تجربتي مع الطائره النفاثه صني 2011 ببنزين 95
انا انهارده دخلت بنزينة شل و جيت امون لقيت بيقولوا مفيش 92 و التانك كان على الشرطه الي قبل الاخيره فقررت احط 95 و ياللفاجعه العربيه تحولت لوحش ماشاء الله بياكل الاسفلت يا جماعه العربيه على الرابع بتجيب 140 مريح من غير ما احس و صوت الموتور واطي
و شائت الاقدار ان واحد بعربيه سيراتو كان بيهرج على الطريق الدائري لاني طريقي على طول دائري و زنق عليا فانا عديته و قولت معلش مش قصده فجه و لقيت راحل مفرمل مره واحده في وشي ليه
معرفش المهم قررت و عقدت العزم و و سقطت رابع و بعدين خامس جبته في اقل من 14 ثانيه على سرعه 165 و من غير ما اقرص فلقيته هدى و اعتذر و قالي والله انا اسف بس كنت بجرب اشد مع صني عشان سمعت انها بتجري زي السيراتو و واحد صاحبه قاعد جامبه عاوز يشتري صني طبعا ما قولتلوش اني حاطط بنزين 95 بس بجد تحس كمان بعد فتره ان الجري هو اي سرعه فوق 160 اقل ده عادي
و في الاخر انا مبحبش اجري فوق 140 الا على طريقين العين السخنه و اسكندريه الدائري ناحية المعادي مش مزبوط اخره 130 عشان في منازل و مطالع كتير مينفعش تحكم على العربيه فيه و عشان برضه احافظ على الموتور اطول فتره ممكنه