البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

**rahmanboud** · 25-07-2011 12:31 AM

فساد 30 سنه مش ممكن ينتهى فى يوم وليله - الثوره عمل إيجابى لكن أكيد له سلبياته لأن ثقافتنا تختلف من شخص لآخر

علاوه على إنه فى ناس بيحبو يعيشو فى الفوضه لأنهم همجيين بطبيعتهم

إحنا محتاجيين أوى ثورة أخلاق

حكام العرب سلبونا آدميتنا بظلمهم طوال السنين الماضيه وعلشان يرجع الإستقرار والأخلاق تانى محتاج الشعب يحس فى الأول إنه إنسان وبعد كده حيتصرف زى الإنسان ما بيتصرف مش زى الحيوان اللى ملهوش عقل

عن رأيى الشخصى أنا متفاءل بس المسأله عايزه وقت ووقت طويل

**SAMEH_FOUAD** · 25-07-2011 02:47 AM

المشاركة الأصلية كتبت بواسطة abdalah_hashem

السلام عليكم ورحمة الله وبركاته

طبعا بعد الثورة كلنا عارفين الحياة بقت عاملة ازاى كل واحد ماشى بدراعة ماهى حرية بقى ومحدش بقى لية كبير
احكيلكم موقف شوفتوا بعنيا امبارح ...

وانا قاعد زهقان قلت انزل اتمشى نزلت مشيت لحد ميدان المطرية طبعا لقيتو مقفول كالعادة لو بصيتلة من فوق هتلاقية عبارة
عن عربيات كتير بتلعب فى خناقة المهم الطريق واقف لحد يمكن نقول لح التجنيد يعنى بتاع 4 محطات او 5 من ميدان المطرية

قلت ماشى وكملت مشى متجها الى ميدان حلمية الزيتون الكوبرى بتاع العربيات اللى معدى فوق المترو كان واقف قلت فى عقل بالى يا واد امشى من علية وخلاص طلعت ومشيت ولما عدديت الناحية التانية شوفت حاجة رهيبة
كااااااااااااااااااااارثة بمعنى الكلمة دة غبااااااااااااااااااااااا اااااااااااااء واستهبااااااااااااااااااا ال واستعباااااااااااااااااط واستهتااااااااااااااااار
فى كوبريين جنب بعض معديين من فوق المترو كوبرى للعربيات وكوبرى للتروماى

لقيت واحد سواق تاكسى لما الطريق وقف طبعا كتير جدا قام طالع على كوبرى الترماى من الناحية الشمال يعنى فى طريقين للترماى واحد نازل من الكوبرى والتانى طالع هو بقى طلع فى وش اللى نازل وبقى خلاص قرب من اعلى نقطة فى الكوبرى لقى الترماى نازل فى وشة الحمد لله الترماى فرمل ومحصلش حاجة ونزل وهو متنرفز وعمال يزعق كانة هو اللى صاحب حق

فسالنى واحد هو فى اية قلتلة على القصة قالى كلمة ( ثورة ثورة بقى هة هة هة هة هة هة هة هة هة هة وقعد يكركع من الضحك ومشى )
فسمعت تعليق تانى من ناس على القهوة ( شوفت يا عم النظام عمل اية فى 30 سنة ؟؟؟؟!!!!!!!!!! )

انا عن نفسى مش متفائل .. عن نفسى انا انا مش متفائل

طيب انت بقى بترجح انهوا تعليق من التعليقين دول ؟؟؟؟

سواق التاكسى اللى بيزعق دة يحمد ربنا انة نزل سليم مانزلش عشرين حتة

وبعدين هو كان عايز الترام يجيب مارشيدير ولا اية ؟؟؟؟؟؟؟؟؟؟؟؟؟؟؟؟؟

اغلب الناس مستغلين التسيب المرورى بطريقة خاطئة وللاسف بيؤدى الى اضرار جسيمة

يعنى انا مرة كنت نازل من مخرج على الطريق الدائرى لقيت واحد بموتوسيكل فى وشى الحمد لله تفاديتة وانا نازل بسرعة تتراوح مابين 50- 60 كم لان دة طريقى وعمرى ماكون متخيل ان حد يقابلنى والاقى دة فى وشى والحمد لله ربنا سترها

الشعب اصلا اتعود على الاهمال والهرجلة وعدم النظام ونفسة يعيش فى البلد دية بالفهلوة والدراع

للاسف الجيل دة باظ خلاص , يمكن الجيل القادم يكون اكثر وعيا وربنا يسهل