اخوكم من الاسماعيلية
عندنا البلد مش زحمة قوي
عشان كده لما فكرت اغير عربيتي فكرت اني اوفر الفرق بين المانيوال و الاوتوماتيك في عربية تبقي جودتها اعلي
انا كان معايا افيو موديل 2009 لكن بصراحة مش مريحاني عشان مش ثابته خالص و انا بامشي بسرعة 130-160 و دي بعد 100 باحس ان انا في مولد السيده
انا فكرت في اللانسر مانيوال ب 107 الف بس حرام ادفع الفلوس دي كلها في عربية من 7 سنين او اجيبها مستعملة
فكرت في الكروز مانيوال ب 115 الف بس صغر قدرة الموتور علي جسم السيارة مقلقني
فكرت في المازدا 3 بصراحة دي داخلة مزاجي اوي اوي مانيوال ب 125 الف بس غبور
فكرت في الهيونداي النترا ( مانيوال + اي بي اي ) ب 122 الف و لكن لسه مش مطمن من ثباتها
انا اهم حاجه في العربية
الثبات - الامان - الاعتماديه - موتور نشيط - كماليات كويسه - تكاليف تشغيل بسيطه - تعيش فترة طويله بنفس الحاله ( انا باحافظ علي عر بيتي من الهوا الطاير ) - تكاليف صيانه و قطع غيار بسيطه - سعر اعاده بيع بعد 7 - 8 سنين معقول
الرجا المساعده في الحيرة الشديده اللي انا فيها
و جزاكم الله الف الف خير