مشكلة فى فتيس الاوبترا الاوتوماتيك!!

السلام عليكم..
انا لسة يا جماعة شارى عربية اوبترا اوتوماتيك من شهرين كدة..
المهم العربية بتاعت واحدة ست وانتو عارفين الستات وتعاملهم مع العربية ..
انا طبعا اول ما اشتريت العربية عملتلها الصيانات بس مغيرتش زيت الفتيس..رحت كشفت علية قريب قالى دة وسخ ومحتاج يتغير مرتين مرة دلوقتى ومرة كمان خمس الاف كيلو...
المهم يا جماعة المشكلة ان فى صوت ونة كدة فى الغيار الاول وبتروح اول متنقل التانى طبعا العربية اوتو وانا خايف جدا من مشاكل الفتيس الاوتو..
المهم انا غيرت الزيت وجبت موبيل atf 320
والصوت هدى شوية بس مرحش هل لو غيرتة تانى الصوت هيروح لانة تقريبا لسة وسخ بردوا؟؟وازاى انضف الفتيس لو وسخ لان انا اللى هطلب من الميكانيكى واقله اعمل كذا وكذا لانة من نفسة هيقلى معرفش..
علما بانى عايش فى المنيا والناس هنا لاتفقة شىء فى اى شىء...
ارجوكم طمنونى...
السلام عليكم ورحمة الله وبركاته

انا شايف ان احسن حل انك تغيرة تاني بعد 2000 او 3000
ولو الصوت فضل موجود او الزيت اتوسخ غيرة تاني
انا عارف انه مكلف بس مش اغلي من الفتيس

ربنا يسترها وستات المنتدى مايزعلوش منك....هههههه

الف شكر يا هيما باشا على ردك..
انا فعلا هغيرة كمان الف و اشوف ظروفة اية...
انا بس خايف لا ميكنش مشكلة تغير زيت وتكون حاجة كبيرة..
ربنا يستر

الونه ديه ايد طالعه من الفتيس
اتاكد
العربيه عامله كام
والزيت اللي انت غيرته قد ايه
الفتيس ملوش فلتر لاكن ليه صفايه ميكانيكي متخصص في الفتيس هوه الي ممكن ينظفهالك
استهلاك البنزين عامل ايه
وكذلك التسارع بتاع العربيه
هل فيه رجه اثناء التحرك من الثبات
وشكرا

الف شكر لمشاركة حضرتك..
هو الفتيس ذى الفل بصراحة مفيهوش اى حاجة غير الونة دى على الغيار الاول بس...
غير كدة مفيش رجة والكيك دون زى الفل وسحبة ممتاز...
والاستهلاك كمان طبيعى جداااا..
مش عارف بقى دة ممكن يكون اية.ويعنى اية ايد طالعة من الفتيس؟
الف شكر يا رجاله على المساعدة

معلش كنت بكتب بسرعه
قصدي الونه ديه اكيد طالعه من الفتيس
لأنها ممكن يكون ليها مصدر تاني ذي بلي العجل
وشكرا

السلام عليكم
ممكن استفسار يعني ايه عربية اتوماتيك و فتيس غيار اول و تاني ؟ فيه حاجة مش فاهمها ؟

هو انت بتمشي علي ال d و بعد شوية بتجيب اللي مكتوب عليه 1 ثم اللي مكتوب عليه 2 في الفتيس الاتوماتيك و لا ايه ؟ برجاء التوضيح

اقتباس:

---

المشاركة الأصلية كتبت بواسطة hshehab

السلام عليكم
ممكن استفسار يعني ايه عربية اتوماتيك و فتيس غيار اول و تاني ؟ فيه حاجة مش فاهمها ؟

هو انت بتمشي علي ال d و بعد شوية بتجيب اللي مكتوب عليه 1 ثم اللي مكتوب عليه 2 في الفتيس الاتوماتيك و لا ايه ؟ برجاء التوضيح

---

هوه اكيد بيقصد الغيارات من خلال ملاحظه تغير الار بي ام

وشكرا

اقتباس:

---

المشاركة الأصلية كتبت بواسطة afrtow

هوه اكيد بيقصد الغيارات من خلال ملاحظه تغير الار بي ام

وشكرا

---

شكرا للتوضيح

تمام كدة حضرتك...
وانت طالع بالعربية العربية بتاخد الاول وتفضل علية لحد 2.5 ار بى ام دى لو دوست رجلك طبيعية على البنزين...
انا الصوت بحس بية على النقلة دى بس (الاولى) بعد كدة عادى..
وعلى فكرة الاوبترا الاوتوماتيك 4 نقلات فقط...

