البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

السلام عليكم ورحمة الله وبركاته

طبعا بعد الثورة كلنا عارفين الحياة بقت عاملة ازاى كل واحد ماشى بدراعة ماهى حرية بقى ومحدش بقى لية كبير
احكيلكم موقف شوفتوا بعنيا امبارح ...

وانا قاعد زهقان قلت انزل اتمشى نزلت مشيت لحد ميدان المطرية طبعا لقيتو مقفول كالعادة لو بصيتلة من فوق هتلاقية عبارة
عن عربيات كتير بتلعب فى خناقة المهم الطريق واقف لحد يمكن نقول لح التجنيد يعنى بتاع 4 محطات او 5 من ميدان المطرية

قلت ماشى وكملت مشى متجها الى ميدان حلمية الزيتون الكوبرى بتاع العربيات اللى معدى فوق المترو كان واقف قلت فى عقل بالى يا واد امشى من علية وخلاص طلعت ومشيت ولما عدديت الناحية التانية شوفت حاجة رهيبة
كااااااااااااااااااااارثة بمعنى الكلمة دة غبااااااااااااااااااااااا اااااااااااااء واستهبااااااااااااااااااا ال واستعباااااااااااااااااط واستهتااااااااااااااااار
فى كوبريين جنب بعض معديين من فوق المترو كوبرى للعربيات وكوبرى للتروماى

لقيت واحد سواق تاكسى لما الطريق وقف طبعا كتير جدا قام طالع على كوبرى الترماى من الناحية الشمال يعنى فى طريقين للترماى واحد نازل من الكوبرى والتانى طالع هو بقى طلع فى وش اللى نازل وبقى خلاص قرب من اعلى نقطة فى الكوبرى لقى الترماى نازل فى وشة الحمد لله الترماى فرمل ومحصلش حاجة ونزل وهو متنرفز وعمال يزعق كانة هو اللى صاحب حق

فسالنى واحد هو فى اية قلتلة على القصة قالى كلمة ( ثورة ثورة بقى هة هة هة هة هة هة هة هة هة هة وقعد يكركع من الضحك ومشى )
فسمعت تعليق تانى من ناس على القهوة ( شوفت يا عم النظام عمل اية فى 30 سنة ؟؟؟؟!!!!!!!!!! )


انا عن نفسى مش متفائل .. عن نفسى انا انا مش متفائل

طيب انت بقى بترجح انهوا تعليق من التعليقين دول ؟؟؟؟

فى اعتقادى ان الشعب المصرى محتاج عش سنين من الكفاح عشان يرجع تانى مجهز للمعيشة الادمية المتحضرة
واعتقد ده موضوع مش سهل فعلا الشعب لازم يتعالج نفسيا عشان يرجع شعب سوى

عادي .. عندنا بيمشوا على الرصيف و اللي ماشي على رجلية لازم يوسع لانه اكيد هيتخبط
السواق دا كان عايز الترماي يدخل فية وش في وش

ياريت الترماي كان شاله عشان يبقا عبرة لمن يعتبر !
الثورة بريئة من الناس دي
ولكن للأسف عقول مبتفهمش حاجة وفاهمة الحرية غلط !

للاسف الموضوع دة من زمان و البلد فعلا مفيش فيها كبير لان مفيش قانون بيتطبق على اى واحد , فطبيعى تكون الفوضى هى النتيجة الطبيعية طالما انا عارف ان مفيش حد بيحاسب .

أنا شخصيا متفائل ان شاء الله , ان بعد العسر يسر و البلد هتبقى زى الفل بس نصبر و نتعب و نتجتهد

اعلى نفس الكوبرى شوفت نفس الموضوع ايام ما كنت لسه خاطب (من 10 سنين تقريبا)
و كان برضه تاكسى

الشرطه المسئوله عن الكلام دا خايفين ينزلوا وخايفين من الناس هما السبب الاساسي

الشرطة تتعمد انها متنزلش و تسيب الناس تخبط في بعضها بتأثير العشوائية اللي بدئت من السبعينات

بصو يا جماعة
من وجهة نظري التي لا قيمة لها هههه
مشاكل المرور بتعتنا عمرها مهتتغير إلا لو الناس نفسياً اتغيرو
و طبعاً ده صعب يحصل يباه الحل ايه قنبلة ذرية و نتكل كلنا و الجاي باه
يباه علي نظافة ده رايي الاول .
الراي الثاني : ان كل واحد فينا يصمم انه يسكن في المدن الجديدة و يشتغل كمان
فيها و بكده هيبعد عن القرف ده و علي الاقل هيريح نفسه .
ربنا ينصرنا علي فساد ال30 سنة اللي من توابعه الفساد المروري للاسف.

و دي وجهة نظري التي لا قيمة لها ههههههه.

في راجل عجوز قالها في المترو لما لقى الناس مش ملتزمه بحاجه

قال " الحل الوحيد للشعب بتعنا انو كلو يموت ويجي جيل تاني على نظافه "