الموضوع: حد يرشدنى للصح

عموما من بعد الثورة الحمد لله مشوفتش ولا امين شرطة حتى واقف فى حتة بيعمل حاجة

اكيد حضرتك مخدتش بالك من كمية الدفاتر اللى فأيدين امناء الشرطة..انا هقولك موقف
كنت فى اشاره فى شبرا عندنا وهى عبارة عن شارع جانبى بيصب على شارع شبرا الرئيسى فالشارع وفى امين شرطة بينظم الاشاره مابين الجانبى والرئيسى..المهم كنت واقف خامس عربية فى الاشاره اللى فى الشارع الجانبى لانه ضيق وبياخد عربية عربية ورا بعض..امين الشرطة فتح الاشاره عدى الاربع عربيات اللى قدامى وقفلها عليها..المهم بقى..لقيتك الريس مركز جدا فى ضهر الاربع عربيات اللى عدوا وفتح الدفتر وكتب 4 مخالفات ورا بعض وهو بيبص على ضهر الاربع عربيات وانا متنح جدا وخدت بالى من العربيات وهما ماشيين لقيتهم مش مفيمين وشكلهم عادى..هاه ايه رايك؟؟؟
ده غير وسط البلد تاكسى واقف بينزل حد صف تانى وهو بيكتب نمرته من بعيد..ايه رايك؟؟
موقف اخر..العربية اتكلبشت فى شارع مصدق فى الدقى دورت على الونش وركبت مع العسكرى عشان يفكلى الكلبوش بساله انتوا حاميين علينا كده ليه لقيته بيقولى احمد ربنا احنا من 7 الصبح مخاصين 300 مخالفة ده غير ان كل كلابشاتنا خلصت وغير 100 عربية اترفعت بالونش والكلام ده الساعة 4...تخيل من 7 ل 4 حصل كل ده!!!هاه ايه رايك!!
وكمان كنت فى شارع سوريا ولقيت عربية نص نقل محافظة القاهرة وجواها ظابط وبيكتب نمر العربيات الصف تانى او اى مخالفة تقابله وده شفته بعينى..ايه رايك!!
ربنا يحفظنا من الوقوع فى الغلط والمخالفات

خلال سنتين تقريبا من السير اليومي على صلاح سالم ذهابا وايابا
عمري ممشيت والتزمت بال 60 دي والحمد لله عمري ماشفت رادار ولا اتاخدت مخالفه

وفي النهاية انا مش هدفع تمن غباء مصمم الطريق اللي قرر ان السرعه 60

انا مع حضرتك فعلا فى كلامك ان ساعات ظروف الطريق تخليك تمشى 70 مثلا فحرام اتاخد مخالفة زيي زى اللى ماشى على 120 على نفس الطريق..وفى الاخر برضه ربنا يحفظك فى طريقك

أحسن وأفضل الطرق فى مصر فى أوقات غير الذروة
مينفعش نزود عن 120

فعلا بس بالنسبالى 90 ده اخر لان الطرق كله مليانه افعال شيطانية مدورة :d