بصراحه مش عارف
بس ممكن انصحك عشان متفتحش علي نفسك فتحه
تابع الصوت واتاكد انه جي من الفتيس مش من اي حته تانيه في العربيه
ولو زاد انصحك توديها لحد متخصص في الفتيس
ويارب تكون بسيطه
وربنا يباركلك فيها يارب
وشكرا

السلام عليكم . انا اسمى هشام .
هو الموضوع غريب شوية لان الصوت المذكور لا اعتقد انه صوت gearbox بس انا هقل لحضرتك على نصيحة بالنسبة ل الزيت ال ATF automatic fluid transmission .
كمية السائل اللى السيارة تاخذها حوالى 6 لتر. طبعا احنا عرفين اننا لما نبدل الزيت مش كل ال6 لت بينزلوا نتيجة الtorque converter اللى بيحبس فى داخله ما يقارب 2 او 2.5 لتر و تجد ان حضرتك تبدل من 3.5 الى 4 لتر . عشان عللى الاقل تضمن ان الزيت معظمه اتغير بس هى مكلفة شوية و هى انك تغير الزيت مرره و بعدها ب1000 كيلو تغير اخر . انا الكلام ده عملته فى سيارتى بنفسى انا . الى ان تاكدت ان الزيت فعلا نضف .
من التوكيل هقولك ان الزيت بيتغير كل 30000 . و بعد كده لما تغيره اول مررة قيقول لحضرتك المرة القادمة بعد 20 . انا مش بعيب فى التوكيل خالص انا بقول لحضرتك اللى بيحصل .
انا عارف ان اللى قولتوا دا ملوش دعوة بالموضوع بس الاحتياط واجب عشان ده gearbox. اما الصوت مش متاكد لاكن استبعد بنسبة 40% انه مش من الgearbox بس هتول اه الكورى دى مشكلته مع احترامى الكااااااامل للجميع و شكرا.

يا باشا انا من المنيا
و معايا اوبترا 2010 بس مانيوال
شوف يوم تسقط فيه بالعربيه
و بعون الله هاجي اظابطك
و انا من حي شلبي
ابقي راسلني علي الخاص

باشا غير زيت فتيس تاني لو الصوت مرحش يبقي العربيه فيها بلي فتيس وده لو حصل يبقي غالبا هتحتاج تغير فتيس لان اللي اعرفه ان مفيش حد بيغير بلي فتيس اتوماتيك لان مصنعيته غاليه شويه زائد ان صعب تلاقي حد يقفله كويس لو كان فتيس مانيوال عادي

حضرتك ممكن توصل بالعربيه لتوكيل منصور اللي في المنيا الجديده بتاع الدكتور خالد عبد الجواد لو هتروح قولي وانا اكلمه

ايه ده وmontella كمان من المنيا

ده نص القسم من المنيا اظاهر

انا مش مصدق بجد فى رجالة من المنيا اهو؟؟ طيب ازاى منعرفش غير بالصدفة كدة؟
الف شكر يا رجااااله على المساعدة والاهتمام انا ان شاء الله هغير الزيت تانى واشوف كدة الكلام اية؟؟
وان شاء الله هغيرة فى التوكيل اللى فى المنيا الجديدة..
والف شكر ل Me5emr و Montela بلدياتى D:

ربنا معاك
هل الصوت صوت ونه ولا صوت خشانه ؟ تحس ان التروس خشنة فى طلعة العربية؟
لو الزيت اسود اعتقد للاسف انه مش هينضف حتى مع تانى غيارة ومعرفش ليه الاوبترا بتحرق زيت الفتيس بالطريقة دى!!!
لما نزلت الزيت هل كان فيه رايش؟

لا ياباشا مكنش فية رايش بس كان اسود فعلا...
ربنا يسترها يارب

اللون الاسود ده دليل ان حصل تاكل في الكلاتشات

يعنى اية يا باشا تاكل فى الكلاتشات؟
يعنى الفروض اعمل اية ؟؟؟
انا كدة حاسس ان فى حاجة غلظ...

الحمد لله انه مفيش رايش لان الرايش معناه انه فيه تروس اتكسرت ........ ده بناءا على تجربتى مع تغيير فتيس سيارتى بفتيس استيراد وبعد فتح فتيس سيارتى والبحث عن العطل
بس نصيحتى ليك غير الزيت مرتين او تلاته وتابع مقاسه ولونه كل لما اللون يسود غير الزيت واستعمل الزيت الرخيص شوية atf 220 لغاية الفتيس ماينضف وبعد ماينضف خالص غيره بزيت atf 320

الف شكر لحضرتك اتساذ محمود جاويش على تعبك وان شاء الله هغيرة لحد ملونة يوصل للاحمر...
الف شكر لحضرتك...

تحت امرك وابقى طمنا ان شاء الله