحتة)


ارضية الشنطة بدون خياطة او لزق



الكرسى




خياطة الكرسى









الكرسى بعد التركيب



مكان الكنبة فاضى



مسمار تثبيت الكرسى












الكنبة بعد التركيب







التكلفة الاجمالية 1500 جنية (1200 فرش الكراسى و 300 الارضية)
جميع الصور من تصويرى الشخصى وحصرياً لنايل موتورز


والسلام ختام