الموضوع: العربية بتحك من الخلف

المشاركة الأصلية كتبت بواسطة Mido_Vip

ايه علاقة انى اغير مقاس الكاوتش ؟

انا المفروض مركب المقاس الاصلى بتاع العربية يعنى لما اكبره اكيد هيحك اكتر والمقاس المظبوط مع جنوط 14 هو 185/60/14 والكلام ده من الكتالوج بتاع العربية

كنت مركب فى الجولييت بتاعتى 185-14 65 بيعلى العربية بمقدار 1.5 سم فلا تيحك الشكمان مع المقبات الصناعية فى الشارع لكنه كان يحك مع المقبات على السريع أو المطبات مع الحمولة والسرعة لكن ماكانش يهمنى أى مقب صناعى لو علو إيه طالما لوحدى

المشاركة الأصلية كتبت بواسطة bondjames

كنت مركب فى الجولييت بتاعتى 185-14 65 بيعلى العربية بمقدار 1.5 سم فلا تيحك الشكمان مع المقبات الصناعية فى الشارع لكنه كان يحك مع المقبات على السريع أو المطبات مع الحمولة والسرعة لكن ماكانش يهمنى أى مقب صناعى لو علو إيه طالما لوحدى

شكرا على رد حضرتك

وعلى فكرة انت كنت كاتب المقاس فى المشاركة الاولى غلط وبالنسبة للمقاس التانى 14/185/65 هستنى رأى الخبراء فيه علشان لو كده هغير للمقاس ده وانا كده كده عاوز اغير الكاوتش

المشاركة الأصلية كتبت بواسطة ahmedezzat78

عشان نتكلم بلغه الأرقام تعالو نحسبها

المقاس الأصلى للكاوتش 175/70 r13
القطر الخارجى 575.05 mm

عشان نكبر لجنط 14 لازم نحافظ على القطر الخارجى و فى الحاله دى نركب كاوتش 185/60 r14
وكده هيكون القطر الخارجى 577.59 mm يعنى الفرق فى القطر بنسبه 0.44% وده رقم مقبول تماما لأنه أقل من 2.5%

طيب لو عايزين نعلى العربيه على الجنط ال14 يبقى نعلى ال 60 الى 65 ......... يعنى ايه؟
يعنى يبقى ارتفاع الكاوتش من الجنط للأرض 65% من 185mm
يعنى نركب كاوتش 185/65 r14 وكده هيبقى القطر الخارجى 595.88 mm يعنى أزيد من القطر الأصلى ب 3.5% (رقم مرفوض لأنه أعلى من 2.5%) يعنى 20مم يعنى 2 سم يبقى العربيه هتعلى عن الأرض 1 سم

الخلاصه: لو عايز تعلى العربيه 1 سم ركب مقاس 185/65 r14 بس ده هيكون على حساب الثبات

شكرا جدا لحضرتك على الرد

وطبعا مينفغش اعلى العربية واقلل الثبات ده انا مش عاوز اركب علايات علشان الثبات

ياريت يكون فى حل مضمون وميقللش من الثبات وديه اهم حاجه بالنسبالى